Morgunblaðið - 09.02.2017, Page 4

4 FRÉTTIRInnlent
MORGUNBLAÐIÐ FIMMTUDAGUR 9. FEBRÚAR 2017
Vilhjálmur A. Kjartansson
vilhjalmur@mbl.is
Hafrannsóknaskipið Bjarni Sæ-
mundsson RE-30 hefur verið á svo-
kallaðri hringferð kringum landið í
þeim tilgangi að rannsaka ástand
sjávar, að sögn Guðmundar Þ. Sig-
urðssonar, skipstjóra hafrann-
sóknaskipsins.
„Verið er m.a. að mæla seltu
sjávar og hitastig í þessum rann-
sóknarleiðangri en um er að ræða
25 daga leiðangur.“
Bjarni Sæmundsson er við
bryggju á Akureyri en Guðmundur
býst við því að leggja af stað von
bráðar.
„Við erum að bíða af okkur
versta veðrið. Það er ekki jafn
slæmt og fyrir sunnan en engu að
síður ástæða til að leggjast að
bryggju meðan verstu hviðurnar
eru að ganga yfir.“
Hefja rannsókn á síld
Þegar rannsókn á ástandi sjáv-
ar lýkur tekur við leit og rannsókn
á síld en Guðmundur býst við því
að hún hefjist um og eftir miðja
næstu viku.
„Við skiptum út áhöfn annað
hvort á Reyðarfirði eða Seyðisfirði.
Efnafræðingarnir stíga þá frá borði
og við tökum við hópi fiskifræð-
inga.“
Bjarni Sæmundsson kemur
svo til hafnar í Reykjavíkur undir
lok febrúar eða hinn 27. febrúar ef
allt gengur eftir að sögn Guð-
mundar.
Bjarni Sæmundsson
á ferð í kringum landið
Rannsókn Hafrannsóknarskipið
Bjarni Sæmundsson á siglinu.
 Rannsakar
ástand sjávar
Agnes Bragadóttir
agnes@mbl.is
Sjómenn eru ekki alls kostar sáttir
við túlkun útgerðarmanna á því hver
séu kjör þeirra og hver þátttaka
þeirra sé í kostnaði útgerðarinnar,
samkvæmt því sem fram hefur kom-
ið í samtölum blaðamanns við ein-
staka sjómenn undanfarna daga.
Áréttað skal í upphafi að þeir sjó-
menn sem rætt hefur verið við eru
ekki í samninganefnd sjómanna.
Þeir kjósa að koma ekki fram undir
nafni.
„Staðan er viðkvæm þessa dagana
og ég ætla ekki að segja neitt sem
getur sett mitt ágæta pláss í upp-
nám,“ sagði sjómaður á uppsjávar-
skipi.
Þegar útgerðarmenn ræða um
launahlutfallið sem þeir greiða, þ.e.
frá 42% upp í 50%, allt eftir út-
gerðarflokkum, miðast það hlutfall
við heildarverðmæti aflans hverju
sinni. En áður en til skipta kemur
hafa verið dregin 29% af aflaverð-
mæti frá, í kostnaðarhlutdeild. Það
sem kemur til skipta milli sjómanna
og útgerðarinnar hverju sinni er því
70% aflaverðmætis.
Nýsmíðaálag getur verið 10%
„Á nýju skipunum eru í ákveðnum
tilvikum og að uppfylltum ákveðnum
skilyrðum 10% til viðbótar dregin af,
samtals 39%, en þessi 10% eru ný-
smíðaálag sem tekið er í sjö ár. Það
eru því farnir þrír til fjórir fiskar af
hverjum tíu sem veiðast, áður en til
skipta kemur,“ sagði sjómaður á ný-
legu uppsjávararskipi.
Ekki geta öll ný skip nýtt aukna
kostnaðarhlutdeild vegna nýsmíði,
vegna þess að skilyrt er að sjómenn
þeirra skipa fái sömu tekjur og 75%
af bestu skipunum í þessum útgerð-
arflokki skila.
Hann heldur áfram: „Ég er í fínu
plássi og við fiskuðum fyrir 2,5 millj-
arða króna á síðasta fiskveiðiári,
þannig að það voru tæpar sjö hundr-
uð milljónir króna sem voru dregnar
af þessum 2,5 milljörðum króna,
vegna kostnaðarhlutdeildarinnar.
Þetta er einfaldlega hin hliðin á mál-
inu, okkar hlið, ekki útgerðar-
manna.“
Hann segir að olíukostnaður á
fiskveiðiflotanum í dag sé á bilinu 5%
til 12%, veiðarfærakostnaður sé inn-
an við 5% og viðhaldskostnaður sé
mismunandi eftir árum, en yfirleitt
um og yfir 5%, þannig að samanlagt
sé þessi kostnaður langt innan við
28% af kostnaðarhlutdeildinni.
Sjómenn benda á að þegar olíu-
gjaldið hafi verið sett á fyrir margt
löngu hafi olíukostnaður útgerðar
verið hlutfallslega miklu hærri en í
dag. Því sé hin háa þátttaka sjó-
manna í olíukostnaði útgerðarinnar
ekki réttlætanleg.
Sjómenn halda því fram að út-
gerðarmenn séu ekki ánægðir með
afkomu skipa sinna, ef framlegðin
nái ekki 30%, sem sé að þeirra mati
fáránlega há afkomukrafa.
Annar háseti á uppsjávarfiskiskipi
bendir á að fréttin á þriðjudag á for-
síðu Morgunblaðsins, undir fyrir-
sögninni „15 milljónir fyrir 80 daga“,
sem vísaði til hásetahlutar á upp-
sjávarveiðiskipi á ári, eigi við um eitt
uppsjávarfiskiskip sem á síðasta
fiskveiðiári hafi fiskað fyrir 3,8 millj-
arða króna. Það sé með aflahæstu
skipum í uppsjávarfiskiskipaflot-
anum og geti þess vegna engan veg-
inn talist dæmigert fyrir hásetahlut
á uppsjávarfiskiskipum.
Erum í samúðarverkfalli
„Við sögðum þegar verkfallið
hófst fyrir rétt rúmum átta vikum að
við værum bara að fara í sam-
úðarverkfall. Við erum búnir að vera
samningslausir í fimm ár en það hef-
ur alveg gengið, vegna þess að 90%
sjómanna eru með mjög góð laun.
Við ætlum allra síst að mótmæla því
að við sjómenn á uppsjávar-
fiskiskipum erum með mjög góð
laun, en viljum um leið benda á að
þeir sem eiga útgerðirnar eru líka
með mjög góð og miklu betri laun en
við,“ segir sjómaður.
Krafa um 30%
framlegð „fá-
ránlega há“
 Sjómenn eru ekki sáttir við hvernig
útgerðarmenn túlka kjör þeirra
Morgunblaðið/Árni Sæberg
Sjómannaverkfall Í hverri höfn
eru fiskiskip bundin við bryggju.
Sigurður Bogi Sævarsson
sbs@mbl.is
„Við allra fyrstu viðkynningu fellur
mér vel við gripinn sem þarf ekki að
koma á óvart því allir þekkja Lexus
sem gæðabíla,“ segir Þorgeir Ingi
Njálsson í Hafnarfirði, dómstjóri
Héraðsdóms Reykjaness. Nafn hans
kom úr pottinum þegar dregið var í
áskrifendahappdrætti Morgunblaðs-
ins og í gær afhentu Haraldur Jo-
hannessen, ritstjóri Morgunblaðs-
ins, og Úlfar Steindórsson, forstjóri
Toyota á Íslandi, Þorgeiri Inga vinn-
inginn, glæsibifreið af gerðinni Lex-
us NX 300h F Sport.
Verðmæti vinningsins er nærri tíu
milljónir króna. Áskrifendahapp-
drættið er samstarfsverkefni Morg-
unblaðsins og Lexus.
Alveg laus við bíladellu
Það var ánægjuleg stemning hjá
Toyota í Kauptúni í Garðabæ í gær-
dag þegar Þorgeir Ingi veitti bílnum
góða viðtöku. „Ég er alveg laus við
allt sem heitir bíladella. Mér nægir
sæmilegur bíll til að komast milli
staða. Það verður þó að sjálfsögðu
spennandi að aka þessum, enda eðal-
vagn í alla staði og afar sparneytinn
að auki,“ segir vinningshafinn.
Allir áskrifendur Morgunblaðsins
voru í útdrætti happdrættisins. Sá
pottur er afar stór og margir hafa
verið áskrifendur í áratugi, svo sem
Þorgeir Ingi.
Fjölmiðlar Moggans fylgja mér
„Ég byrjaði að kaupa Moggann
árið 1981 þegar ég var við nám í
lagadeild Háskóla Íslands og blaðið
finnst mér vera alveg ómissandi. Á
morgnana byrja ég auðvitað á
íþróttafréttunum og tek síðan helstu
fréttasíður, aðsendu greinarnar og
annað eftir atvikum. Í vinnunni yfir
daginn lítur maður öðru hvoru á
mbl.is og gluggar svo þegar heim er
komið aftur í blaðið og fer inn á net-
ið. Því má eiginlega segja að fjöl-
miðlar Árvakurs fylgi manni frá
morgni til kvölds,“ segir Þorgeir
Ingi Njálsson að síðustu.
Morgunblaðið/ Kristinn Magnússon
Lexus Haraldur Johannessen, ritstjóri Morgunblaðsins, Þorgeir Ingi Njálsson og Úlfar Steindórsson, forstjóri
Toyota á Íslandi, þegar vinningshafinn tók við bílnum í húsakynnum Lexus-umboðsins í Garðabæ í gær.
Verður spennandi að
aka eðalvagninum
 Vann Lexus NX 300h F Sport í áskrifendahappdrætti
Morgunblaðið/ Kristinn Magnússon
Ánægður Þorgeir Ingi Njálsson undir stýri á vinningsbílnum góða.
Fjárfestingartækifæri
Ísbúð miðsvæðis í Reykjavík
Við höfum til sölumeðferðar einkahlutafélag, sem á og
rekur ísbúð, ísgerð og kaffihús miðsvæðis í Reykjavík.
Gelato – Sorbetto – Vegan - Sykurlaus ís - Íspinnar
Tækjakostur er mikill og góður og allt hráefni flutt inn
frá þekktum ítölskum framleiðanda.
Frábært tækifæri fyrir réttan aðila.
Frekari upplýsingar veitir Sighvatur
Halldórsson í gegnum tölvupóst
sighvatur.halldorsson@is.pwc.com.