Skírnir - 01.09.2014, Page 143
367snorri í odda
ráðgjafar fursta á Þýskalandi og tileinkuðu sér góða háttsemi og fína
siði (Jaeger 1985/1991: 3 16, 255 272). Þeir voru ekki endilega af
háum stigum en komu fram í krafti menntunar og hæfileika og
sömdu sig um 1200 að svipuðum lífsstíl og háaðall. Þeir voru jafnan
vel að sér í lögum og keisarar, kóngar og prinsar í valdasókn sótt-
ust eftir að fá þess háttar menntaða menn til stjórnarstarfa (Bumke
2000: 33 35, 58, 73 75). Þeir minna á þá sem nefndir hafa verið
preud hommes í franska heiminum (Crouch 2005: 1 56). Má ætla að
Snorri hafi sótt vitneskju til Gissurar Hallssonar um slíka kurteisa
menn en vitneskja og áhrif gátu borist með ýmsum hætti. Nikulás
Bergsson skrifaði, „Á Saxlandi er þjóð kurteisust og nema þar
Norð menn mart eftir að breyta“ (Leiðarvísir Nikuláss Bergssonar
1988: 54). Snorra mun hafa þótt gagnlegt að bera sig saman við lög-
mennina Dagfinn bónda og Áskel.
Annað veraldlegt nám
Í sem stystu máli held ég því fram að Oddaverjar hafi sett Snorra í
laganám og hann gat líklega lært af Gissuri Hallssyni að starf lög-
sögumanns væri vænlegt til að afla sér virðingar og valda. Það gat líka
verið leið til frama í Noregi en til þess voru fleiri leiðir en lögfræðin.
Það er a.m.k. alveg víst að Snorri fór snemma að reyna að vekja at-
hygli ráðamanna í Noregi á sér sem skáldi og fræðimanni. Hann
orti kvæði um Sverri konung, líklega 1202 þegar Sverrir var nýlát-
inn. Einnig orti hann kvæði um Inga sem varð Noregskonungur
1204 og þessi kvæði mun hann hafa sent til hirðarinnar í Noregi.
Ekki er vitað um viðbrögð en þriðja kvæðið orti Snorri og sendi
Hákoni jarli sem var annar helsti ráðamaður í Noregi um 1210 og
nefndist Hákon galinn. Hákon sendi honum glæsilegar gjafir að
launum og bauð honum til sín, sagðist skyldu auka sóma hans. Þetta
var Snorra mjög að skapi, segir í Íslendingasögu Sturlu Þórðar-
sonar.11 Ráðamenn í Noregi hafa líklega spurst fyrir um Snorra og
skírnir
11 Snorri hugleiddi utanferð en þegar jarlinn dó, 1214, frestaðist utanferðin um
nokkurra vetra skeið, að sögn Íslendingasögu í Sturlungu. Á þessum tíma, 1215–
18, gegndi Snorri starfi lögsögumanns.
Skírnir Haust 2014 umbrot.qxp_Layout 1 6.10.2014 13:19 Page 367