Tímarit hjúkrunarfræðinga - 01.07.1999, Qupperneq 39

Vigdís Jónsdóttir
kjaramál
Samstarfsnefndír
- -til a5 úv ÁArtmMÍ
inn.An 5-tofHAHA
Hvað er samstarfsnefnd?
Samstarfsnefnd er nefnd sem skipuð er 2-3 fulltrúum
Félags íslenskra hjúkrunarfræðinga og 2-3 fulltrúum
atvinnurekenda. Nefndin hefur m.a. það hlutverk skv.
kjarasamningi „að fjalla um breytingar á forsendum starfa-
flokkunar, röðun starfa í launaflokka og koma á sáttum í
ágreiningsmálum eða öðrum málum sem rísa kunna út af
kjarasamningi aðila".
Samstarfsnefndir á heilbrigðisstofnunum
Samkvæmt kjarasamningi Félags íslenskra hjúkrunar-
fræðinga skal starfa samstarfsnefnd á þeim stofnunum
ríkis og borgar sem fara með framkvæmd kjarasamninga í
umboði atvinnurekenda. Þannig eiga að vera til sam-
starfsnefndir á flestum heilbrigðisstofnunum hér á landi. Ef
samstarfsnefnd er ekki á stofnun mun samstarfsnefnd milli
félagsins og ríkisbókhalds taka fyrir þau mál sem upp
kunna að koma á þeirri stofnun.
Fulltrúar Félags íslenskra hjúkrunarfræðinga í sam-
starfsnefnd
Félag íslenskra hjúkrunarfræðinga hefur á undanförnum
vikum tilnefnt u.þ.b. 90 hjúkrunarfræðinga sem fulltrúa
félagsins í samstarfsnefndir milli félagsins og heilbrigðis-
stofnana um allt land. Formaður og hagfræðingur félags-
ins sitja yfirleitt sem varamenn í þessum nefndum, þannig
að hægt er að kalla þá til fundar ef þörf þykir. Fljúkrunar-
fræðingar geta fengið upplýsingar um fulltrúa félagsins í
samstarfsnefndum á vinnustað sínum hjá skrifstofu félags-
ins.
Verkefni samstarfsnefnda
Eitt helsta hlutverk samstarfsnefndar er að fylgjast með og
reyna að leysa ágreining um framkvæmd kjarasamnings
innan stofnunar. Sá ágreiningur getur t.d. snúið að röðun
starfa í launaflokka eða túlkun á öðrum greinum í kjara-
samningi milli félagsins og viðkomandi atvinnurekanda/-
stofnunar. Ef upp koma mál er varða túlkun á miðlægum
kjarasamningi, t.d. ágreiningur um túlkun á orlofskafla eða
vinnutímakafla kjarasamnings, hefur félagið beint því að
fulltrúum í samstarfsnefnd að þeir hafi samband og leiti
aðstoðar hjá skrifstofu félagsins. Ef samstarfsnefnd nær
niðurstöðu, t.d. er varðar túlkun á ákveðnum greinum kjara-
samnings, getur sú niðurstaða orðið hluti af kjarasamningi.
Hverjir geta vísað málum til samstarfsnefndar?
Hjúkrunarfræðingar, félagið og atvinnurekendur geta vísað
málum til samstarfsnefndar. Hér á eftir eru nokkur dæmi um
mál sem hjúkrunarfræðingar, félagið eða viðkomandi
stofnun gætu óskað eftir að tekin séu fyrir í samstarfsnefnd:
>- Hjúkrunarfræðingur, sem telur t.d. að röðun starfs síns í
launaflokk stangist á við kjarasamning eða aðlögunar-
nefndarsamning á viðkomandi stofnun, getur óskað
eftir því við félagið að samstarfsnefnd viðkomandi
stofnunar taki málið til umfjöllunar.
>- Félagið getur t.d. að ábendingu trúnaðarmanna eða
félagsmanna óskað eftir því að tekið verði upp í sam-
starfsnefnd mál er snýr að túlkun á ákveðnum greinum
kjarasamnings, t.d. varðandi útreikning á launum í
námsleyfi eða túlkun á greinum kjarasamnings er varða
útreikning á sumarorlofi.
>- Stofnun/atvinnurekandi getur óskað eftir að taka upp
mál er varða túlkun og framkvæmd á ákveðnum grein-
um í kjarasamningi/aðlögunarnefndarsamningi, t.d.
reglur um mat á viðbótarnámi eða framkvæmd á
vinnutímaákvæðum kjarasamningsins.
Hvert eiga hjúkrunarfræðingar að snúa sér ef þeir vilja
fá mál sitt tekið fyrir hjá samstarfsnefnd?
Ef hjúkrunarfræðingur óskar eftir að mál hans sé tekið
til afgreiðslu hjá samstarfsnefnd verður hann að senda
félaginu skriflegt erindi með rökstuðningi. Félagið sér síðan
um að senda erindið til fulltrúa félagsins í samstarfsnefnd.
183
Tímarit hjúkrunarfræðinga • 3. tbl. 75. árg. 1999