Saga - 2010, Page 101

skreiðin á skriðu 101
Fiskbeinin á Skriðuklaustri
Jarðakaup þessi benda til að umsvif Skriðuklausturs hafi náð til alls
Austfirðingafjórðungs eins og hann var þá og ekki bara Múlaþings.
klaustrið átti eignir í Austur-Skaftafellssýslu og fiskbeinin, sem
greind voru úr dýrabeinasafninu frá Skriðuklaustri og heyra til
rekstrartíma þess, vekja sérstaka athygli í því sambandi.
Algengastur af fiskunum er rígaþorskur en einnig fannst talsvert
af beinum úr löngu og stórýsu, auk ufsans (sjá töflu 1). Af bæði
þorski og löngu hafa fundist bein alls fisksins, þ.e. haus-, kvið- og
hryggbein. Ólíklegt er þó að fiskurinn hafi verið fluttur nýr til
klaustursins heldur komið þangað verkaður sem skreið.
Tegund Fjöldi beina Stærð
Þorskur 716 80% meira en 1 metri
Ýsa 13 100% meira en 1 metri
Langa 47 100% meira en 1 metri
Ufsi 165 (stærð ekki mæld)
Skata 1
Lúða 1
Hámeri 77
Alls 1020
Tafla 1. Fjöldi og tegundir fiskbeina sem greind hafa verið úr beinasafni
Skriðuklausturs.
Ætla má að afli á sjávarjörðum klaustursins hafi farið bæði til
útflutnings og neyslu innanlands. Beinasafnið frá Skriðu bendir til
að fiskur hafi verið nokkur hluti matar í klaustrinu. Beinast liggur
við að fiskurinn hafi borist neðan af Fjörðum og inn að Skriðu.
Sérstaklega var Brimnes yst í Seyðisfirði norðanverðum fengsæl
verstöð í eigu klaustursins og þaðan hefur vafalaust borist fiskur á
borð bræðranna á Skriðu. „klausturskemma“ er örnefni í landi
Brimness, og Jens Wium, einn klausturhaldara á Skriðu, fórst af báti
fyrir landi jarðarinnar árið 1740.23
en fiskigöngur við Ísland benda samt ekki til að mikið sé að fá af
stórfiski niðri á Fjörðunum og síst af öllu stórýsu og löngu. Því þarf
23 Heimir Steinsson, Saga munklífis að Skriðu í Fljótsdal, bls. 57.
Saga haust 2010 — NOTA (9.5.)_Saga haust 2004 - NOTA 8.12.2010 11:05 Page 101