Skírnir - 01.04.2014, Side 61

SKÍRNIR
HLJÓÐMENNING ALÞINGIS
59
forseta yfirleitt til kynna að nú sé komið fram yfir úthlutaðan
ræðutíma í það skipti. Þingmenn geta þó oftast komið aftur í
ræðustól og haldið áfram þar sem frá var horfið, þó með fyrirvara
um reglur og tímamörk sem um það gilda. Forseti hringir einnig
bjöllunni þegar hann vill gera athugasemdir við ræðu þingmanns
eða hafa á einhvern hátt áhrif á framvindu fundarins. Bjölluhljóm-
urinn, sem verður á tíðum ákafur og nokkuð hávær þegar oft er
slegið, táknar vald forseta þingsins til að stjórna fundum og ræður
hann miklu um mótun hljóðrýmisins.
Sama morgun og höfundur þessarar greinar heimsótti alþingis-
palla áttu eftirfarandi samskipti sér stað á milli ræðumanns og þing-
forseta. Ræðumaður er Höskuldur Þórhallsson (2011) en forseti er
Ásta Ragnheiður Jóhannesdóttir. Lesandanum er þó einnig bent á
vef Alþingis til þess að heyra samskiptin sem uppskriftin byggist á
og þá sérstaklega þátt bjöllunnar sem ekki skilar sér nægilega vel í
rituðum texta:
Virðulegi forseti. Hér var rétt að klárast liður þar sem einstaka þing-
mönnum gefst tækifæri til að spyrja ráðherra út í mikilvæg mál. Ég hef
nokkrum sinnum áður komið hingað upp og beint þeim fyrirmælum til
hæstv. forseta að hann beiti sér fyrir því að lengja þennan lið og gera hann
efnislegri og málefnalegri. Ég kom hér áðan og spurði hæstv. iðnaðarráð-
herra áðan út í atvinnuuppbyggingu á Bakka við Húsavík (Forseti hringir)
en fékk yfir mig ... (Forseti hringir)
(Forseti (ÁRJ): Ekki efnislega umræðu undir fundarstjórn forseta)
... fúkyrðaflaum (Forseti hringir) þar sem mér var í engu ... (Gripið
fram í) (Forseti hringir)
(Forseti (ÁRJ): Þetta er framhald umræðunnar. Forseti biður hv. þing-
mann um að víkja úr ræðustól).
Virðulegi forseti. Ég er að ræða hér um fundarstjórn forseta (Forseti
hringir) og biðja hann ... (Forseti hringir)
(Forseti (ÁRJ): Forseti biður hv. þingmann að víkja úr ræðustól)
Virðulegi forseti. Ég er að spyrja hæstv. forseta að því hvort hún vilji
beita sér fyrir því að (Forseti hringir) ráðherra svari mér efnislega í stað
þess að (Forseti hringir) beina fúkyrðaflaumi og persónulegum árásum að
einstökum þingmönnum.
(Forseti (ÁRJ): Fimm mínútur, fundinum er frestað)
Það er ótrúleg skömm að fundarstjórn forseta hér. (Forseti hringir)