Tímarit hjúkrunarfræðinga - 01.10.1999, Page 53
mestu máli hjá öllum er að það sé samræmi milli vinnu og
heimilis. Ef fólk vinnur of mikið þá getur bæði vinnan og
fjölskyldulífið orðið of erfitt."
Stjórnunarstöður orðnar eftirsóttari
En hefur ekki margt breyst þann tíma sem Vigdís hefur
verið við stjórnvölinn?
Hún segir að það hafi verið mjög erfitt að fá fólk í stjórn-
unarstöður hér áður fyrr. Það hafi hins vegar breyst mjög
mikið, ekki síst með tilkomu námsbrautar í hjúkrun við HÍ.
„Ég tel það mikla gæfu fyrir hjúkrun á íslandi að hafa fengið
námsbraut á háskólastigi. Það hefur haft jákvæð áhrif á alla
framþróun fagsins. Áður þótti jafnvel ekki eftirsóknarvert að
sækja um stöðu deildarstjóra en í dag eru deildarstjóra-
stöður eftirsóttar, sem betur fer, því þær eru lykilstöður
hvers sjúkrahúss. Skipulagning hjúkrunar, samhæfing
starfsmanna og rekstur deildarinnar eru á ábyrgð hjúkr-
unardeildarstjóra. Auðvitað lagði ég mikla áherslu á að velja
vel í þessar stöður sem og aðrar stjórnunarstöður, og það
hefur verið mitt lán hvað mínar nánustu samstarfskonur,
hjúkrunarframkvæmdastjórarnir, hafa verið hæfar, duglegar
og framsæknar og hafa stutt mig með ráðum og dáð.
Landspítalinn hefur einnig stækkað mjög mikið þennan
tíma, nýja kvennadeiidin og öldrunardeildirnar bættust við,
gjörgæslan tók til starfa 74 svo og vökudeildin. Þá voru
Vífilsstaðir settir undir hjúkrunarforstjóra Landspítalans
1980 og seinna einnig geðdeildin. Hin gífurlega aukna
þekking og þróun, sem átt hefur sér stað í heilbrigðis-
málum, og þau mörgu nýju verkefni hjúkrunarfræðinga,
sem leitt hafa af þeirri þróun, gerðu það að verkum að
nauðsynlegt var að endurskipuleggja störf hjúkrunarfræð-
inga og auka fræðslu og símenntun. Fræðsla eykur þekk-
ingu og hæfni og skapar viðhorf sem er nauðsynlegt til að
ná markmiðum stofnunarinnar hverju sinni. Aukin þekking
og þróun í hjúkrun hefur bætt og aukið gæði þjónust-
unnar. Andlegur og trúarlegur stuðningur við sjúklinga og
aðstandendur hefur aukist til muna bæði vegna ráðningar
presta og djákna og aukins skilnings starfsfólks á þessum
þörfum sjúklinga.“
Mikilvægustu eiginleikar stjórnandans
Á Vigdís einhver góð ráð til að miðla öðrum stjórnendum?
Hún segir að til þess að ná árangri í starfi skipti mestu
máli að vera heiðarlegur og hreinskilinn og vera maður
sjálfur. Það eigi jafnt við um stjórnendur og aðra. „Við höf-
um öli fengið vöggugjafir en við verðum líka að rækta
okkur sjálf, þora að nota hæfileika okkar, meta störf okkar
að verðleikum og vera fús að leggja okkur fram, sýna
væntumþykju og kærleika.
„Kærleikur fæðir af sér kærleika." Ef maður er heiðar-
legur og hreinskilinn þá fær maður það á móti. Ég hef
talað við fólk í hreinskilni og það hefur líka látið mig heyra
sína skoðun umbúðalaust." Hún segist heldur ekki vera
Á fundi með hjúkrunarframkvæmdastjórum Landspítal-
ans. Frá vinstri: Anna Stefánsdóttir, María Björnsdóttir,
Guðrún Karlsdóttir, Vigdís Magnúsdóttir, Bjarney
Tryggvadóttir, Sigríður Snæbjörnsdóttir, Sólfríður Guð-
mundsdóttir (var í afleysingum fyrir Herthu Jónsdóttur)
og Bergdís Kristjánsdóttir.
hrædd við að rétta fram sáttahönd ef reiði beinist að
henni. „Ég er tilbúin tii að segja: „Mikið finnst mér þetta
leiðinlegt," og biðst þá afsökunar á því,“ segir Vigdís og
brosir með öllu andlitinu. „Fólk breytist oft við þetta, það
hefur ef til vill átt í erfiðleikum og ekki getað unnið úr því.“
Hún segir trúna hafa hjálpað sér mjög mikið í starfi. „Ég
hef ekki lagt áherslu á að vera yfir aðra sett, það er eitt-
hvað sem fellur ekki inn í mína hugmyndafræði. Það er
alltaf einhver yfir mér, sem manneskja er ég alltaf ófullkom-
in. Ég hef staðið frammi fyrir mörgum verkefnum sem mér
hafa fundist mjög stór og erfið en samt hafa þau gengið
upp með hjálp Guðs og góðra manna. Ég hef alltaf verið
þannig að ég held ég hafi átt gott með að gefa frá mér og
þiggja og gleymum því ekki að í öllum mannlegum sam-
skiptum eiga víxláhrif sér stað. Enginn getur eignast neitt
án þess að láta eitthvað af mörkum sjálfur. Það er auðvelt
fyrir mig að láta mér þykja vænt um fólk, mér finnst gaman
að vinna með fólki og á gott með samskipti og það hjálpar
manni sem stjórnanda. Annars er mjög misjafnt hver
styrkur manns er og hvert maður leitar eftir styrk. Það er
erfitt að gefa einhverja uppskrift að góðum stjórnanda."
Að allir nýtist og fái notið sín
Aðspurð um konur og karla í stjórnunarstörfum og mis-
munandi stjórnunarstíl kynjanna segir Vigdís konur í stjórn-
unarstörfum geta verið mjög ólíkar og sömu sögu megi
segja um karla. „Ég hef unnið með mörgum mjög hæfum
stjórnendum af báðum kynjum. Þegar ég byrjaði að vinna
við hjúkrunarstjórn var ég með eina aðstoðarforstöðukonu
og aðra f hlutastarfi en þegar ég hætti störfum þar var ég
með marga hjúkrunarframkvæmdastjóra. Allar voru þær
konur mjög hæfar.
Ég hef reynt að ráða það fólk sem ég tel hæfast og
265
Tímarit hjúkrunarfræðinga ■ 4. tbl. 75. árg. 1999