Tölvumál - 01.02.2008, Page 77

T Ö L V U M Á L | 7 7
Það vantar menntað og
reynslumikið tölvufólk
Stundum eru stýrimennirnir orðnir
fleiri en ræðararnir
Nauðsyn að gera þessum störfum
hærra undir höfði en nú er gert
Annað sem Eyður hefur tekið eftir er að reynslumiklir forritarar eru gjarnan
gerðir að verkefnisstjórum eða hópstjórum. Oft og tíðum jafngildir þetta því
að þeir sem róa eru gerðir að stýrimönnum og stundum eru stýrimennirnir
orðnir fleiri en ræðararnir. Misjafnt er svo hvort tölvufólk sækist eftir slíkum
störfum eins og gengur en að minnsta kosti er rétt að benda kurteislega á að
verkefnastjórnun, mannaforráð og forritun eru ólík fög og ekki er víst að færni
eða árangur skili sér á milli þessara starfa.
Stefnuleysi
Hið opinbera og menntakerfið þarf einnig að marka skýrari stefnu um hvernig
eigi að leysa úr skorti á fólki í upplýsingatækni til framtíðar. Hægt er að efla
menntun og umbuna þeim sem velja sér upplýsingatækni sem starfssvið.
Skoða þarf námsframboð frá upphafi skólagöngu og skoða leiðir til þess að
gera námið eftirsóknarvert fyrir ungt fólk. Jafnframt þarf að vera auðvelt
fyrir tölvufólk að sækja sér sí­ og endurmenntun enda úreldist þekking hratt
í upplýsingatækniiðnaðinum. Í bráð þarf hið opinbera að tryggja að það sé
auðvelt fyrir íslensk fyrirtæki að verða sér úti um starfskrafta erlendis frá og á
þá engu að gilda hvort starfskraftarnir koma frá evrópska efnahagssvæðisinu
eða ekki.
Mikilvægast er kannski á endanum er að gera framlag tölvufólks til reksturs
fyrirtækja og stofnana í landinu sýnilegra en nú er og gera stjórnendur hjá
atvinnulífinu og hinu opinbera meðvitaðri um nauðsyn þess að gera þessum
störfum hærra undir höfði en nú er gert.