Þjóðmál - 01.12.2011, Qupperneq 74

Þjóðmál VETUR 2011 73
Um sömu mundir og upplýst var um landakaup Huangs Nubos á Íslandi í
lok ágúst 2011 tóku að birtast greinar um þau
í erlendum fjölmiðlum, ekki síst í Bretlandi .
The Financial Times á vaðið 30 . ágúst 2011 .
Blaðið setti málið í heimspólitískt samhengi
og sagði að gagnrýnendur landa kaupanna
teldu að með þeim væru Kínverjar að ná
strateg ískri fótfestu í Norður-Atlantshafi .
Huang Nubo hefði starfað í kínverska
áróðurs málaráðuneytinu og einnig í mann-
virkjaráðuneyti Kína . Eignir hans væru metnar
á 890 milljónir Bandaríkjadali og hann væri
númer 161 á lista yfir ríkustu menn Kína .
Sama dag, 30 . ágúst 2011, fjallaði breska
ríkisútvarpið BBC um málið og sagði að
gagnrýnendur áforma Huangs óttuðust að
landið sem hann ætlaði að kaupa kynni að
verða nýtt af Kínverjum til að ná strategískri
fótfestu á Íslandi . Íslenskir embættismenn
hefðu hins vegar fagnað kaupunum og
þeim 20 milljörðum króna til viðbótar sem
Huang segðist ætla að verja til fjárfestinga .
Þá sagði BBC:
Huang er stjórnarformaður í Zhongkun-fjár-
festingarfélaginu og einnig er sagt að hann
hafi starfað sem háttsettur embættismaður
í helsta áróðursráðuneyti Kína (Chinese
Central Propaganda Department) og mann-
virkjaráðuneytinu .
Íslenska utanríkisráðuneytið segir að
Huang ætli að tengjast Vatnajökuls- og Jök-
uls árgljúfurs-þjóðgörðunum í samræmi við
„áherslu fyrirtækis hans á náttúruvernd og
um hverfistengda ferðaþjónustu“ .
Huang hefur lofað að eiga nána samvinnu
við íslensk yfirvöld, sagði ráðuneytið, og hann
ætlar ekki að gera kröfu til neinna vatns-
réttinda vegna Jökulsár á Fjöllum sem rennur
um landið .
Efnahagslíf Íslands, sem eitt sinn stóð í
miklum blóma, hrundi á dramatískan hátt
árið 2008 með falli þriggja stærstu banka
landsins . Nú er mikil þörf fyrir hagvöxt og
erlenda fjárfestingu .
Heimamenn hafa samþykkt kaupin en
embættismenn benda á að Huang hafi ekki
enn sótt um undanþágu frá lögum sem hindra
aðra en ESB-íbúa í að kaupa land .
Á Íslandi hafa ýmsir látið í ljós áhyggjur af
langtímaáhrifum þess ef íslenskt land komist í
hendur útlendinga og að landið kynni að veita
Kínverjum framtíðaraðgang að úthafshöfnum
á svæðinu .
„Nú stöndum við frammi fyrir því að kín-
verskur auðmaður vill kaupa 300 fer kíló-
metra af Íslandi . Þetta þarf að ræða, en ekki
kyngja ómeltu,“ sagði Ögmundur Jónasson
innanríkisráðherra á vefsíðu sinni .
Hann sagði að Kínverjar væru þekktir fyrir
„að hugsa langt fram í tímann samhliða því
sem þeir eru að kaupa upp heiminn“, og
varaði við því að Íslendingar féllust á kaupin
án þess að skoða málið til hlítar .
Íslendingar yrðu að læra af reynslu banka-
kreppunnar og fara að ráðum þeirra sem vara
fólk við hættunni af því að samþykkja alla
fjárfestingu sem sé í boði .
„Er ekki tilefni til að staldra við og hugsa
þegar verið er að færa Ísland upp á búðarborðið
á ný?“
Katrín Júlíusdóttir iðnaðarráðherra sagði
hins vegar fréttamönnum að að ljóst væri að
Íslend ingar yrðu að „fara varlega“ . Þó væri
„engin ástæða til að fara af hjörunum vegna þess
að einn kínverskur karl vildi kaupa eitthvað af
landi og fjárfesta í ferðaþjónustu á Íslandi .
Útlendingar eiga nú þegar þó nokkuð af
landi hérna og ég held að ekki þurfi að vera
neitt hræddur við það .“
Breska blaðið The Independent fjallaði um
málið 31 . ágúst 2011 undir fyrirsögninni:
Austrið lítur í norður þegar Kína flytur sig
inn á Ísland . Þar er sagt frá því að á bak við
áform Huangs Nubos um að kaupa hluta
af íslensku eyjunni kunni að búa áhugi á að
opna nýjar siglingaleiðir . Greinin í blaðinu
er eftir Clifford Coonan, fréttaritara The
Independent í Peking . Hún var á þessa leið:
Að verja meira en 60 milljón pundum í af-
skekktan hluta af fjallaeyju í Norður-Atlants-