Tímarit hjúkrunarfræðinga - 01.10.1998, Blaðsíða 26

+íj ú kru í
í Zó fcc
Að sigrast á efasemdum
og fordómum
Dr. Guðrún Kristjánsdóttir
Á þessu hausti hefst 25. ár háskólanáms í
hjúkrunarfræði. Tímamótunum var fagnað með
hátíðadagskrá í Háskólabíói 3. október sl.
Nám í hjúkrunarfræði til B.S. gráðu hófst 2. október 1973 í
fyrsta sinn á Norðurlöndum við Háskóla íslands. Þeir sem að
þessu námi stóðu og þeir sem fylgdu uppbyggingarstarfi
þeirra eftir hafa háð marga hildi, þó aðallega gegn efa-
semdum og fordómum hvers konar innan sem utan hjúkr-
unar. Grunnnám í háskóla hefur reynst hjúkrunarfræðingum
nauðsyn ekki síður en öðrum samstarfsstéttum í heil-
brigðisgeiranum. Nú á mótum aldarfjórðunga viljum við líta
til framtíðar hlaðin margvíslegri reynslu og skólun fortíðar.
Þá er mikilvægt að árétta að framtíð hjúkrunar og hjúkr-
unarfræðinnar byggir á tryggð við menntunina og hug-
sjónir hjúkrunar að líkna og styrkja. Menntun hjúkrunar-
fræðinga hlýtur í æ ríkari mæli að verða fræðileg, bæði á
bókina en einnig klínískt, og krefst sífellds viðhalds. Starfs-
nám og starfsþjálfun þarf einnig í auknum mæli að halda
áfram að skólagöngu lokinni til að koma til móts\ið
harðnandi kröfur um sérhæfingu í starfi. Á þessu afmælisári
stendurtil að styrkja þessa þætti í hjúkrunarfræðinámi, m.a.
með aukinni tölvuvæðingu og kennslu í notkun þeirra til að
safna og vinna úr upplýsingum til náms og starfa. Sér-
fræðinám og sérfræðiþjálfun er nú einnig talin nauðsynleg
fyrir framþróun hjúkrunar í nýjum heimi þar sem nýsköpun
og þekking haldast fast í hendur. Það gleður okkur því
mjög að nýverið hófu 8 hjúkrunarfræðingar nám og rann-
sóknaþjálfun á fjölbreyttum sviðum hjúkrunar til meistara-
gráðu við Háskóla íslands. Framhaldsnám á háskólastigi
verður án efa vaxtarbroddur í hjúkrunarmenntun í fram-
tíðinni.
í 25 ár hafa kennarar, nemendur og starfsfólk náms-
brautar í hjúkrunarfræði unnið mikið uppbyggingar- og
þróunarstarf í kennslu og námskrárgerð en ekki síður á
sviði rannsókna. Rannsóknir á sviðum hjúkrunar og ým-
issa samstarfsfræðigreina hafa tekið stakkaskiptum, bæði
með bættri aðstöðu og betur menntuðu starfsfólki. Stúd-
entum er í auknum mæli gert kleift að ganga inn í verkefni
kennara til að kynna sér nýsköpun og rannsóknir í hjúkr-
218
unarfræði. Við státum af nýstofnaðri rannsóknastofnun í
hjúkrunarfræði sem er staðfesting á því að við hyggjumst
leggja aukna áherslu á rannsóknir í hjúkrun. Rannsókna-
starfsemi er þungamiðja í allri háskólastarfsemi og einnig í
hjúkrunarfræði. Rannsóknastarfsemi vex, þróast og þrosk-
ast í samræmi við þau skilyrði sem henni eru búin. Því
beinum við því til hjúkrunarfræðinga um allt land að styðja
við starfsemi okkar með þátttöku í nýstofnuðu hollvina-
félagi hjúkrunarfræðinnar við Háskóla íslands.
Vísindastarfsemi í hjúkrun hefur slitið barnsskónum og
þarf að losna fyrir fullt og allt úr viðjum fordóma og minni-
máttarkenndar. Fon/itnin þarf að vera í fyrirrúmi í formi
þekkingarmiðlunar jafnt sem þekkingarleitar. Hjúkrunar-
fræðina þarf að færa á bók, bæði í stóru og smáu. Því
verður það verkefni okkar við námsbraut í hjúkrunarfræði
að auka útgáfustarfsemi í hjúkrunarfræði, m.a. í gegnum
það tímarit sem þessi orð eru rituð í.
Við horfum til næstu 25 ára með tilhlökkun og vonum
að okkur hafi tekist að skilja við vantrú og fordóma fortíðar
og hefja nýtt tímabil í sögu hjúkrunarmenntunar við Há-
skóia íslands. Grunnurinn að akademísku námi og vísinda-
starfsemi í hjúkrun hefur verið lagður og eftir er að hefja
öflugt nýsköpunarstarf íslenskrar hjúkrunar til eflingar heil-
brigðis þjóðarinnar og viðhalds velferðar hennar. Þetta
verður best gert í náinni samvinnu við fólkið í landinu. Eftir-
sóknarvert þarf að vera að nema og starfa við hjúkrun,
helga sig hjúkrunarstarfi og njóta þjónustu hjúkrunar í
samfélaginu.
Til hamingju með tímamótin.
Dr. Guðrún Krístjánsdóttir, formaður stjórnar
námsbrautar í hjúkrunarfræði við Háskóla íslands.
Tímarit hjúkrunarfræðinga ■ 4. tbl. 74. árg. 1998