Tímarit hjúkrunarfræðinga - 01.07.1999, Page 5

Formannspistill
Starfið framundan
Herdís Sveinsdóttir
Ásta Möller, fráfarandi formaður,
sagði í sínum síðasta formannspistli
að formaður hjúkraði hjúkrunarfræð-
ingum svo þeir gætu hjúkrað
sjúklingum. Mér er Ijúft að takast á
við það hlutverk að hjúkra hjúkrunar-
fræðingum og mun tíminn leiða í Ijós
gæði hjúkrunarinnar.
í þessu tölublaði er fjallað um
nýafstaðið fulltrúaþing. Á þinginu var
samþykkt lagabreyting sem felur í
sér að hér eftir skuli efnt til allsherjar-
atkvæðagreiðslu við formannskjör.
Fagna ég mjög þeirri samþykkt.
Vissulega hafa margir haft samband
við mig á undanförnum mánuðum
og lýst yfir stuðningi við mig í
embætti formanns. Færi ég þeim
öllum mínar bestu þakkir. FHitt er þó
Ijóst að formaður veit ekki um raun-
verulegan stuðning án undangeng-
innar allsherjaratkvæðagreiðslu. Tel
ég þessa lagabreytingu því styrkja
embætti formanns félagsins.
í blaðinu er einnig útdráttur úr
skýrslu fráfarandi stjórnar. Þar ber
hæst árangur í kjaramálum en
umtalsverðar launahækkanir náðust
samfara gildistöku nýs kjarasamn-
ings. Skýrslan endurspeglar einnig
að hjúkrunarfræðingar eru orðnir
öflug heilbrigðisstétt og hafa mikil
áhrif á þróun heilbrigðisþjónustunnar.
Hvet ég hjúkrunarfræðinga eindregið
til að kynna sér skýrslu stjórnar sem
og aðrar skýrslur sem komið hafa út
á vegum félagsins á undanförnum
tveimur árum og greint hefur verið
frá í tímaritinu. Þær endurspegla að
Félag íslenskra hjúkrunarfræðinga
leitast við að taka á ábyrgan hátt á
ýmsum þeim málum er varða
íslenska heilbrigðisþjónustu. íslenskir
hjúkrunarfræðingar geta verið stoltir
af framlagi sínu.
í þessum fyrsta formannspistli
mínum vil ég þó gera smá grein fyrir
starfsáætlun stjórnar sem samþykkt
var á nýafstöðnu fulltrúaþingi, því á
starfsáætluninni byggir stjórnin störf
sín næstu tvö ár. Starfsáætluninni er
skipt í fjóra þætti: Menntun og fag-
mennsku, kjara- og réttindamál, áhrif
á þróun heilbrigðisþjónustunnar/lög
og reglugerðir og þjónustu og upp-
byggingu félagsins. Sá þáttur sem ég
þekki best er menntunarþátturinn og
eins og kemur fram í viðtali ritstjóra
við mig í blaðinu hef ég hug á að
stuðla að uppbyggingu á viðbótar-
og endurmenntun hjúkrunarfræðinga.
í því sambandi er vert að hafa í huga
að hjúkrunarfræðingar bera sjálfir að
mestu leyti kostnað af símenntun. Ég
tel því mikilvægt að vinna í gegnum
kjarasamninga að því að bæta
ákvæði um endurmenntun og
námsleyfi hjúkrunarfræðinga, eins og
lagt er til í starfsáætluninni.
í kjara- og réttindamálum tel ég
brýnt að styðja hjúkrunarfræðinga til
að þeir geti tekist á við aukna ábyrgð
varðandi launaákvarðanir á vinnu-
stöðum. í nýju launakerfi eru færni og
hæfni einstaklingsins grundvöllur að
ákvörðun um laun. Hjúkrunarfræð-
ingar eru ekki vanir því að rökstyðja
hæfni sína. Félagið verður að tryggja
að hógværð þeirra eða vankunnátta í
að vinna umsóknir til framgangs
standi ekki í vegi fyrir réttmætum
framgangi og þar með launahækk-
unum. í febrúarblaði tímaritsins var
fjallað ítarlega um framgangskerfi
hjúkrunarfræðinga og tel ég mikilvægt
að fylgjast með hvernig hjúkrunar-
fræðingum tekst að tileinka sér
hugsunarhátt hins nýja kerfis.
Starfsáætlunin gerir enn fremur
ráð fyrir að félagið vinni að því að
skipulag heilbrigðisþjónustunnar sé
grundvallað á þörfum þeirra sem
þjónustuna nýta á hverjum tíma og að
tryggt sé að viðhorf og hugmyndir
hjúkrunarfræðinga, hafi áhrif á
heilbrigðismál. Að þessu mun nýkjörin
stjórn vinna af kostgæfni. Að lokum
eiga allir félagsmenn rétt á að sækja
til félagsins ráðgjöf um málefni hjúkr-
unar og á félagið að gæta hagsmuna
þeirra samkvæmt 6. gr. laga
félagsins.
Hjúkrunarfræðingar eru öflug stétt
og í sameiningu eru okkur flestir vegir
færir. Ég horfi björtum augum til fram-
tíðarinnar og mun leitast við að halda
áfram á þeirri farsælu braut sem
mörkuð hefur verið frá stofnun
félagsins.
Opidallan
sólar-
hringinn
alla daga ársins
HÁALEITIS
APÓTEK
Háaleitisbraut 68 • Sími 581 2101
Tímarit hjúkrunarfræðinga • 3. tbl. 75. árg. 1999
149