Morgunblaðið - 12.11.2015, Síða 62

62
MORGUNBLAÐIÐ FIMMTUDAGUR 12. NÓVEMBER 2015
Velkomin á
Jólahlaðborð Hótel Arkar
Njóttu notalegrar kvöldstundar á jólahlaðborði sem verður í boði dagana
21. og 28. nóvember og 5. og 12. desember 2015.
Verð er 8.900 kr. á mann og borðapantanir eru í síma 483 4700.
Breiðumörk 1c, 810 Hveragerði / s. 483 4700 / info@hotelork.is / www.hotelork.is
Þetta árið mun Eyjólfur Kristjánsson sjá um
dagskrána á meðan borðhaldi stendur.
Eyfi er löngu orðinn landsþekktur tónlistarmaður og
svíkur engan. Að borðhaldi loknu mun plötusnúður
hússins skemmta fólki fram eftir nóttu.
Jón Agnar Ólason
jonagnar@mbl.is
Svavar Björgvinsson er maðurinn á
bak við Bardaga og rétt eins og Ís-
lendingar upp til hópa er hann dug-
legur að grípa í borðspil hvenær
sem færi gefst, og hefur spilað frá
því í barnæsku. Hann er með tvö
borðspil í þróun um þessar mundir,
„Ancient Aliens – Creators of Civi-
lizations“, og „Bardaga – The Claim
for Gold“.
„Bardagi er búinn að vera í þróun
með hléum síðustu þrjú til fjögur ár
en alltaf vantaði eitthvað til að það
næði því sem ég var að leita eftir,“
segir Svavar. „Eftir margra mánaða
þróunarvinnu var spilið loks það
fullbúið að við ákváðum að setja það
í framleiðsluferli. Fram að því hafði
ég líklega gert fimm fullnaðar-
frumgerðir af spilinu og var loka-
niðurstaðan mikið breytt frá fyrstu
frumgerðinni. Við settum Bardaga –
The Claim for Gold á Kickstarter í
lok september og það er gaman að
segja frá því að á fyrstu 24 klukku-
tímunum náði spilið grunnfjármögn-
uninni sem við vorum að leita eftir.
Allt þetta framleiðsluferli er dýrt og
við erum því að reyna að auka þessa
upphæð núna svo við getum bætt við
íhlutum í spilið, sem gerir það enn
betra. Þegar þetta er skrifað erum
við búin að ná um 170% fjármögnun
og átta dagar eftir af herferðinni.
Góðar viðtökur á spilasýningu
Við fórum líka með Bardaga og
Ancient á stærstu spilasýningu Evr-
ópu, Spiel 2015 í Essen í Þýskalandi.
Þar fengum við kærkomið tækifæri
til að prófa spilin meðal kröfuhörð-
ustu borðspilara heims,“ útskýrir
Svavar. „Spilin voru bæði grand-
skoðuð af spilurum sem sumir hafa
það eina markmið að finna veikleika
í spilum sem þeir geta sýnt fram á
að sé galli. Fyrir okkur var það ekki
merki um lélega hönnun eða vanþró-
un þegar þeir bentu á slíka hluti
heldur miklu frekar tækifæri til að
fullgera spilin enn betur en áður,
sem við komum til með að gera
næstu vikurnar.“
Svavar segir þá félaga hafa fengið
gífurlega góðar viðtökur við spil-
unum og nokkrir mjög áhugasamir
stórir dreifingaraðilar í Evrópu vilji
ræða frekara samstarf við þá. Slíkt
ferli tekur auðvitað tíma og dreifing-
arsamningar eru sjaldan gerðir á
einum degi, sérstaklega þegar menn
eru nýir á markaðnum, eins og
Svavar bendir á. „Fyrir mig sem
spilahönnuð var það virkilega
ánægjulegt að sjá bæði krakka og
unglinga sem og harðkjarnaspilara
gleyma sér yfir spilinu í gleði, hlátri
og jafnvel fýlu, af því að einhver
annar réðst á hann í spilinu en ekki
af því að spilið væri svo leiðinlegt,“
bætir Svavar við og hlær. Útlit Bar-
daga fékk að hans sögn sérstakt
hrós og baksaga og spilun Ancient
Aliens fékk frábærar viðtökur hjá
vönum spilurum. „Einn gekk meira
að segja svo langt að segja að Anci-
ent Aliens væri eitt besta spilið sem
hann hefði spilað í Essen þetta árið,
og það er sko ekki slæm viðurkenn-
ing fyrir mig af hundruðum nýrra og
eldri spila sem voru til kynningar.“
Gamia Games er því komið til að
vera.
Bardaginn um gullið
„Ég vildi gera spil sem hefði vík-
ingahefðina í kjarna sínum. Því eru
öll nöfn í spilinu á íslensku. Rún-
irnar sem eru notaðar eru inn-
blásnar af vestfirskum galdrarúnum
og sagan augljóslega íslensku-
skotin,“ segir Svavar.
Bardagi fjallar um hóp af vík-
ingum sem eru sendir í leiðangur af
jarlinum frá heimalandinu og er
þeim ætlað að ná yfirráðum á ný-
uppgötvuðum eyjaklasa sem er auð-
ugur að náttúrulegum auðlindum.
Eini gallinn er sá að á eyjunum búa
villimenn – barbarians – og er vík-
ingahópunum gert að yfirtaka svæð-
in með öllum hugsanlegum ráðum.
Hver leikmaður stjórnar sínum
hópi, sem samanstendur af berserk,
kaupmanni, goða og knerri. Hver og
einn leikmaður hefur sitt eigið
heimasvæði þar sem öllum aðgerð-
um spilarans er stjórnað.
„Á heimasvæðinu eru ákveðnar
byggingar sem er stjórnað af við-
komandi týpu: Virki sem er stjórnað
af berserk, verslun sem er stjórnað
af kaupmanni og hof sem er stjórnað
af goða. Á þessar byggingar eru
settir skildir og í spilinu eru þessir
skildir notaðir til að yfirtaka land-
svæði á borðinu, en á mismunandi
hátt,“ útskýrir Svavar. „Skildirnir á
virkinu eru notaðir sem hermenn til
að yfirtaka landsvæði með hernaði,
skildirnir á verslun eru afurðir sem
eru svo notaðar til að kaupa land-
svæði til yfirtöku og loks tákna
skildirnir á hofi guðlegan mátt goð-
ans, sem hann svo notar til að um-
breyta villimönnunum yfir á þitt
vald.“ Frá landsvæðunum sem eru
yfirtekin fást svo afurðir sem er um-
breytt í gullpeninga á mörkuðum,
eða þær nýttar til að kaupa upp-
færslur á byggingarnar eða endur-
hlaða skildina á byggingum. Í
styttra máli þá yfirtekur berserk-
urinn svæði með hernaði og hann
getur barist um vel varin svæði við
aðra spilara, goðinn umbreytir villi-
mönnunum á sitt vald og getur kast-
að rúnum sér til hjálpar eða öðrum
til skaða, og kaupmaðurinn kaupir
svæðin af villimönnunum eða fer á
markaði til að skipta afurðum í gull.
„Allt gengur þetta út á að ná sem
mestum auði og dýrð og á endanum
náð jarlsins. Sá spilari sem hefur
náð mestum dýrðarstigum (e. glory
points) að ákveðnum umferðum
loknum vinnur spilið!“
Bardagi er að sögn Svavars svo-
kallað „area & resource manage-
ment“-spil, auk hernaðar og útsjón-
arsemi, drifið áfram af kortum.
Engir teningar eða ófyrirséðir at-
burðir eru í spilinu heldur eru það
einungis aðgerðir spilara sem stýra
gangi þess. Allar aðgerðir spilara
eru gerðar með þar til gerðum
spjöldun og er spilunin í raun mjög
einföld: Hver aðgerð kostar eitt
spjald. En það er takmarkaður fjöldi
spila sem má nota í hverri umferð
svo spilarar verða að sjá fyrir bæði
sínar aðgerðir og eins mögulegar að-
gerðir anstæðingana hverju sinni.
„Spilið er fyrir tvo til fimm leik-
menn, tíu ára og eldri. Spilatíminnn
er 45-90 mínútur, eftir fjölda spilara.
Þegar spilið hefur verið spilað
nokkrum sinnum tekur spilunin
mun styttri tíma. Bæði er hægt að
spila einfaldari og flóknari útgáfu af
spilinu, allt eftir aldri og getu hvers
og eins,“ bendir Svavar á. „Spila-
borðið er með áprentun báðum meg-
in, önnur hliðin er með borði fyrir
tvo til fimm spilara en hentar best
fyrir fjóra til fimm. Hin hliðin er
með borð fyrir tvo til þrjá spilara.
Allir íhlutir í spilinu eru gerðir úr
hágæðahráefnum og allur pappír og
kort í hæsta gæðaflokki. Spilið inni-
heldur þrívíðar fígúrur og afurðir úr
tré, ásamt innri kassa með hólfum
þar sem allt hefur sinn stað. Gull-
peningarnir eru úr plasti og skjóð-
urnar – þar sem þú geymir gullið
þitt – úr bómull.“
Fjármögnunarherferðinni lauk í
október og spilið Bardagi: The
Claim For Gold verður afhent á Ís-
landi vorið 2016. Nánar má skoða
spilin á www.GamiaGames.com.
jonagnar@mbl.is
Gull, goðar, kaupmenn og berserkir
 Ný og spennandi borðspil vekja alltaf athygli enda er landinn sólginn í spennandi spil, ekki síst í skammdeginu
 Íslensk spil eru eðli máls samkvæmt sérstaklega spennandi og Bardagi, væntanlegt borðspil sem sækir í
víkingahefðina, er þrunginn drama, spennu og býður upp á ýmis klókindi vilji menn sigra
Sögusviðið Borð-
ið þar sem spilið
Bardagi fer fram.