Skírnir - 01.04.2014, Side 188

186
GESTUR GUÐMUNDSSON
SKÍRNIR
1969 reyndu Ómar Valdimarsson, Jónas R. Jónsson og fleiri að
ydda umfjöllunina með áherslu á menningarlega nýsköpun og
félagslega skírskotun, en blaðamenn Morgunblaðsins lögðust gegn
róttækni og tónlistarlegri framúrstefnu. Áhugamenn á sviðinu
skiptust í tvær fylkingar, en eftir að þær höfðu skekið vopn sín um
skeið var allur vígamóður úr mönnum. Á leið af vígvellinum blönd-
uðust fylkingarnar saman, menn tóku um axlir fyrrum fjandmanna
sinna og gengu saman burt — í næsta partí.
1973-1977: Partí eðapólitík
Það var partí í poppheimum frá og með vetrinum 1972-1973 og út
allan þann áratug. I hippabylgjunni hafði ungt fólk orðið mun frjáls-
legra í fasi, en hinir hugvíkkandi og gagnrýnu þættir hennar ristu
ekki djúpt nema hjá örlitlum minnihluta. Aðsókn minnkaði fljótt
aftur að hljómsveitum sem spiluðu mjög sýrða tónlist og/eða gerðu
kröfur til áheyrenda um einbeitta hlustun og innlifun. Nýjar hljóm-
sveitir spruttu fram með tónlist þar sem „kraftur og lífsgleði" var í
fyrirrúmi (Ómar Valdimarsson 1972). Á böllum til sjávar og sveita
vildu menn dansvæna stuðtónlist, og þeim kröfum mættu til dæmis
Svanfríður, Mánar, Haukar, Brimkló og Pelikan ásamt fjölda ann-
arra sem ekki sköpuðu sér jafn þekkt nöfn. I mörgum þessara
hljómsveita voru menn sem höfðu tekið fullan þátt í „framsæknu
sveiflunni" 1969-1972, og smám saman færðust höfuðpaurarnir í
Trúbrot í sömu átt í hinum endurreistu Hljómum (1973-1974), Ðe
lónlí blú bojs (1974-1977) og í Júdasi (frá 1974). Ballgestir voru
flestir yngri en þeir sem höfðu setið agndofa undir hippatónlistinni,
hin nýja kynslóð fyllti vaxandi áfanga- og fjölbrautaskóla og lagði
drjúgan hlut til hagvaxtar með vinnu og neyslu en vildi stuðfíling um
helgar.
Poppskrifarar tóku þátt í partíinu og fluttu fréttir af stuði og
áætlunum um meira stuð, og á árunum 1973-1976 var meira skrifað
um popp í dagblöðin en áður. Það tengdist því eflaust að á þessu
árabili þrefaldaðist sala á íslenskum plötum en þær plötur gáfu lang-
flestar fremur tilefni til markaðskynningar en til alvarlegrar popp-