Skírnir - 01.04.2014, Page 105

SKÍRNIR BANKAR í LJÓMA ÞJÓÐERNISHYGGJU 103
greina eða þjóðfélagshópa. Nafni Búnaðarbankans var í fyrstu
breytt í skammstöfun þess og Kaupþings, sem varð hið hlutlausa
og staðlausa heiti KB-banki. Því var síðan breytt aftur í nafn Kaup-
þings sem var íslenskt en var þó orðið þekkt erlendis. Bankinn lagði
af slagorðið „traustur banki" sem beðið hafði hnekki um aldamótin
enda var þá frekar lögð áhersla á vöxt en traust. Islandsbanki breytti
nafni sínu í Glitnir banki árið 2006 til þess að veita bankanum
alþjóðlegan blæ (þrátt fyrir það áttu margir útlendingar í erfiðleik-
um með að bera það fram) en héldu á sama tíma tengingu við Is-
land. Hér á landi var lögð töluverð áhersla á tenginguna við norræna
goðafræði en lítið fór þó fyrir nánari útskýringu á hugtakinu.
Glitnir var bústaður ássins Forseta sem sagður var vera þakinn silfri
og borinn af súlum, veggjum og bitum úr gulli.10 Jafnvel sparisjóðir
fóru í auknum mæli að nota skammstafanir í auglýsingaherferðum
sínum, svo sem SPH í stað Sparisjóðs Hafnarfjarðar og SPV í stað
Sparisjóðs vélstjóra, sem gerðu tengsl þeirra við ákveðnar starfs-
stéttir eða bæjarfélög óljósari og jafnvel ósýnileg. Þegar ofangreindir
sparisjóðir sameinuðust árið 2006 var nýtt nafn sameinaðs spari-
sjóðs Byr sparisjóður og þannig var ekki lengur að finna nein
staðbundin tengsl í nafninu. Sameiginleg kynningarstarfsemi spari-
sjóða hélt þó áfram að einblína á þjónustu „fyrir þig og þína“ en
þeir þóttu vera orðnir eftirbátar bankanna árin áður en fjármála-
kerfi íslands hrundi. Nafni Sparisjóðabanka íslands var árið 2006
breytt í Icebank, sem notað hafði verið gagnvart erlendum við-
skiptavinum þess frá stofnun bankans árið 1986 (Icebank 2006).
Með því var nafn bankans ekki lengur íslenskt en vísaði engu að
síður til íslands. Því var aftur breytt í sitt upprunalega nafn nokkr-
um dögum eftir hrun íslenska bankakerfisins haustið 2008, þegar
ljóst þótti að útrásin hefði misheppnast og hugsanlegt framhaldslíf
bankans yrði einungis byggt á hans gamla hlutverki að þjónusta inn-
lenda sparisjóði.
Endurskilgreiningin á bönkum sem stofnanir ótengdar ákveðn-
um starfsgreinum eða hópum í samfélaginu hæfði vel samfélagslegri
umræðu og áherslum helstu framámanna þjóðarinnar á nýtt hlutverk
10 http://visindavefur.is/svar.php ?id=22727