Þjóðmál - 01.06.2011, Side 21

Þjóðmál SUmAR 2011 19
skemmta sér vel og gera daginn ógleyman­
legan, farið var á veitingahús og miklar
„trakteringar“ liðlangan daginn . Jafnvel þó
að árin væru farin að færast yfir og heilsan
að bresta héldu Jón og Ingibjörg í skógarferð
með ungmennin .
Ingibjörg Jensdóttir segir einnig frá því að
hún hafi farið í dýragarðinn með bræðr um
sínum og í fylgd með nöfnu sinni, frú Ingi­
björgu . Dýragarðurinn (Zooloogisk Have) er
einn sá elsti í Evrópu, opnaður árið 1859, og
var staðsettur við Friðriks borgar höll . Varð
hann fljótlega vinsæll viðkomu staður íbúa
borgarinnar . Það hefur verið fram andi reynsla
að skoða dýrin í safninu, t .d . fílana sem voru
þar til sýnis frá 1878 .12 Í gögnum Jóns og
Ingibjargar er bréfsnifsi þar sem virðist skráð
niður aðgangseyrir í dýragarðinn og á lista­
safnið (Kunstkabinettet) og einnig kökur á
12 Sama heimild, bls . 146 .
veitingastaðnum Sommerlyst .13 Greinilegt er
að Ingibjörg hefur lagt sig fram við að búa
börnunum, sem jafnan dvöldu hjá henni
og Jóni, skemmtilegar stundir . Hún kaupir
t .d . „sundbílæti“ handa „Sigga“, Sigurði,
fóstursyni þeirra Jóns . Vinsælt var að baða
sig á ströndinni og margir lærðu að synda á
þessum árum .14
Ingibjörg og Jón fóru einnig út til Klamp­
en borg á sumrin . Vinur þeirra, Jón Hjalta­
lín, síðar landlæknir, stofnaði svo kall aða
vatns lækn ingastofnun þar árið 1845 . Eftir
nokkur erfið upphafsár varð staðurinn
geysivinsæll, sérstaklega eftir að járnbraut
hafði verið lögð þangað frá Kaupmanna­
13 ÞÍ . E . 10 . 20 . Jón Sigurðsson forseti . Reikningar og
kvittanir .
14 ÞÍ . E . 10 . 20 . Jón Sigurðsson forseti . Reikningar og
kvittanir . Gísli Brynjúlfsson var einn þeirra sem æfðu sund
í Höfn . Sjá: Gísli Brynjúlfsson, Dagbók í Höfn, bls . 233 .
Segir hann að sund sé bæði „karlmannleg og fögur íþrótt“ .
Rósenborgargarðurinn var ekki fjarri heimili Jóns og Ingibjargar .
Börn að leik og fullorðnir standa á skrafi í veðurblíðunni í Kongens Have .