Saga - 2010, Page 88

hús þar brunnu 1253 og hans nánustu með. Honum mun líklega
hafa verið lítt að skapi að búa áfram á Flugumýri. Þegar Vestfirð -
ingurinn eiríkur Sveinbjarnarson hafði sýslu í vesturhluta Norð -
lendingafjórðungs frá 1323 var risið klaustur á Reynistað. eiríkur
tók Flugumýri á leigu af Hólastað og mun hafa setið þar.111 Býlið
hefur þótt miðlægt.
Í sveit
Hin pólitíska saga sýnir líka af hverju kolbeinn kann að hafa talið
brýnt að vera á Flugumýri. Hann óttaðist samkeppni við Sighvat
Sturluson í eyjafirði og hafði illan bifur á kálfi Guttormssyni í
Miklabæ og Jóni Markússyni á Hjaltastöðum sem töldust vera vinir
Sighvats. Flugumýri er svo til mitt á milli þessara bæja og þó nær
Hjaltastöðum. kolbeinn var sestur að á Flugumýri 1233 og árið 1234
lét hann taka kálf af lífi, en Jón hraktist brott og kolbeinn gerði eig-
ur hans upptækar.
Áður en aftaka kálfs fór fram er talað um að menn sem gerðu
óspektir „í sveitum kolbeins“ hafi flúið til Sighvats.112 Orðið sveit
vekur athygli.
Þessi glíma kolbeins við volduga bændur er athyglisverð; það
virðist hafa einkennt Skagafjörð að þar væru áhrifabændur, hver á
sínu svæði. Um slík svæði er notað orðið sveit. Á Hofi á Höfðaströnd
var fyrrnefndur Grímur bóndi Snorrason sem Lúðvík Ingvarsson
telur að hafi farið með hluta úr goðorði. er við árið 1188 talað um
mann sem var „úr sveit Gríms Snorrasonar“ og hvernig Grímur
stuðlaði að því að hann hlaut ákveðið kvonfang og hélt hinum nýju
hjónum síðan veislu á Hofi.113 Jörðin var 80 hundruð, undir hana
heyrðu mörg svonefnd afbýli og Hofskirkja átti auk þess tvær jarðir
í grennd sem hafa kannski einhvern tíma talist leiguból frá Hofi.
Grímur var mikill áhrifamaður í Skagafirði. Síðar er getið Brodda
Þorleifssonar bónda á Hofi, sem þótti „mestur maður þar í sveit“
ásamt bóndanum í Gröf á Höfðaströnd, 60 hundraða jörð, og var
þetta um 1240.114 er nokkuð ljóst að búsetan ein hefur skapað stór-
bændum á Hofi valdagrundvöll; Broddi gat t.d. kvatt bændur í
helgi þorláksson88
111 Lárentíus saga biskups. Biskupa sögur III, bls. 390.
112 Sturlunga saga I, bls. 367–371.
113 Sama heimild, bls. 169.
114 Sama heimild, bls. 443.
Saga haust 2010 — NOTA (9.5.)_Saga haust 2004 - NOTA 8.12.2010 11:05 Page 88