Bændablaðið - 17.12.2015, Síða 62

62 Bændablaðið | Fimmtudagur 17. desember 2015
Heiðurskonurnar og handbolta-
hetjurnar Sigríður Sigurðardóttir
og Ingibjörg Jónsdóttir létu
af störfum sem ræstitæknar
Bændasamtaka Íslands (BÍ) um
síðustu mánaðamót, eftir áratuga
störf fyrir samtökin.
Þær stöllur voru formlega kvadd-
ar í jólaboði Bændasamtakanna í
hádeginu síðastliðinn þriðjudag og
þakkað vel unnin störf. Sigríður
sagði í samtali við tíðindamann
Bændablaðsins að hennar starfsfer-
ill hjá BÍ, sem þá hét Búnaðarfélag
Íslands, hafi byrjað árið 1969, í tíð
Halldórs Pálssonar búnaðarmála-
stjóra, eða fyrir 46 árum. Ingibjörg
hóf störf sex árum seinna, eða 1975,
og þá var Halldór enn við stjórn-
völinn.
Sigríður segir að henni hafi boðist
þetta starf eftir að Bændasamtökin
fluttu úr Tjarnargötunni í
Bændahöllina sem þá var nýlega
byggð. Báðar tala þær um hvað
þetta sé búið að vera ánægjulegt,
sérstaklega að umgangast allt það
skemmtilega fólk sem starfað hefur
hjá Bændasamtökunum í gegnum
tíðina.
Skemmtilegt lið
„Þetta var svo skemmtilegt lið,“
segir Ingibjörg. „Þarna voru m.a. í
upphafi bræðurnir Hannes Pálsson
og Halldór Pálsson, Gísli gamli
Kristjáns, Guðmundur Jósafats,
Ólafur Stefánsson á Álftanesi og
margir fleiri.“ Mikið hafi síðan
breyst á löngum tíma, nema andinn
í Bændahöllinni, hann sé alltaf
góður.
Hafa upplifað miklar breytingar
á starfstímanum
Þegar þær Sigríður og Ingibjörg
hófu störf voru tvær stofnanir bænda
með starfsemi sína í Bændahöllinni.
Það var Búnaðarfélag Íslands og
Stéttarsamband bænda. Búnaðar-
félag Íslands var lagt niður og
sameinað Stéttarsambandi bænda
með lögum árið 1994. Var það
síðan formgert með stofnun
Bændasamtaka Íslands árið 1995
sem eru í dag heildarsamtök
íslenskra bænda. Þau eru samtök 13
búnaðarsambanda og 12 búgreina-
sambanda.
Sigríður og Ingibjörg eru því
búnar að upplifa miklar breytingar
á samtökum bænda og einnig á hús-
næðinu sem starfsemin hefur verið
í. Það hafa þær þrifið af mikilli
samviskusemi alla tíð, eða þar til
þær létu af störfum nú í lok nóv-
ember.
Handboltahetjur Íslands
Sigríður er í hugum margra ein af
helstu handboltahetjum Íslendinga.
Hún er Valsari út í gegn og lagði
skóna á hilluna, eins og sagt er,
1969, eða sama ár og hún hóf störf
hjá Búnaðarfélaginu.
„Ég lauk ferlinum með því að
vinna Íslandsmótið með sigri uppi
á Skaga. Við vorum líka búnar
að vinna Fram og þetta var orðið
ágætt,“ segir Sigga og hlær.
Ingibjörg, sem er mágkona
Sigríðar, var líka mikil keppnis-
manneskja í handboltanum, en
hún spilaði með Fram. Hún segir
að þær hafi ósjaldan keppt á móti
hvor annarri og tekist á af mikilli
hörku. Stundum háttaði þannig til
að þær voru báðar í kvöldmat hjá
foreldrum hennar, en eftir mat fóru
þær svo að keppa í handbolta, en
báðar voru fyrirliðar sinna liða. Þótt
rígur væri á milli félaganna skyggði
það samt aldrei á vináttu þeirra.
Sigríður segir að umhverfið og
aðbúnaðurinn í handboltanum hafi
gjörbreyst. Áður voru þær að keppa
utanhúss, stundum á grasvöllum,
en líka oft á malarvöllum. Geta má
nærri að eftir keppni á malarvöllum
hafi verið ansi mikið um skrámur.
Innilegar þakkir
Starfsfólk Bændablaðsins þakkar
þeim Sigríði og Ingibjörgu fyrir alla
þeirra eljusemi og sérlega notaleg
kynni í gegnum tíðina. Er þeim
óskað alls hins besta á komandi
árum.
/HKr.
Lesendabás
Upphaf nýrrar heimsmyndar
Parísarsamningurinn sem náð-
ist þann 12.12 er metnaðarfullt
samkomulag sem á eftir að marka
upphaf nýrrar heimsmyndar þar
sem sjálfbærni náttúruauðlinda
verður leiðarljós mannkyns.
Tímamótin eru söguleg enda
einstakur atburður í heimssögunni
og dagsetninguna er auðvelt að
muna.
Þetta er fyrsta samkomulagið þar
sem öll ríki takast á við þau hættu-
merki sem við erum þegar farin að
sjá um hlýnun jarðar og rammar inn
lagalega áætlanir einstakra ríkja til
að draga úr losun gróðurhúsaloft-
tegunda. Nú þurfa öll ríki, stór sem
smá, að vinna hratt og taka höndum
saman um að ná markmiðinu um að
tryggja að hlýnun jarðar verði vel
innan við 2°C og stefna að því að
halda henni innan við 1,5°C . Til að
svo megi verða þarf að hlusta vel
á hvað vísindin hafa fram að færa
og uppfæra markmiðin á fimm ára
fresti.
Á síðustu vikum hefur hefur mátt
merkja öra þróun varðandi viðhorf
stjórnvalda, fyrirtækja og einstak-
linga til loftslagsmála og mikilvægi
þess að takast á við vandann. Tala
má um hugarfarsbreytingu í því sam-
bandi sem leiddi til loforðs um að
bæta umgengni og skyldur við móður
jörð. Það var magnað að upplifa þann
jákvæða anda sem ríkti á ráðstefn-
unni og heyra að þjóðir heims ætli
að fylgja eftir sínum markmiðum.
Áskorun og tækifæri
Ástand loftslagsmála er alvarlegt
og kallar á nýja hugsun og lausnir.
Vendipunktinum hefur verið náð.
Framundan eru mörg óunnin verk
við að þróa langtíma tæknilausnir
sem fela jafnframt í sér tækifæri til
hagsbóta fyrir mannkynið. Án efa
munu þessi tímamót flýta tækni-
þróun sem stuðlar að því að nýting
auðlinda verði sjálfbær. Fjölbreytt
verkefni í sóknaráætlun Íslands í
loftslagsmálum voru kynnt í nóv-
ember. Þau eru skref fram á við sem
miða að því að efla starf okkar í lofts-
lagsmálum næstu árin til að standa
við skuldbindingar sem er kveðið á
um í Parísarsamningnum.
Ísland hefur margt fram að færa
í loftslagsmálum sem önnur ríki
horfa gjarnan til. Mikill áhugi var
á íslenskum kynningarviðburðum
á loftslagsráðstefnunni í liðinni
viku þar sem m.a. var fjallað um
endurnýjanlega orku, landgræðslu
og jökla en á þeim sviðum búum
við að mikilli sérfræðiþekkingu og
reynslu. Í því ljósi þarf að efla enn
frekar samstarf atvinnulífs, vísinda-
og rannsóknasamfélags, sveitarfé-
laga, félagasamtaka og almennings.
Þá hefur Ísland lagt áherslu á að
tekið sé tillit til kolefnisbindingar
jafnt sem losunar í loftslagssamn-
ingnum og að tryggja jafnréttis-
sjónarmið. Lítil áhersla var lögð á
jafnréttismál í starfi samningsins
þangað til Ísland hóf að beita sér
fyrir málinu fyrir nokkrum árum.
Þar erum við í fararbroddi og berum
skyldu til að miðla reynslu okkar til
annarra þjóða sem tryggir aðkomu
beggja kynja að starfi í loftslagsmál-
um. Jöfn aðkoma að ákvarðanatöku
er lykillinn að því að ná tökum á
vandanum á heimsvísu og mun flýta
fyrir raunhæfum og hvetjandi lausn-
um í loftslagsverkefnum.
Gott skipulag einkenndi lofts-
lagsráðstefnuna undir forystu Frakka
sem eiga lof skilið fyrir trausta stjórn
viðræðna og annað utanumhald. Þá
hefur samninganefnd Ísland staðið í
ströngu og unnið mjög gott starf síð-
ustu misserin til að koma að og fylgja
eftir áherslum Íslands. Samhugur og
metnaður allra hefur átt sinn þátt í
því hve vel tókst til. Fyrir það ber
að þakka.
Sigrún Magnúsdóttir
umhverfis-og auðlindaráðherra
Sigrún Magnúsdóttir.
Heiðurskonur kveðja Bændahöllina
Sigríður Sigurðardóttir og Ingibjörg Jónsdóttir klára síðustu vaktina í Bændahöllinni. Mynd / HKr.
Ingibjörg Jónsdóttir og Sigríður
Sigurðardóttir með heljarstóra
bjöllu sem þær létu hljóma til að
kalla á búnaðarmálastjóra og aðra
vinnufélaga þegar þær voru búnar
árunum í Bændahöllinni.