Skírnir - 01.04.2014, Page 141
SKÍRNIR
MAGNÚS EIRÍKSSON
139
að birta ekkert þessara svarbréfa til Magnúsar missti Kierkegaard
af tækifæri til efnisríkrar rökræðu. Þar að auki virðist hann, í sínum
brotakenndu atlögum, aldrei hafa náð að vísa á bug á nógu sann-
færandi hátt ásökunum Theophilusar Nicolaus um mótsögnina í
Frygt og Bœven og Afsluttende uvidenskabelig Efterskrift (sem er
að Climacus skilgreini „fjarstæðuna", grunninn að trú Abrahams,
með „þverstæðunni“ í endurholdguninni).56 Á einum stað í Gud og
Reformatoren (1866), eftir að hafa enn einu sinni gagnrýnt hið „día-
lektíska hugtakahnoð" Kierkegaards á kostnað sannleikans, bætir
Magnús við eftirfarandi athugasemd: „Dr. S. Kierkegaard viður-
kenndi eitt sinn fyrir mér í einkasamtali, eftir að ég hafði tjáð honum
andstöðu mína við trúarhugtak hans, ,í krafti fjarstæðunnar', að
hann hafi vissulega farið með það út í öfgar“ (102).
Ólíkt ritum Kierkegaards áttu hin umfangsmiklu ritverk (sem
telja yfir 4200 blaðsíður) íslenska guðfræðingsins og trúarlega rit-
höfundarins Magnúsar Eiríkssonar — hins gagnrýna samtímamanns
og óvelkomna bandamanns Kierkegaards í sameiginlegri deilu
þeirra við háspekilega guðfræði Martensen — eftir að falla í
gleymsku fljótlega eftir dauða hans. Carl Henrik Koch (2004: 298)
segir: „Magnús Eiríksson stóð einangraður á sínum dögum, örlög
hans urðu að ná ekki eyrum samtímamanna sinna og falla fljótt í
gleymsku." Hvað sem því líður hef ég, í því sem hér fer á undan, leit-
ast við að sýna fram á að það væri sannarlega miður ef Koch ætti
síðasta orðið um örlög Magnúsar.
Aðalsteinn Garðarsson þýddi.
Heimildir
Ágúst Hákonarson Bjarnason. 1924. „Um Magnús Eiríksson." Skírnir 98: 39-73.
Baudoin, Jean-Baptiste. 1867.]esús Kristr er guð: Þráttfyrir mótmxli herra Magn-
úsar Eiríkssonar. Reykjavík: Utgefandi ekki tilgreindur.
Cauly, Olivier. 1997. „La foi est-elle un paradoxe ou ‘une vertu de l’absurde’? Á
propos d’une critique de Magnus Eriksson (Theophilus Nicolaus)." Kairos 10:
99-114.
56 Sjá einkum Kierkegaard 1968-1978 (Pap. X-6 B 72): 82.