Tölvumál - 01.02.2008, Qupperneq 72

7 2 | T Ö L V U M Á L
Öldungadeildin var stofnuð 22. júní 2004. Er tilgangur hennar eins og segir í
félagssamþykktum „varðveisla sögulegra gagna og heimilda, í hvaða formi
sem er, um vélræna gagnavinnslu og notkun upplýsingatækni á Íslandi.
Þetta felur meðal annars í sér að skrá sögu upplýsingatækninnar og að
stuðla að því að varðveittur verði búnaður sem þýðingu hefur fyrir söguna “.
Félagar eru um 30. Um skilyrði til inntöku segir í samþykktunum: „Félagar
geta allir orðið sem unnið hafa 25 ár eða lengur á sviði upplýsingatækni.
Undantekningar frá þessu ákvæði má gera vegna sérstakra verðleika sem
metnir verða af öldungaráði“. Í raun þýðir þetta að allir sem áhuga hafa og
geta lagt eitthvað af mörkum eru gjaldgengir.
Upphafið má rekja til þess að boðað var til ráðstefnu um sögu upplýsinga­
tækninnar á Norðurlöndum ( HiNC 1, History of Nordic Computing) í Noregi í
júní 2003. Nokkrir einstaklingar tóku saman ráð sín og sendu inn erindi um
tölvuvæðingu hins opinbera á Íslandi. Prófessorarnir Oddur Benediktsson
og Magnús Magnússon sóttu þessa ráðstefnu.
Upp úr því var hafinn undirbúningur að stofnun faghópsins. Fyrsta verk
hópsins var að setja upp „Söguvefinn“ á vefstað SKÝ og setja þar inn efni
sem aflað var í tenglsum við ofangreind erindaskrif. Vefurinn hefur aukist
hægt, en á forsíðu SKÝ er áberandi hnappur sem vísar á hann.
Þrjú erindi voru send inn á HiNC_2, sem haldin var í Turku í Finnlandi í
ágúst 2007, og flutt þar af þremur félagsmönnum. Undirbúningur er hafinn
að því að bjóða til HiNC­ráðstefnu á Íslandi áður en langt líður.
Ekki hefur tekist að hefja kerfisbundna söfnun minja. Öldungaráð hefur leitað
án árangurs til félaga í SKÝ eftir hentugu húsnæði til að geyma og/eða sýna
safnmuni. Á rástefnunni í Turku kom fram að vaxandi áhugi er fyrir þessum
þætti samtímasögunnar meðal sagnfræðinga og safnafólks enda ljóst að tíminn
líður hratt í upplýsingaheimum. Minjar týnast með hverri endurskipulagningu
fyrirtækja, þekking hverfur með hverri kynslóð sem hverfur af vettvangi.
Öldungadeildin á sér þann draum að mega halda merkinu á lofti hér á landi
þar til aðrir, betur hæfir og betur búnir, taka við því.
Umfjöllun um faghópa
Öldungadeild
Skýrslutæknifélags Íslands
Félagar geta allir orðið sem
unnið hafa 25 ár eða lengur á
sviði upplýsingatækni
Fyrsta verk hópsins var að setja
upp „Söguvefinn“ á vefstað SKÝ
Jóhann Gunnarsson
formaður Öldungadeildar