Saga - 2010, Side 253

andi níðrit sem skrifað hefur verið um Ísland. Hins vegar vinnur
Már að ritinu Galdradómar, sem er heildarsafn dóma og bréfa um
galdramál 17. aldar og verður um 600 blaðsíður á lengd.
Vinna að ritinu Konungar Íslands 1264–1944 hefur haldið áfram í
námskeiði á meistarastigi í sagnfræði við HÍ. Hugmyndin er að gefa
út ríkulega myndskreytta bók um alla þá sem báru konungsnafn á
Íslandi meðan Íslendingar höfðu konung. Bókin er ætluð almennum
lesendum til fróðleiks og ekki síður skemmtunar. Auk þess mun
ritið nýtast sem handbók með upplýsingum um líf þessara konunga
og áhrif þeirra á málefni Íslands. Á vormisseri var öðru sinni haldið
námskeið á MA-stigi við Sagnfræði- og heimspekideild Háskóla
Íslands þar sem nemendur völdu sér konunga til að skrifa um.
Liggja nú fyrir handrit um langflesta konunga, en mikil vinna
verður að samræma málfar og annað og þarf til þess öfluga ritstjórn.
Við væntum þess að þetta verði „sölubók“.
enn hefur ekkert orðið af fyrirhugaðri rafrænni útgáfu ófáan-
legra rita Sögufélags (sjá „Af aðalfundi“ í fyrra), einfaldlega vegna
þess að forritið er ekki komið í gagnið. Við vinnum þetta í nánu
sambandi við Handritadeild Landsbókasafns en Örn Hrafnkelsson
for stöðu maður er hinn mesti áhugamaður um rafræna miðlun. Í
undirbúningi er að gera Sögu fram til 1980 aðgengilega á vefnun
timarit.is.
Sögufélag hefur ávallt góða samvinnu við Þjóðvinafélagið. Sögu -
félag, eða réttara sagt Heimir Þorleifsson, sér um að dreifa Almanaki
Hins íslenska þjóðvinafélags, sem er nýkomið út. Auk þess hefur
Heimir að vanda tekið saman árbókina, nú fyrir árið 2009. Andvari
er væntanlegur um miðjan nóvember.
Fjármál Sögufélags. eins og til háttar í litlu samfélagi er menningar-
og fræðastarfsemi af því tagi sem Sögufélag stundar útilokuð án
utanaðkomandi styrkja. Líkt og á flestum sviðum þjóðfélagsins hef-
ur fjármálakreppan komið niður á starfsemi félagsins. Fjárstuðn -
ingur sem Alþingi hefur veitt Sögufélagi til útgáfu rita á sviði sögu
og sagnfræði hefur verið skorinn niður svo um munar. Jafnframt
hafa aðrir aðilar sem styrkt hafa Sögufélag horfið af sjónarsviðinu.
Má t.d. nefna að Glitnir styrkti útgáfu Smárita Sögufélags. Bóka -
búðir hafa orðið gjaldþrota og við það hefur Sögufélag tapað fé sem
það átti inni hjá þessum fyrirtækjum. Á sama tíma hefur allur
kostnaður við útgáfu aukist umtalsvert. Stjórn félagsins hefur á und-
anförnum misserum leitað allra leiða til að mæta þessum áföllum og
treysta stoðir félagsins til framtíðar.
af aðalfundi sögufélags 2010 253
Saga haust 2010 — NOTA (9.5.)_Saga haust 2004 - NOTA 8.12.2010 11:06 Page 253