Tímarit hjúkrunarfræðinga - 01.04.2010, Qupperneq 32

Tímarit hjúkrunarfræ›inga – 2. tbl. 86. árg. 201028
Cecilie Björgvinsdóttir, cissy@hjukrun.is
KJARAKÖNNUN HAUSTIÐ 2009
Í kjarakönnun, sem var gerð sl. haust, komu í ljós áhugaverðar upplýsingar
um laun, starfshlutfall og menntun hjúkrunarfræðinga. Til stendur að gera
kjarakönnun reglulega.
Félag íslenskra hjúkrunarfræðinga stóð
fyrir kjarakönnun á meðal félagsmanna
sinna í nóvember 2009. Stærð
úrtaksins var 2.856 hjúkrunarfræðingar,
heildarfjöldi svarenda var 684.
Markmið könnunarinnar var að kanna
launakjör hjúkrunarfræðinga og skapa
félaginu grunn til þess að byggja seinni
kjarakannanir á. Könnunin var lokuð
vefkönnun þar sem þátttakendur fengu
sendan póst með aðgangsorði að
svarsíðu á netinu.
Þegar spurt var um ábyrgðarsvið í starfi
reyndust 59% svarenda vera almennir
hjúkrunarfræðingar, 8% voru aðstoðar­
deildarstjórar, 13% deildar stjórar og
8% verkefnastjórar. Þá voru 6% yfir­
hjúkrunar fræðingar eða hjúkrunar­
forstjórar en 5% í öðru óskilgreindu
starfi. Nokkrar markverðar niðurstöður
má sjá hér til hliðar.
Það voru ákveðin vonbrigði að þátttaka í
könnuninni var ekki eins og vænst hafði
verið og er það von okkar að þátttakan í
næstu könnun verði betri. Engu að síður
tel ég könnunina gefa glöggva mynd af
kjörum stéttarinnar. Einhverjir formgallar
komu í ljós og verða þeir lagaðir fyrir
næstu könnun.
Könnunin staðfesti þá tilfinningu félagsins
að hjúkrunarfræðingar hefðu aukið við sig
starfshlutfall og er það einkar ánægjulegt
í ljósi þess að það ætti að þýða að
mönnun er betri. Þar tel ég fyrst og
fremst tvennt ráða mestu, annars vegar
breytt áhersla í kjarasamningnum frá
2008, þar sem dagvinnulaunin hækkuðu
á kostnað yfirvinnutaxtans, og hins vegar
áhrif kreppunnar á kjör og atvinnuöryggi.
Eins ber að geta þess að það er einkar
ánægjulegt að sjá hversu vel menntuð
stéttin er eins og sjá má af fjölda þeirra
sem hafa lokið formlegu viðbótarnámi.
Atvinnuleysi á meðal hjúkrunarfræðinga
er ákveðið áhyggjuefni, en hlutfall
þeirra sem hafa fengið uppsögn í starfi
í könnuninni og fjöldi þeirra sem er á
atvinnuleysisskrá miðað við félagatalið
er sambærilegur. Sumar stofnanir hafa
gripið til þess að minnka starfshlutfall
hjúkrunarfræðinga. Það er alveg ljóst
að árið 2010 er erfitt og reikna má
með enn meiri erfiðleikum á árinu 2011
miðað við þann niðurskurð sem þá þarf
að eiga sér stað í opinberum rekstri.
Kannanir af þessu tagi eru því félaginu
afar mikilvægar svo standa megi vörð
um kjör og réttindi okkar félagsmanna.
Cecilie B. H. Björgvinsdóttir er svið stjóri kjara­
og réttindasviðs hjá Félagi íslenskra hjúkrunar­
fræðinga.