Tölvumál - 01.02.2008, Page 36

Stafræn
dreifing tónlistar
Undanfarinn áratug hefur orðið bylting í
dreifingu á tónlist. Netið hefur náð að festa
sig í sessi sem framtíðardreifileið en einnig
hafa farsímafyrirtæki lagt aukna áherslu á
tónlistarþjónustu fyrir farsíma. Með tilkomu
iTunes, Napster og Tónlist.is á Íslandi hefur
orðið til nýr markaður og heil kynslóð vaxið
úr grasi án þess að hafa verslað tónlist á
geisladiskum eða plötum sem heitið getur.
Tónlist á Netinu má í raun skipta í tvennt. Löglega valkostinn þar sem fólk
getur keypt tónlist til niðurhals eða streymis og það sem rétthafar hafa
kosið að kalla ólöglega dreifingu. Löglegar vefsíður skipta nú hundruðum
á heimsvísu og í Bandaríkjunum selst yfir þriðjungur allrar tónlistar eftir
stafrænum dreifileiðum en í Evrópu er hlutfallið heldur lægra.
Þrátt fyrir að sala á geisladiskum hafi dregist saman í heiminum undanfarin
ár er talið að neysla á tónlist hafi aldrei verið meiri. Ástæða þess er að fólk
skiptist á tónlist í miklum mæli með skráarskiptarforritum en greinir á um
hvort þar er um löglegt athæfi að ræða eða ekki. Skemmst er að minnast
þess þegar rétthafar fengu lögbann á eina slíka vefsíðu hérlendis enda
hafa dómar fallið erlendis og forsvarsenn sambærilegra vefsetra þurft að
greiða háar sektir fyrir að stuðla að dreifingu á þennan hátt án samþykkis
rétthafa.
Stefán Hjörleifsson
ráðgjafi
3 6 | T Ö L V U M Á L