Þjóðmál - 01.03.2013, Blaðsíða 36

Þjóðmál voR 2013 35
Ragnhildur Kolka
Þeir sem erfa eiga landið
Um nýja aðalnámskrá grunnskóla
Nú er eitt og hálft ár liðið síðan ný aðal námskrá fyrir grunnskóla var
tekin í notkun og verður að segjast að
furðu hljótt hefur farið um innleiðingu
hennar og framkvæmd . Er þó um opinbert
plagg að ræða sem snertir börn þessa lands
og reyndar okkur öll í nútíð og um langa
framtíð . Er engu líkara en að foreldrar og
aðrir áhugamenn um velferð barna hafi
verið lostnir svefnþorni, svo hávær er þögn
þeirra gagnvart þessu plaggi sem mun á
komandi árum móta æsku Íslands meira en
allt annað sem á vegi hennar verður . Þessi
aðalnámskrá er samansúrraður heilaþvottur
sem hvaða alræðisríki sem væri mætti vera
fullsæmt af . Sovétríkin og fylgihnettir
þeirra hefðu ekki getað gert betur og
kölluðu ráðamenn alræðisins þó ekki allt
ömmu sína . En hér eru uppalendur barna
of dofnir til að sjá í gegnum freyðandi
málskrúðið eftir langvarandi uppeldi á
opinberum stofnunum . Þeir hefðu þó
mátt hafa varann á, því að í mennta- og
menn ingarmálaráðuneytinu hefur gengið í
endurnýjun lífdaganna sú stefna sem allur
þorri fólks taldi að brotin hefði verið á bak
aftur fyrir tveimur áratugum, en birtist svo
skyndilega sprelllifandi í námskrá íslenskra
barna árið 2011 . Og enginn segir múkk .
Finnist fólki ég vera að gramsa í fornum
fræðum ættu þeir að íhuga ræðu Steingríms
J . Sigfússonar á landsfundi Vinstri-grænna
síðastliðinn febrúar og spyrja sig hvers
vegna það þyki svo sjálfsagt að Katrín
Jakobsdóttir, mótframboðslaust, taki við
keflinu af honum .
A ðalnámskrá er rammi um skólastarf á leik-, grunn- og framhaldsskólastigum
og henni er ætlað að veita leiðsögn um
tilgang og markmið skólastarfsins . Fyrstu
þrír kaflarnir eru sameiginlegir öllum
skólastigum en í þessari grein er aðeins
vísað til þess sem gildir fyrir grunnskóla .
Strax í fyrsta kafla vakna grunsemdir um
ankannaleg viðhorf þeirra sem um véla,
þegar í ljós kemur að meginmarkmið
skólagöngunnar sé „að stuðla að almennri
menntun þegnanna“ (bls . 10) . Og þá spyr
maður: þegna hvers? Ólíkt ættjarðarljóðum
vísar staðhæfingin ekki í þegna þessa lands
aðeins þegna . Síðan hvenær eru borgarar í
lýðfrjálsu landi þegnar? Sögðum við ekki
skilið við danskan kóng árið 1944 og
eru þeir sem njóta eiga þessarar almennu
menntunar, sem menntamálaráðuneytið
hefur milligöngu um, ekki frjálsbornir
Íslendingar? Getur verið að bjúrókratarnir