Morgunblaðið - 09.02.2017, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 9. FEBRÚAR 2017
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
eim
sfe
rð
irá
ski
lja
sé
rr
étt
til
lei
ðr
étt
ing
aá
slí
ku
.A
th.
að
ve
rð
ge
tur
br
ey
st
án
fyr
irv
ara
.
SKÍÐI
11. febrúar í 7 nætur
Netverð á mann frá kr. 96.995 m.v. 2 fullorðna og
1 barn í herb. Netverð á mann frá kr. 99.995 m.v. 2
fullorðna í herbergi.
Stökktu
Stökktu
Frá kr.
96.995
m/hálfu fæði
Frá kr.
121.495
m/hálfu fæði
Hotel Speiereck
Á SPOTTPRÍS
Flugsæti
Frá kr.
34.950
m/tösku og
skíðum
Ólöf Nordal, varafor-
maður Sjálfstæðisflokks-
ins, alþingismaður og
fyrrverandi ráðherra,
lést í gærmorgun á
Landspítalanum eftir
erfið veikindi. Hún var
fimmtug að aldri.
Ólöf fæddist hinn 3.
desember 1966. For-
eldrar hennar eru Jó-
hannes Nordal seðla-
bankastjóri, fæddur 11.
maí 1924, og Dóra Guð-
jónsdóttir Nordal, píanó-
leikari og húsfreyja,
fædd 28. mars 1928.
Ólöf ólst upp í Laugarásnum í
Reykjavík og var næstyngst af sex
systkinum, þeim Beru, Sigurði, Guð-
rúnu, Salvöru og Mörtu. Hún útskrif-
aðist með stúdentspróf frá Mennta-
skólanum í Reykjavík árið 1986. Ólöf
lauk lögfræðiprófi frá Háskóla Íslands
árið 1994. Þá hlaut hún MBA-gráðu
frá Háskólanum í Reykjavík árið 2002.
Ólöf starfaði lengi við lögfræðistörf
og varð deildarstjóri í samgöngu-
ráðuneytinu árið 1996. Þremur árum
síðar hóf hún störf hjá Verðbréfaþingi
Íslands og var þar til ársins 2001, jafn-
hliða því sem hún sinnti stundakennslu
í lögfræði við Viðskiptaháskólann á
Bifröst frá 1999-2002. Hún var deild-
arstjóri viðskiptalög-
fræðideildar skólans frá
2001-2002.
Þaðan lá leið Ólafar til
Landsvirkjunar þar
sem hún var yfirmaður
heildsöluviðskipta frá
2002 til 2004. Frá 2004
var hún fram-
kvæmdastjóri sölusviðs
hjá RARIK og gegndi
því þar til rafmagnssala
var tekin inn í sérstakt
fyrirtæki, Orkusöluna
árið 2005. Varð hún þá
framkvæmdastjóri
hennar til ársins 2006.
Ólöf fékk fljótt áhuga á stjórn-
málum og gekk ung í Sjálfstæðisflokk-
inn. Hún varð formaður Sjálfstæðis-
kvennafélagsins Auðar á Austurlandi
árið 2006 og gegndi því starfi til ársins
2009. Þá var Ólöf einnig formaður
Spes, hjálparsamtaka vegna bygg-
ingar barnaþorpa í Afríku.
Ólöf var kjörin á Alþingi árið 2007
sem þingmaður Norðausturkjördæmis
og tók sæti í allsherjarnefnd 2007-10
og umhverfisnefnd þingsins frá 2007-
2009. Þá var hún varaformaður sam-
göngunefndar frá 2007-2009.
Árið 2009 bauð Ólöf sig fram fyrir
Reykjavíkurkjördæmi suður. Á því
kjörtímabili sat hún meðal annars í
fjárlaganefnd, kjörbréfanefnd, sér-
nefnd um stjórnarskrármál, utanríkis-
málanefnd og stjórnskipunar- og eftir-
litsnefnd þingsins.
Ólöf var kjörin varaformaður Sjálf-
stæðisflokksins á landsfundi hans 2010
og gegndi því embætti til ársins 2013.
Sama ár hætti Ólöf í stjórnmálum og
gerðist formaður bankaráðs Seðla-
banka Íslands. Árið 2014 greindist hún
með krabbamein og hóf meðferð við
því.
Fjarvera Ólafar úr stjórnmálum
varð skemmri en hún hugði, því að 4.
desember 2014 var hún skipuð innan-
ríkisráðherra utan þings, og gegndi
því embætti fram til 11. janúar á þessu
ári. Árið 2015 varð hún aftur varafor-
maður Sjálfstæðisflokksins.
Ólöf bauð sig fram að nýju til Al-
þingis í kosningunum síðasta haust, og
var kjörin 1. þingmaður Reykjavíkur
suður. Þegar ný ríkisstjórn var mynd-
uð í síðasta mánuði var hún kjörin í
velferðarnefnd og stjórnskipunar- og
eftirlitsnefnd þingsins.
Eftirlifandi maki Ólafar er Tómas
Már Sigurðsson forstjóri, fæddur 1.
febrúar 1968. Foreldrar hans eru Her-
dís Tómasdóttir, f. 26.5. 1945, og Sig-
urður Kristján Oddsson, f. 22.1. 1940,
d. 22.8. 2009. Börn þeirra Ólafar eru
Sigurður, (f. 1991), Jóhannes, (f. 1994),
Herdís (f. 1996), og Dóra (f. 2004).
Andlát
Ólöf Nordal, fyrrverandi ráðherra
Sigurður Bogi Sævarsson
sbs@mbl.is
Vegfarendur sem leið áttu hjá turnbyggingunni á
Höfðatorgi í Reykjavík í gærmorgun lentu sumir í
vandræðum þegar stíft hvassviðri gekk yfir sunn-
anvert landið. Vindur blés af suðaustri og náði allt
að 30 metrum á sekúndu, en við slíkar aðstæður
getur skapast mikið sog og þeytiafl við háar bygg-
ingar. Slíkt hefur gerst áður við Höfðatorg og því
var hættunni þar gefinn sérstakur gaumur af lög-
reglu, sem var á staðnum.
Það var um klukkan sex í gærmorgun, sem skall
á með þessu hvassviðri sem myndaðist í kjölsogi
krapprar lægðar sem fór rétt fyrir sunnan landið.
Stormurinn var að mestu genginn niður um hádegi,
en þá hafði veðrið líka færst norður í land svo þar
var bálhvasst fram á gærkvöldið.
Samgöngur röskuðust
Hvassviðrið í gær olli nokkrum truflunum á sam-
göngum og meðal annars þurfti að aflýsa öllu flugi
innanlands. Millilandaflug í gegnum Keflavíkur-
flugvöll raskaðist þó ekki, nema hvað flugmenn far-
þegaþotu frá SAS, sem var að koma frá Ósló, hring-
sóluðu í um klukkustund yfir og úti af Reykjanesinu
áður en þeir töldu fært að lenda vegna veðurs.
Auk framangreindra raskana vegna veðursins
var nokkuð um að lausamunir fykju eða þakplötur
færu af húsum og bar einna mest á því í Vest-
mannaeyjum, en þar fór vindurinn mest upp í 36
m/s í hviðum á Stórhöfða. Í nokkrum tilvikum þurfti
vegna fokskaða að kalla út björgunarsveitarmenn
frá Slysavarnafélaginu Landsbjörg og tók ekki
langan tíma að leysa úr málunum, enda fæst alvar-
leg.
Ágætt veður framundan
„Þessi hvellur er afstaðinn og það er ágætt veður
framundan,“ sagði Einar Sveinbjörnsson í samtali
við Morgunblaðið í gærkvöldi. Í dag, fimmtudag,
segir hann að nokkuð muni rigna sunnanlands,
sýnu mest í nágrenni Vatnajökuls. Á morgun,
föstudag, má hins vegar að sögn Einars vænta blíð-
veðurs víðast hvar.
Þeytiafl myndaðist á Höfðatorgi
 Kröpp lægð og hvassviðri í gær  Lítið um skemmdir en samgöngur röskuðust
 36 m/s á Stórhöfða  Ágætt veður er í kortunum og blíðuspá fyrir föstudag
Morgunblaðið/Eggert
Aðstoð Lögreglan kom vegfarendum í Borgartúni í Reykavík til hjálpar þegar mestu hviðurnar gengu þar yfir, en varla var stætt á þessum stað um tíma.
Eitt þriggja út-
gerðarfélaga í
Grímsey, Borg-
arhöfði, var selt
til Loðnuvinnsl-
unnar á Fá-
skrúðsfirði í sept-
ember sl. Með í
sölunni er skipið
Hafrafell og því
fylgir um 700
tonna kvóti.
Jóhannes Henningsson, einn eig-
enda Borgarhöfða og fulltrúi í hverf-
isráði Grímseyjar, segir að 10 til 12
störf hafi tengst starfseminni.
Nýtt félag hefur verið stofnað
undir merkjum Heimskautssports
ehf. og byggist starfsemin að meg-
inhluta til á 100 tonna byggðakvóta.
Tryggir fyrirtækið fjögur störf á
ársgrundvelli, að sögn Jóhannesar.
Eftir sem áður munu útgerðarfyr-
irtækin Sigurbjörn ehf. og Sæbjörg
ehf. gera út frá eynni.
Austurglugginn sagði fyrst frá
sölunni, en þar segir m.a. að kvótinn
verði nýttur til að halda Sandfelli á
veiðum árið um kring. Hafrafell
verði hins vegar að líkindum selt.
vidar@mbl.is
Grímsey Báturinn
var seldur.
700 tonn
úr Grímsey
 Heimskautssport
tryggir fjögur störf
Karlmaður á sextugsaldri var í gær
dæmdur í sex mánaða skilorðs-
bundið fangelsi í Héraðsdómi
Reykjavíkur fyrir meiriháttar
skattalagabrot. Er honum einnig
gert að greiða 27,5 milljónir króna í
sekt til ríkissjóðs innan fjögurra
vikna frá uppkvaðningu dóms, en
ella sæta fangelsi í 270 daga.
Maðurinn var ákærður af emb-
ætti héraðssaksóknara fyrir að
hafa ekki staðið skil á réttum
virðisaukaskattsskýrslum á ár-
unum 2005 til 2011. Nema brot hans
samtals 13,8 milljónum króna á
tímabilinu, að því er fram kemur í
dómi héraðsdóms. Maðurinn játaði
brot sín skýlaust fyrir dómi.
Dæmdur til að
greiða 27,5 milljónir
ÞÚ FINNUR ALLT Á FINNA.IS