Þjóðmál - 01.12.2011, Blaðsíða 13

12 Þjóðmál VETUR 2011
Geri hann það í stað þess að velja sér stöðu
með stjórnarandstöðunni sýnir hann ekki
mikla pólitíska dómgreind .
IV .
Eitt mál er enn ofar öllum öðrum í ríkisstjórninni . Það er ESB-aðildar-
málið . Guðmundur Steingrímsson kynni
að rökstyðja stuðning sinn við ríkis-
stjórnina með þeim orðum að hann ætlaði
með því að stuðla að aðild Íslands að
Evrópusambandinu . Hann ályktaði sem svo
að ef á reyndi myndi VG vilja leiða málið til
lykta og ganga frá samningi .
Tvískinnungur VG í ESB-málinu fer
verst með flokkinn . Hann segist annars
vegar andvígur aðild að ESB en situr hins
vegar í ríkisstjórn sem vinnur að sömu
aðild . Sjálfstæðisflokkurinn kemur sterkari
frá landsfundi sínum en ella væri af því að
þar horfðu menn af raunsæi á ESB-málið og
komust að þeirri niðurstöðu að skynsamlegt
væri að gera hlé á aðildarviðræðunum hvort
sem þeir voru fylgjandi þeim eða á móti .
Þeim mun betur sem menn eru að sér
um málefni ESB því augljósara er að nú er
síst af öllu rétti tíminn til að ræða aðild að
sambandinu . Það veit enginn hvernig ESB
mun líta út eftir nokkur misseri ef marka má
ræður Nicolas Sarkozys og Angelu Merkel
dagana 1 . og 2 . desember . Bæði boðuðu þau
að Evrópusambandið yrði að breytast . Yrði
ekki komið á fót nýju samstarfi mundi evran
líða undir lok og þar með Evrópusamband-
ið eins og við þekkjum það . Báðir kostir
leiða til nýs Evrópusambands hvernig sem
það verður .
Þegar á þetta er bent í umræðum hér á landi
og hve óeðlilegt sé að halda aðildarviðræðum
áfram eins og ekkert hafi í skorist svarar
Össur Skarphéðinsson utanríkisráðherra út
í hött . Hann segir að evran komi sterkari frá
þessari áraun . Hann fæst hins vegar ekki til
að ræða það sem talið er skilyrði fyrir sterkari
evru, að til komi meirihlutaákvarðanir á
evru-svæðinu um það hvernig fjárlögum
einstakra ríkja skuli háttað, að minnsta
kosti litlu ríkjanna . Tilsjónarmenn af
hálfu nýrrar evru-skrifstofu fylgist með
ríkisfjármálum einstakra ríkja . Sé þróunin á
þann veg að evrunni sé hætta búin að mati
tilsjónarmannanna skuli viðkomandi ríki
sjálfkrafa refsað . Í stjórnarskrár evru-ríkja
verði sett regla um að halli á ríkissjóði verði
innan 3% af landsframleiðslu og skuldir fari
ekki yfir 60% af landsframleiðslu .
Ekkert af þessu lá fyrir þegar alþingi
samþykkti aðildarumsókn Íslands 16 . júlí
2009 . Ef ekki eru brostnar forsendur fyrir
þeirri samþykkt að mati alþingismanna
sannar það aðeins að þeir fylgjast ekkert
með framvindu innan ESB . Þeim er sama
af því að þeir fljóta sofandi að feigðarósi .
Innan Evrópusambandsins vaxa efasemdir
um réttmæti þess að verja mannafla, fé og
tíma í viðræður við þjóð sem hefur ekki
áhuga á að fara inn í sambandið . Þessar
efasemdir munu ekki birtast í því að ESB
geri sjálft hlé á viðræðunum, hins vegar mun
sambandið draga viðræðurnar eins mikið á
langinn og fært þykir . Þetta er bæði gert í
von um að ásýnd sambandsins breytist til
hins betra og einnig til að vinna tíma fyrir
kynningarskrifstofu ESB sem opnuð verður
með miklum ESB-fjármunum í byrjun árs
2012 að ósk íslenskra stjórnvalda .
ESB-málið er eins og draugur í íslensku
stjórn málalífi sem ekki verður kveðinn niður
nema takist að halda Samfylkingunni utan
ríkisstjórnar . Nýjustu tölur frá Gallup benda
til þess að Sjálfstæðisflokkur og Fram sóknar-
flokkur hafi burði til þess . Megi sá dagur
renna sem fyrst . Þjóðin hefur nógu lengið
búið við kreppu vegna ríkis stjórnarinnar auk
hinnar varanlegu stjórnarkreppu sem leiðir
af starfsháttum innan hennar .