Saga - 2010, Qupperneq 186

týri bræðranna sem þýtt var yfir á íslensku19 af Magnúsi Gríms -
syni.20 Mjallhvít var prentuð í kaupmannahöfn 1852, eða sama ár og
þjóðsagnakver Magnúsar Grímssonar og Jóns Árnasonar Íslenzk
ævintýri kom út.21 kannski hefur verið minnst á þá staðreynd að Jón
Sigurðsson sendi Jacobi Grimm Íslenzk ævintýri árið 1856;22 að
minnsta kosti var rætt um kverið sem slíkt.23
Hinn 30. mars 1858 leggur Maurer upp í ferð sína til Íslands frá
München.24 Hann hefur m.a. viðkomu í Berlín hjá Jacobi Grimm. Í
bréfi til Jóns Sigurðssonar fyrir ferðina telur Maurer að Jacob muni
biðja sig um að athuga eitt og annað varðandi íslensk og norsk
mannanöfn því Jacob sé að skrifa ritling um efnið.25 Fyrir utan allar
aðrar ástæður sem drógu Maurer til Íslands, hlýtur það að hafa
verið áhugavekjandi fyrir hann að sækja heim land sem var svo gott
sem óplægður akur þegar kom að söfnun og útgáfu á þjóðlegu efni.
Vera má að Maurer og Jacob Grimm hafi rætt um þennan „óplægða
akur“ í heimsókn Maurers hjá Jacobi Grimm fyrir Íslandsferðina og
vafalaust um afrakstur þjóðsagnasöfnunar Maurers í heimsókn
sinni hjá Jacobi eftir ferðina. Seinkun verður á gufuskipinu til Ís -
lands þannig að Maurer hefur 15 daga viðdvöl í kaupmannahöfn.
Þar hittir hann aftur marga Íslendinga sem hann hafði kynnst árinu
áður; þar á meðal Gísla Brynjúlfsson og Guðbrand Vigfússon.26
Þann 27. apríl kastar gufuskipið Victor emanuel akkerum í
Reykja víkurhöfn og Maurer stígur á íslenska grund. eftir um
tveggja mánaða dvöl í höfuðborginni ferðaðist Maurer vítt og breitt
katrín matthíasdóttir186
19 Magnús Grímsson, Ferða bók Magnúsar Grímssonar fyrir sumarið 1848: lýsing
Kjósarsýslu og Reykholtsdals (Reykjavík: Ferðafélag Íslands 1988), bls. xxii.
20 Mjallhvít: æfintýri handa börnum. Þýð. Magnús Grímsson (kaup mannahöfn
1852); [með handlituðum myndum]. Frumútgáfan ásamt myndum er aðgengi-
leg í stafrænu formi, sjá Vef. http://is.wikisource.org/wiki/Mjallhv%C3%
ADt.
21 Magnús Grímsson og Jón Árnason, Íslenzk æfintýri (Reykjavík: e. Þórðarson
1852).
22 Vitneskjuna um að Jón Sigurðsson sendi Jacobi Grimm Íslenzk ævintýri er að
finna í bréfi sem Maurer skrifar til Jóns Sigurðssonar þann 23. mars 1858 en í
bréfinu skilar Maurer innilegu þakklæti til Jóns frá Jacobi Grimm sem hafði
glaðst mjög yfir að fá Íslenzk ævintýri frá honum. Bréfið er varðveitt á
Landsbókasafni Íslands undir safnmarkinu Lbs. 2590.
23 konrad Maurer, „Schneewittchen“, bls. 489–490.
24 konrad Maurer, Íslandsferð 1858, bls. 3.
25 Sama heimild/bréf og í neðanmálsgrein 22.
26 konrad Maurer, Íslandsferð 1858, bls. 4.
Saga haust 2010 — NOTA (9.5.)_Saga haust 2004 - NOTA 8.12.2010 11:06 Page 186