Skírnir - 01.04.2014, Qupperneq 199

SKÍRNIR
SKIPTIR DÆGURTÓNLIST MÁLI?
197
og þeir leitaðist Árni við að lýsa tónlist með hlutlægum hætti, vera
hófstilltur í dómum og pakka neikvæðum athugasemdum inn í vin-
samleg og uppörvandi ummæli. Jafnframt skaut hann inn brotum af
sinni víðtæku þekkingu og vísaði til lítt þekktra tónlistartegunda og
tónlistarmanna eins og hann væri að tala um eitthvað sem allir
þekktu. Ennfremur tók hann gjarnan fram að hann hefði sérstakan
smekk en leitaðist við að láta hann ekki þvælast fyrir dómum um
ólíka tónlist. Hann notaði af og til slangur úr rokki en skrifaði þó
mestmegnis skýran og tilgerðarlausan texta. Þegar plötudómar
Árna, yfirlitsgreinar hans og fréttir eru lesnar í samhengi birtist
mynd af gagnrýnanda sem telur sig þess umkominn að dæma ólíkar
tegundir tónlistar af þekkingu og sanngirni. Myndin er trúverðug og
Árna tókst á þennan hátt að stilla sér með fullri kurteisi á hærri stall
en nokkur gagnrýnandi hafði áður gert (nema þá helst Jónatan
Garðarsson).
Á Þjóðviljanum ríkti meiri óstýrileiki. Ungur háskólanemi,
Ævar Orn Jósepsson, sá um poppskrif ásamt Andreu Jónsdóttur
árin 1987-1989 og naut þess að hleypa skáldfáknum á skeið í
dómum sínum, hvergi smeykur um þá sem urðu fyrir klárnum. Sem
dæmi um þennan stíl má taka dóm Ævars um plötu Bjarna Tryggva-
sonar:
Oooooohhhhhhhhhh. Ááááááááá. Æi. Óó. Ái. Aaaaaaaaaaahhhhh. Gvuu-
uuuuuð. Hjálpi mér. Á ááá áæóæáóíáó. Ohhhhh. Þrautir kvalir pína
myrkur stormur öskur og óp. Mikið hræðilega hlýtur að vera erfitt að vera
Bjarni Tryggvason. (Ævar Örn Jósepsson 1987)
Dóminum um Bj arna lauk Ævar svo með orðunum: „... en hann er
nú ábyggilega ágætis drengur." Þessi Bjarna-dómur er ýkt dæmi um
stíl Ævars sem stakk þó gjarnan á hinum ýmsu kýlum poppsins.
Um 1990 breyttist langvarandi uppdráttarsýki íslenskra dag-
blaða í dauðastríð. Eftir langvarandi og vaxandi hallarekstur lagði
Þjóðviljinn upp laupana í ársbyrjun 1992, en Alþýðublaðið og Tím-
inn börðust við blaðadauðann fram eftir áratugnum. Á lokaspretti
Þjóðviljans 1991-1992 var Gunnar L. Hjálmarsson (f. 1965, síðar
nefndur Dr. Gunni) helsti poppskríbent blaðsins, en hann átti þá
að baki nær áratugar spilamennsku í S/h Draumi og Bless, útgáfu og