Tímarit hjúkrunarfræðinga - 01.08.2006, Qupperneq 51

2500 evrum. Hollenska læknablaðiö,
Nederlands Tijdschrift voor Geneeskunde
(NTvG), styður einnig vísindaverðlaunin
og gefst vinningshafanum tækifæri til að
birta grein sína í tímaritinu.
Greinin sem Þóra fékk verðlaunin fyrir
(Hafsteinsdóttir T.B., Algra A., Kappelle
L.J., Grypdonck M.H.F. (2005).
Neurodevelopmental Treatment after
stroke: A comparative study. Journal of
Neurology, Neurosurgery and Psychiatry,
76:788-792[0]. fjallar um rannsókn
hennar á árangri þess að nota svonefnda
„neurodevelopmental treatment" (NDT)
(einnig nefnd Bobath-aðferð). NDT-aðferðin
er mikið notuð við hjúkrun og endurhæfingu
sjúklinga sem hafa fengið heilablóðfall.
í rannsókninni var metinn árangur þess að
nota NDT-aðferðina til að auka hreyfigetu,
sjálfsbjargargetu og lífsgæði 324 sjúklinga
sem höfðu fengið heilablóðfall og til að
draga úr axlarverkjum og þunglyndi hjá
þeim. Rannsóknin sýndi að ekki næst
betri árangur með því að beita NDT-
aðferðinni á sjúklinga sem hafa fengið
heilablóðfall en með annars konar
meðferð. NDT-aðferðin eykur ekki
heilbrigði, hreyfigetu eða sjálfsbjargargetu
þessara sjúklinga eða aðra þætti er
mældir voru. Hjúkrunarfræðingar og
annað heilbrigðisstarfsfólk er vinnur að
hjúkrun og endurhæfingu sjúklinga sem
hafa fengið heilablóðfall ætti að nota nýrri
endurhæfingaraðferðir er byggja á nýrri
kenningum og rannsóknum, aðferðir sem
hafa reynst árangursríkar fyrir heilsufar,
hreyfigetu og sjálfsbjargargetu þessara
sjúklinga.
ENSG
FRETTAPUNKTAR
ENSG eru samtök sem stuðla að samvinnu á milli samtaka
hjúkrunarfræðinema eða hjúkrunarskóla í Evrópu.
Tilgangur samtakanna er að sameina hjúkrunarfræðinema
og ræða hagsmunamál þeirra. Lögð er áhersla á að ræða
klínískt og fræðilegt nám, skoða hvað er líkt og hvað er ólíkt
í náminu eftir löndum og veita og þiggja ráðleggingar.
Markmið samtakanna er að stuðla að bættri menntun fyrir
evrópska hjúkrunarnema, styrkja faglega vitund þeirra og
efla alþjóðlegan skilning.
ENSG stendur árlega fyrir fagráðstefnu og aðalfundi.
Fulltrúar íslenskra hjúkrunarfræðinema hafa sótt þessa
ráðstefnu og aðalfundinn og fara tveir fulltrúar til
Kaupmannahafnar í júlí á þessu ári.
Fundur með eriendum hjúkrunarfræðingum starfandi á íslandi
Þann 30. maí síðastliðinn bauð Félag íslenskra hjúkrunar-
fræðinga erlendum hjúkrunarfræðingum starfandi á íslandi
á fund í húsakynnum félagsins. Fengu 64 erlendir hjúkr-
unarfræðingar sent fundarboð og komu 20 til fundarins.
Elsa B. Friðfinnsdóttir, Aðalbjörg Finnbogadóttir og
Vigdís Hallgrímsdóttir kynntu starfsemi félagsins og
Helga Birna Ingimundardóttir fór yfir kjara- og réttindamál
hjúkrunarfræðinga.
Hjúkrunarfræðingarnir voru ánægðir með fundinn og
töldu sig hafa fengið svör við spurningum sínum, einkum
varðandi kjör og réttindi. Hjúkrunarfræðingarnir lýstu yfir
ánægju sinni með starf sitt hér á landi. Þeir voru ánægðir
f starfi og sögðu að sér hefði verið vel tekið í hvívetna.
Það var fulltrúum FÍH. sönn ánægja að taka á móti
erlendum hjúkrunarfræðingum starfandi á íslandi og
vonast þeir til að geta verið þessum hópi innan handar
í framtíðinni.
Tímarit hjúkrunarfræðinga - 3. tbl. 82. árg. 2006
49