Þjóðmál - 01.06.2011, Page 7

Þjóðmál SUmAR 2011 5
Valdimar Tómasson
Sonnettur*
I
Um sumarkvöld ég sit við kræklótt tré
og sólfarsvindar strjúka rjóða vanga,
mig undrar sífellt óræð lífsins ganga
og allt það sem hún lætur manni í té .

Ég þreyttur stari á gisnar gróðurvinjar
og gleymdar myndir birtast ein og ein,
í minni sálu er engin hugsun hrein
og hjartakenndir tærar aðeins minjar .

Því allt var selt á lostans torgi og táls
og taumlaus girndin drekkir þínu sjálfi,
í senn þú líkist kjölturakka og kálfi
sem kvoðan sökkvir langt upp fyrir háls .

Þér bjargar engin andakt, von né trú
því allir breyttu á sama hátt og þú .
_______________________________
* Sonnettur þessar eru ortar sumarið 2008, þ .e . fyrir hrun íslensku bankanna .