Morgunblaðið - 09.02.2017, Side 30

30 FRÉTTIRInnlent
MORGUNBLAÐIÐ FIMMTUDAGUR 9. FEBRÚAR 2017
VIÐTAL
Birkir Fanndal
birkir@fanndal.is
„Ég hef fengið afskaplega góðar
móttökur sem ég er þakklátur fyrir,
mér líkar vel hér og er bjartsýnn á
framhaldið,“ segir Þorsteinn Gunn-
arsson, nýráðinn sveitarstjóri
Skútustaðahrepps í Mývatnssveit, í
samtali við fréttaritara.
Þorsteinn er fæddur og uppalinn
í Vestmannaeyjum. „Eyjamaður í
húð og hár, kominn af sjómönnum
og verkafólki, var reyndar mjög lít-
ið á sjó þó að faðir minn væri sjó-
maður en fór sem unglingur ein-
hverja túra,“ segir Þorsteinn, sem á
sínum yngri árum var á kafi í
íþróttum, aðallega fótbolta en einn-
ig í handbolta og eitthvað í golfi.
Hann fór í háskólanám til Sví-
þjóðar rúmlega tvítugur og lærði
þar fjölmiðlafræði. Kom svo aftur
til Eyja og fór að vinna þar á bæj-
arblaðinu Eyjafréttum, kynntist
þar konu sinni, Rósu Signýju Bald-
ursdóttur, og eiga þau þrjú börn.
Síðar fór Þorsteinn að vinna sem
íþróttafréttamaður á Stöð 2 og var
þar í á níunda ár en var sagt upp í
hruninu.
Ferillinn eins og fótboltaleikur
„Ég var svo lánsamur að fá vinnu
á sveitarstjórnarstiginu hjá Grinda-
víkurbæ. Jafnframt bætti ég við
mig menntun, tók meistaranám í
verkefnastjórnun frá HR og dipl-
óma í opinberri stjórnsýslu frá HÍ.
Með minn bakgrunn úr íþróttum
hef ég gaman af því að líta á starfs-
ferilinn sem fótboltaleik. Eftir und-
irbúningstímabil í fjölmiðlafræðinni
var ég í fjölmiðlabransanum í fyrri
hálfleik. Ég nýtti hálfleikinn til þess
að mennta mig meira og undirbúa
fyrir seinni hálfleikinn með það í
huga að skipta um stöðu á vellinum
í seinni hálfleiknum.
Í seinni hálfleik fór ég að vinna í
stjórnsýslunni hjá Grindavíkurbæ,
fyrst sem upplýsingafulltrúi en síð-
an sem sviðsstjóri, samtals var ég
þar í átta ár og var það dýrmætur
tími fyrir mig og góð reynsla, enda
toppfólk sem þar vinnur. Ég var
með á bak við eyrað að líta í kring-
um mig eftir tæp tvö ár, eftir næstu
sveitarstjórnarkosningar. Svo ég
líki þessu aftur við fótboltann þá
opnaðist óvænt félagaskiptagluggi
þegar auglýst var staða sveit-
arstjóra í Mývatnssveit, ég sótti um
og fékk og er afar þakklátur fyrir
það tækifæri,“ segir hann.
– Varstu ekkert varaður við að
sækja hingað?
„Ég las mér nokkuð til og ræddi
við ýmsa. Það voru allir sammála
um að það væri áskorun að takast á
við þetta starf í þessu umhverfi en
það var nákvæmlega það sem ég
var að sækjast eftir. Ég er alveg
meðvitaður um söguna hér í Mý-
vatnssveit. Hér hafa skipst á skin
og skúrir eins og gengur í gegnum
tíðina en rykið er að setjast eftir
átökin um Kísiliðjuna og skólamál
þótt alltaf komi ný verkefni í stað-
inn. Það eru kynslóðaskipti í gangi í
Mývatnssveit og margt ungt fólk að
flytjast heim sem er afskaplega já-
kvætt.
Auðvitað eru hér ýmis mál í
gangi sem þarf að takast á við í
dagsins önn og vinda ofan, en hér
er líka verið að horfa til framtíðar
og uppbygging í gangi. Þótt Mý-
vetningar takist stundum á upplifi
ég það ekki sem hatrömm átök
heldur fremur sem pólitískan
ágreining, þegar því sleppir finnst
mér fólk vinna vel saman.“
– Það hlýtur að vera töluverð
breyting fyrir þig að flytjast í
sveitasamfélag okkar hér?
„Mývatnssveit er menningarsveit
og hér fæ ég allt beint í æð, ef
þannig má komast að orði. Mývetn-
ingar minna mig töluvert á
Vestmannaeyinga að því leyti að við
segjum hlutina eins og þeir eru. Ég
hef aðallega búið í tveimur sjáv-
arútvegsplássum, Vestmannaeyjum
og Grindavík, en nú er ég kominn í
bænda- og ferðaþjónustusamfélag.
Í grunninn eru verkefni sveitarfé-
laga sambærileg en vissulega
aðstæðubundin. Mér finnst gaman
að hafa mörg járn í eldinum. Það
var engin tilviljun að ég fór í meist-
aranám í verkefnastjórnun á sínum
tíma því ég hef í mínum bakpoka
reynslu og menntun héðan og það-
an og lít á mitt starf út frá hug-
myndafræði verkefnastjórnunar.
Annars vegar snýst þetta um skipu-
lag og aðferðafræði og hins vegar
um mannlega þáttinn, þ.e. sam-
skipti og hvernig hægt er að fá fólk
til að vinna betur saman að verk-
efnum og finna lausnir.“
– Á undanförnum mánuðum hafa
margar kærur umhverfissamtaka
vegna hótelbygginga verið mjög
áberandi og hljóma undarlega í eyr-
um þar sem þær virðast nokkuð
síðbúnar. Hvað viltu segja um það?
„Fyrsta daginn sem ég settist
hér á þessa skrifstofu kom úrskurð-
ur um Kröflulínu 4 þar sem
framkvæmdaleyfið var fellt úr gildi.
Ég lenti í hvirfilbyl fyrsta daginn.
En ég ákvað þá frá fyrsta degi að
nýta styrkleika mína sem verkefn-
isstjóri og leit á þetta eins og hvert
annað verkefni. Við fórum strax í
að búa til verkefnaáætlun hvernig
við ættum að vinda ofan af þessu
máli og reyndum að vinna það eins
faglega og hægt var. Við gátum síð-
an skilað nýju framkvæmdaleyfi
tveimur vikum seinna.“
Álag á litla stjórnsýslu
Þorsteinn segir engan hafa órað
fyrir því hvað myndi fylgja í kjöl-
farið, með kærum vegna hótelbygg-
inganna. Hann lítur einnig á það
sem verkefni sem þarf að leysa á
faglegan hátt.
„Við vitum ekki alveg á hvaða
vegferð Landvernd er en þurfum að
sætta okkur við veruleikann eins og
hann blasir við og það regluverk
sem er í gildi. Það sem snýr að
sveitarfélaginu í þessum kæru-
málum vegna hótelanna þá erum
við með kröfu um frávísun á þær
allar. Hins vegar er úrskurðarnefnd
umhverfismála ofhlaðin verkefnum
þannig að málin taka töluvert lang-
an tíma,“ segir hann.
Þorsteinn segir talsvert álag hafa
fylgt þessum málum fyrir litla
stjórnsýslu á borð við Skútustaða-
hrepp, með tilheyrandi lögfræði-
kostnaði, og sé augljóslega íþyngj-
andi fyrir lítið sveitarfélag.
„En aðalatriðið í mínum huga er
að það verður að endurskoða kæru-
ferlið, það er engum greiði gerður
með því að hafa þetta með þessum
hætti. Það þyrfti að straumlínulaga
ferlið og hafa kærufrestinn mun
fyrr. Ég er fylgjandi því að nátt-
úruverndarsamtök hafi kærumögu-
leika en ég hefði líka viljað sjá
meira frumkvæði að samstarfi frá
t.d. Landvernd varðandi þessi mál í
stað þess að hrúga hér inn kærum.
Þannig mundi ég vilja vinna hlut-
ina. Í ljósi aðstæðna finnst mér
boltinn vera hjá löggjafanum að
grípa inn í og breyta regluverkinu
þannig að kærur verði framar í
ferlinu.“
Stefnumótun í ferðaþjónustu
– Hefurðu velt fyrir þér samein-
ingarmálum?
„Nei, ég er nú ekki kominn svo
langt og hef svo sem ekki sérstaka
skoðun á því. Það eru ákveðin
mannréttindi að hafa aðgang að
nærþjónustunni. Síðast þegar kosið
var um sameiningu fyrir áratug eða
svo var hún kolfelld í Skútustaða-
hreppi.“
– Nú er ferðaþjónusta nærri því
að vera stærsti atvinnuvegurinn í
sveitinni. Er sveitarstjórn með eitt-
hvað í gangi nú varðandi það að
bæta aðstöðu fyrir ferðamenn hér á
næstunni?
„Eitt af mínum fyrstu verkum í
starfi var að sækja um fjármagn í
Framkvæmdasjóð ferðamannastaða
vegna fyrsta áfanga að göngu- og
hjólreiðastíg umhverfis Mývatn en
þá var búið að undirbúa það í
nokkra mánuði. Þegar núverandi
sveitarstjórn tók við var farið í að
vinna stefnumótun í ferðaþjónustu.
Haldnir voru tveir íbúafundir og
lokið við ákveðna grunnvinnu.
Verkefnið stöðvaðist síðan um tíma
en hefur nú verið ræst aftur. Samið
var við ráðgjafafyrirtækið Alta um
að ljúka þeirri vinnu, jafnframt er í
ferli að taka aðalskipulagið upp til
að koma afrakstri þessarar stefnu-
mótunarvinnu inn í skipulagið. Við
vonumst til að þessu verki verði
lokið í lok þessa árs eða í síðasta
lagi fyrir kosningar 2018 en þetta
tekur allt sinn tíma.“
– Hvað geturðu sagt mér um
fráveitumálin?
„Boltinn er hjá umhverfisráðu-
neytinu sem lét verkfræðistofuna
EFLU vinna skýrslu sem hún átti
að skila í lok síðasta árs. Við áttum
fund í síðustu viku með nýjum ráð-
herra sem sýndi málinu skilning.
Enn er beðið úttektar EFLU og
málið er því í bið á meðan. Þetta er
náttúrlega risavaxið mál og miðað
við þau verndarlög sem hér gilda
og þær kröfur sem gerðar eru um
fráveitu þá er sveitarfélagið engan
veginn í stakk búið til að fjármagna
verkefnið. Sem dæmi þá mun
þriggja þrepa hreinsikerfi fyrir
þéttbýlið í Reykjahlíð kosta næst-
um eins og rekstur sveitarfélagsins
á einu ári. Ef lesnar eru þingræður
um málið á Alþingi á síðasta ári þá
er ljóst að þverpólitísk samstaða
virtist um stuðning við verkefnið.
Við bindum mjög miklar vonir við
að hægt verði að vinna málið áfram
í góðu samstarfi við ríkisvaldið.“
Móttökustöð að taka til starfa
Þorsteinn bendir á að sveitarfé-
lagið sé að opna sorpmóttökustöð,
fullkomnari en áður hafi þekkst
hér. Til að bregðast við kostn-
aðarsömu og úreltu sorphirðukerfi
og til að uppfylla nútímakröfur
ásamt óskum íbúa um aukna flokk-
un var gerður þróunarsamningur
við Gámaþjónustu Norðurlands sem
þjónustuaðila. Þorsteinn segir
markmið þessa samnings að þróa
hagkvæma og skilvirka lausn en
verkefnið fór af stað síðasta sumar
með flokkun.
„Verkefnið er nokkuð á eftir
áætlun þar sem tafsamt reyndist að
fá hentuga lóð undir móttökustöð.
En hún er tilbúin að mestu og er að
taka til starfa.“
– Hvar á vegi er hitaveitudeilu-
mál statt við bændur í Vogum?
„Því er til að svara að beðið er
dóms í málinu, endurflytja þurfti
málið fyrir héraðsdómi vegna þess
að málið hafði verið þar of lengi.
Það má segja að málsaðilar hafi
verið sammála um að vera ósam-
mála og útkljá málið fyrir dóm-
stólum. Þetta mál á sér langa sögu
og vonandi verður hægt að leiða
það til lykta sem fyrst.“
– Hvað um búsetu sveitarstjóra?
Það hefur löngum verið áherslu-
atriði heimafólks að sveitarstjóri
ætti hér sitt heimili.
„Ég skil þessa umræðu og er hún
svo sem ekki einskorðuð hér í sveit,
þetta þekki ég t.d. vel frá Grinda-
vík. Ég er fluttur í Mývatnssveit og
fjölskyldan mun flytja hingað með
vorinu, nema elsti sonur okkar sem
er í háskólanámi í Reykjavík.“
Lenti í hvirfilbyl fyrsta daginn
 Nýr sveitarstjóri Skútustaðahrepps fékk eldskírn fyrsta daginn í starfi með úrskurði um Kröfulínu
 Veit ekki á hvaða vegferð Landvernd er  Segir kærumálin íþyngjandi fyrir lítið sveitarfélag
Sveitarstjóri Þorsteinn, fyrir miðju, ásamt Hafliða Ingasyni og Friðriki V.
Árnasyni frá Orkusölunni þegar fyrirtækið gaf hreppnum orkuhleðslustöð.
Fjölskylda Þorsteinn Gunnarsson ásamt eiginkonu sinni, Rósu Signýju
Baldursdóttur, og Valgerði Maríu, einu þriggja barna þeirra hjóna.
Komið í verslun okkar og sjáið úrvalið
Opið kl. 11-18 alla virka daga
Reykjavíkurvegi 64, Hfj, s. 555 1515, enjo.is
• Tímasparnaður
• Engin kemísk efni
• Ódýrara
• Umhverfisvænt
• 6 x hreinna - betri þrif
• Lágmarksending 3 ár
• 2ja ára ábyrgð
Fyrir baðherbergið
Fyrir gólfin
Fyrir eldhúsið Fyrir þvottinnFyrir gluggana
Fyrir
heimilið
Heimilispakkinn 2ja ára
ábyrgð
Við kennum þér að þrífa
heimilið með köldu vatni