Þjóðmál - 01.06.2011, Side 8

6 Þjóðmál SUmAR 2011
II
Nú sefur allt í svölum næturskugga,
minn sálareldur veikur logi á skari,
ég vonlaus út í vetrarmyrkrið stari,
válynda nótt, hví byrgir þú minn glugga?

Og haustið breiðir hendur yfir jörðu
og heimtar feigan allan sumarblóma
og kyrrlátt rökkrið drepur allt í dróma
sem dagsins birta og sólin áður vörðu .

Mín sál er lauf sem leitar fölt til jarðar
og lætur aðeins vinda ráða för
en ekki skip sem líður létt úr vör
og lyftir segli er rísa öldugarðar .

Dimmhærða nótt, ó, deyf þú mína kvöl,
dvel þú hjá mér kyrrlát, þýð og svöl .