Þjóðmál - 01.06.2014, Síða 93

92 Þjóðmál SUmAR 2014
Guðmundur Magnússon: Eimskipafélag Íslands
í 100 ár — Saga félagsins, Eimskipafélag
Íslands, Reykjavík 2014, 440 bls .
Eftir Björn Bjarnason
Þess var minnst hinn 17 . janúar 2014 að 100 ár voru liðin frá stofnfundi
Eimskipafélags Íslands . Meðal þess sem
gert var til hátíðabrigða var að gefa út
þrjár bækur . Þar er mest saga félagsins sem
Guðmundur Magnússon, sagnfræðingur
og blaðamaður, hefur skráð . Í tilefni af
85 ára afmæli félagsins ritaði Guðmundur
söguna frá 1914 til 1997 og kom hún
út árið 1998 . Þremur árum fyrir 100
ára afmælisdaginn varð hann við ósk
félagsins um skrá söguna til ársloka 2013 .
Auk sögunnar eru bækur um skipa sögu
Eimskipafélagsins sem Hilmar Snorrason
hefur skráð og um listaverka safn félagsins
sem Þorsteinn Jónsson skráði .
Hér verður fjallað um söguna eftir Guð-
mund Magnússon . Bók hans er ríkulega
myndskreytt . Þar eru ekki aðeins myndir,
alls um 400 að tölu, af mönnum, skipum
og mannvirkjum heldur einnig sögulegum
skjölum auk teikninga og korta . Höfundur
fetar sig áfram á skipulegan hátt ár frá ári .
Auk frásagnar af framvindu mála hjá Eim-
skipafélaginu eru birt atriðisorð eða setn-
ingar á spássíu um helstu atburði við kom-
andi árs innan lands og utan .
Í upphafi bókarinnar er megindráttum
í aldarsögu lýst . Á bls . 113 er dregið
saman yfirlit áranna 1914 til 1938 undir
fyrirsögn inni: Sýnt fram á að Íslendingar
geta annast eigin siglingar . Á bls . 149
er yfirlit áranna 1939 til 1945 undir
fyrirsögninni: Skip skaðar og sífelld óvissa
vegna ófriðarins . Á bls . 198 er yfirlit
áranna 1946 til 1961 undir fyrirsögninni:
Skipastóllinn endurnýjaður en reksturinn
erfiður . Á bls . 281 er yfirlit áranna
1962 til 1978 undir fyrirsögninni: Tími
framkvæmda og mikilla fjárfestinga . Á bls .
332 er yfirlit áranna 1979 til 2002 undir
fyrirsögninni: Grundvallarbreytingar á
stefnu og starfsemi . Á bls . 361 er yfirlit
áranna 2003 til 2008 undir fyrirsögninni:
Geyst farið á góðæristímum . Á bls . 384
er yfirlit áranna 2009 til 2013 undir
fyrirsögninni: Gömul gildi og markmið
hafin til vegs að nýju .
Í þessum yfirlitsköflum dregur Guð mund-
ur saman það sem hann telur mestu skipta
í köflunum um einstök ár í sögu félagsins .
Hann leggur með öðrum orðum áherslu
á að halda að lesandanum meginþræði til
glöggvunar . Með þessu er undirstrikað
að bókina má einnig nota sem handbók
Bókadómar
_____________
Innan Eimskipafélagsins
hafa menn lært af sögunni