Tölvumál - 01.02.2008, Page 66

6 6 | T Ö L V U M Á L
Fókus, félag um upplýsingatækni í heilbrigðisþjónustu innan Skýrslu­
tæknifélags Íslands var stofnað þann 15. október 2004. Félagar hafa
verið um 100 allt frá byrjun og er mikil breidd í félagatalinu, þar eru
heilbrigðisstarfsmenn, tölvu­ og tæknifólk, háskólafólk og stjórnendur úr
heilbrigðiskerfinu og tölvugeiranum. Stjórn félagsins endurspeglar hina
dreifðu þekkingu og starfssvið félaganna en í henni sitja nú Valgerður
Gunnarsdóttir forstöðumaður heilbrigðisupplýsinga Heilsugæslunnar sem
er formaður, Ásta St. Thoroddsen dósent í hjúkrunarfræði og formaður
námsnefndar meistaranáms í Health Informatics við HÍ er ritari og
varaformaður, Benedikt Benediktsson upplýsingatæknistjóri hjá Lyfja­
stofnun, Arnheiður Guðmundsdóttir yfirmaður hugbúnaðarþróunar hjá
Skýrr, Óskar Einarsson, ráðgefandi sérfræðilæknir á Landspítala, Elísa­
bet Guðmundsdóttir hjúkrunarfræðingur og verkefnastjóri á hag­ og
upp lýsingasviði Landspítala og Bjarni Þór Björnsson tæknilegur fram­
kvæmdastjóri Stika eru meðstjórnendur.
Markmið félagsins eru fyrst og fremst að breiða út þekkingu á hlutverki
upplýsingatækni í heilbrigðisþjónustu og að stuðla að skynsamlegri notkun
hennar svo og að auka samstarf og skilning milli mismunandi hópa fagfólks
í faginu.
Félagið hefur reynt að skapa þverfaglegan umræðu og auka tengsl milli
félaga með því að halda fundi og ráðstefnur. Á þessu ári hafa verið haldnir
4 fundir um fjölbreytt efni og hefur aðsókn verið mjög góð. Fundirnir hafa
verið haldnir á mismunandi stöðum og hafa stjórnarfélagar lagt til húsnæði
eftir þörfum.
Sem dæmi um fundarefni má nefna málefni persónuverndar og aðgengi
almennings að heilsufarsupplýsingum sínum, staðlar í samþættingu og
samskiptum í rafrænni sjúkraskrá, orðasöfn og samvirkni tölvukerfa
fyrir heilbrigðisgögn og núna síðast mikilvægi upplýsingatækninnar fyrir
öryggi sjúklinga. Þar tók m.a. til máls nýr ráðuneytisstjóri Heilbrigðis­ og
tryggingamálaráðuneytisins Berglind Ásgeirsdóttir.
Fókus er þátttakandi í Evrópusamtökum um upplýsingatækni í heilbrigðis­
þjónustu EFMI fyrir Íslands hönd og á fulltrúa í fulltrúaráði samtakanna.
Ráðgert er að Fókus standi fyrir ráðstefnu á vegum Evrópusamtakanna hér
á landi vorið 2010.
Allir sem hafa áhuga á upplýsingatækni í heilbrigðiskerfinu eru velkomnir í
félagið og á fundi.
Fréttir frá Fókus,
félagi um upplýsingatækni
í heilbrigðisþjónustu
Umfjöllun um faghópa
Fókus starfar innan
Skýrslutæknifélagsins
Markmið félagsins eru
fyrst og fremst að breiða
út þekkingu á hlutverki
upplýsingatækni í
heilbrigðisþjónustu
Valgerður Gunnarsdóttir
formaður Fókus