Morgunblaðið - 09.02.2017, Síða 74

74
MORGUNBLAÐIÐ FIMMTUDAGUR 9. FEBRÚAR 2017
HEIMILIÐ
„Mikið er um nýjungar hjá okkur í
IKEA nú í byrjun árs og von er á ótal-
mörgu spennandi á næstu vikum og
mánuðum,“ segir Kristín Lind Stein-
grímsdóttir, markaðsstjóri IKEA á
Íslandi. „Undanfarin misseri höfum
við í auknum mæli kynnt til sögunnar
glæsilegar hönnunarlínur, sem aðeins
eru fáanlegar í ákveðinn tíma, og
nokkrar slíkar eru væntanlegar. Þar
er lögð áhersla á nýsköpun og aukið
frelsi til að fara óhefðbundnar leiðir.
Þekktir hönnuðir hafa verið fengnir
til samstarfs við fyrirtækið í þessum
áhugaverðu verkefnum og þannig
stígur IKEA svolítið út fyrir sinn bláa
og gula kassa.“
Spurð út í tískustrauma ársins 2017
hjá IKEA segir Kristín mínimalíska
stílinn greinilega vera á undanhaldi.
„Áherslurnar hafa breyst, fólk vill nú
frekar búa sér hlýlegt heimili og leyfa
persónuleika sínum að skína í gegn.
Glaðlegir litir eru orðnir áberandi,
sérstaklega í púðum, mottum, gard-
ínum og öðru sem setur sterkan svip
á heimilið. Áferð textílsins leikur
stærra hlutverk en oft áður og nátt-
úruleg efni eru vinsæl. Stofuplöntur
eru tvímælalaust ofarlega á vinsælda-
listanum hjá viðskiptavinum okkar,
bæði grænar og blómstrandi plöntur.
Það er mjög jákvæð þróun, enda ekki
bara fallegt og hlýlegt að hafa plöntur
á heimilinu heldur hreinsa margar
þeirra líka loftið.“
Áhrif frá Indónesíu
Kristín er beðin um að segja nánar
frá nýju hönnunarlínunum sem von er
á; afrakstri samstarfs IKEA og
þekktra hönnuða. „Fyrsta lína þessa
árs kom í verslunina í síðustu viku, en
það er SPRIDD-línan, sem er unnin í
samstarfi við breska fatahönnuðinn
Kit Neale. SPRIDD-línan er lífleg og
„hávær“, en hún er sprottin úr fjórum
ólíkum listaverkum sem innblásin eru
hvert af sinni tónlistarstefnunni. Lín-
an er hönnuð með ungt fólk í huga,
sem er á ferð og flugi og vill einfalt og
skemmtilegra líf.“
Hún bætir við. „Í mars og apríl eig-
um við svo von á fleiri hönn-
unarlínum. JASSA-línan kemur þá í
hús, en hún varð til undir áhrifum frá
hönnunarhefðum Indónesíu og Suð-
austur-Asíu. Vörurnar eru allar hand-
unnar úr náttúrulegum efnum; hugs-
unin að baki línunni er að slaka á, hafa
gaman og fara örlítið á svig við regl-
urnar.
Í apríl kynnum við þriðju IKEA
ART EVENT-línuna, sem inniheldur
12 veggspjöld með handteiknuðum
myndum eftir listamenn hvaðanæva
úr heiminum. Með ART EVENT-
línunni okkar, sem notið hefur mikilla
vinsælda, höldum við áfram að gera
áhugaverða list aðgengilega öllum.“
Stórborgarhönnun
Talið berst að PS-hönnunarlínu
IKEA, sem kom fyrst á markað árið
1995 og hefur að sögn fengið frábær-
ar viðtökur. „Í síðustu viku kom nýj-
asta IKEA PS-línan í verslunina –
IKEA PS 2017. Þetta er í níunda
skipti sem hönnunarlínan er kynnt og
í þetta sinn inniheldur hún yfir 50
vörur. Rétt eins og með SPRIDD-
línuna er PS-línan frekar óhefð-
bundin og það er smá uppreisn í
henni.
PS-vörunum er ætlað að höfða til
þeirra sem eru sveigjanlegir og hafna
rútínunni vinna-borða-sofa; þeirra
sem gefa lítið fyrir venjur og sjá frek-
ar tækifæri í frelsinu. Sautján hönn-
uðir frá stórborgum um allan heim
komu að hönnun PS-línunnar og hún
miðast því við breytta lifnaðarhætti í
stórum borgum, þar sem fólk hreiðr-
ar um sig í sífellt minna húsnæði og
býr ekki endilega á „hefðbundinn“
hátt.“
STOCKHOLM-línan er væntanleg
í IKEA í apríl og inniheldur hún að
þessu sinni 47 vandlega valdar vörur,
að sögn Kristínar. „Þær eru allar
hannaðar með það að leiðarljósi að
passa vel við það sem fyrir er á heim-
ilinu, og gefa því ferskan og fágaðan
svip. Vörurnar eru úr náttúrulegu
hráefni, svo sem reyr, handblásnu
gleri og aski; þær eru upphafning
þess að fara sér hægt, gera hlutina á
réttum hraða og sinna smáatriðum af
natni.“
Endurunnar plastflöskur
Kristín bendir á að til viðbótar við
nýju hönnunarlínurnar, sem aðeins
séu fáanlegar í ákveðinn tíma, bætist
reglulega við aðrar nýjungar. „Bæði
er um að ræða viðbætur við fyrri línur
og nýjar línur sem verða hluti af vöru-
úrvalinu til framtíðar. Við erum að
taka inn mikið af nýjum vörum núna í
febrúar, og ein skemmtilegasta nýj-
ungin eru framhliðar á eldhúsinnrétt-
ingar sem hafa fengið nafnið
KUNGSBACKA.
Þar sem IKEA tekur samfélags-
lega ábyrgð sína alvarlega er mjög
gaman að geta nú boðið upp á fram-
hliðar á eldhúsinnréttingar sem ekki
aðeins eru gerðar úr endurunnum við,
heldur líka endurunnum plast-
flöskum. Í filmuna á hverja hurð eru
notaðar 25 hálfslítra plastflöskur,
þannig að það fara um 1.000 flöskur í
meðaleldhús. Með því að nota endur-
unnið hráefni getum við gert fram-
leiðsluna enn umhverfisvænni en ella,
en metnaður okkar liggur alltaf í því
að auka hlutfall endurunnins hráefnis
í vörum IKEA.“ beggo@mbl.is
Hlýlegt og persónulegt
 Mínimalisminn í innanhússhönnun er á undanhaldi, eins og glöggt má sjá í verslun IKEA í Kauptúni
 Glaðlegir litir eru þar áberandi, einkum þegar kemur að púðum, gólfmottum, gardínum og öðrum
textíl, grafísk mynstur eru ráðandi, náttúruleg efni vinsæl og pottaplöntur aftur komnar í tísku
ART EVENT Veggspjöld með handteiknuðum myndum úr víðri veröld.
JASSA Ný lína, hönnuð undir áhrifum frá Indónesíu og Suðaustur-Asíu
Morgunblaðið/Eggert
Nýbreytni „Undanfarin misseri höfum við í auknum mæli kynnt til sög-
unnar glæsilegar hönnunarlínur sem aðeins eru fáanlegar í ákveðinn tíma.“
PS 2017 Nýjasta
línan frá PS, óhefð-
bundin og litrík.