Saga - 2010, Side 254

Nú í haust er tvísýnt um fjárstuðning hins opinbera til Sögu -
félags en samkvæmt fjárlagafrumvarpinu hefur styrkur til félagsins
verið felldur niður. Stjórnin gerir allt sem í hennar valdi stendur til
að fá bæði almennan styrk til Sögufélags, eins og við höfum fengið
undanfarin ár, og síðan styrk til útgáfu á Acta yfirréttarins. Þetta eru
tvö aðskilin mál. Við erum treg til að túlka málið þannig að það sé
vilji Alþingis að binda enda á samkomulag og samvinnu við
Sögufélag, sem gaf út Alþingisbækurnar f.h. Alþingis á sínum tíma.
Hér hljóta að hafa orðið mistök. Þar að auki hefur verið mjög gott
samstarf milli Sögufélags og Þjóð vina félags, en í því félagi eru ein-
göngu 63 meðlimir — alþingismenn á hverjum tíma. Sögufélag sér
um dreifingu útgáfurita Þjóðvinafélags, Almanaksins og Andvara.
Bréf hafa verið send forseta Alþingis og formanni fjárlaganefndar
þar sem við minnum á mikilvægi starfsemi Sögufélags fyrir menn-
inguna í landinu. Við bíðum enn svara.
Félagsfundur var haldinn í vor til að ræða fjármál félagsins. Stefna
stjórnar er að taka einungis lán til útgáfunnar ef brýn nauðsyn kref-
ur en stofna ekki til skulda vegna almenns reksturs félagsins. Sögu -
félag er rekið fyrst og fremst með félagsgjöldum og styrk frá Al -
þingi. Auk þess veitti hinn nýstofnaði Bókmenntasjóður félaginu tvo
styrki og var Menningarsjóður ávallt skilningsríkur gagnvart út -
gáfu ritum félagsins meðan hann var og hét. Áður fyrr styrkti Glitnir
útgáfu smáritanna og Baugur studdi myndarlega útgáfuna á Brevis
Commentarius svo dæmi séu tekin. en þetta er liðin tíð. Félagið á hús
sitt skuldlaust. ef nauðsyn krefur verður tekið lán til að halda starf-
semi félagsins gangandi meðan kreppuástandið varir. einnig hefur
verið rætt um að leigja húsið og flytja í ódýrara húsnæði, en það yrði
neyðarúrræði. Verið er að vinna að því að fá skuldir greiddar úr
þrota búum ýmissa bóksala.
Í annað sinn á liðnu ári var nú brugðið á það ráð að halda útsölu
á bókum Sögufélags í húsi félagsins. Tókst það nokkuð vel og seld-
ust bækur fyrir 495.572 kr. en ágóðinn er ekki mikill þegar búið er
að draga frá kostnaðinn.
Það er alltaf jafn sorglegt að sjá hversu margir sagnfræðingar
kjósa að vera ekki félagsmenn í Sögufélagi. Hins vegar lifir sögu -
áhuginn ávallt með þjóðinni, og eins og menn vita er félagið opið
öllum áhugamönnum um sögu þjóðarinnar. Uppörvandi er að geta
sagt frá því að fjölmargir sagnfræðinemar gengu í félagið á þessu
hausti. Strax í upphafi kreppu sögðu nokkrir félagsmenn sig úr
af aðalfundi sögufélags 2010254
Saga haust 2010 — NOTA (9.5.)_Saga haust 2004 - NOTA 8.12.2010 11:06 Page 254