Skírnir - 01.04.2014, Side 203

SKÍRNIR
SKIPTIR DÆGURTÓNLIST MÁLI ?
201
L. Hjálmarsson og fleiri gagnrýnendur fóðrað forvitnina með
upplýstri umfjöllun og ábendingum um sprota sem leyndust í bíl-
skúrum landsmanna. Þeir áttu þannig talsverðan þátt í því að í kjöl-
far Sykurmolanna reis almennari Smekkleysubylgja og síðan hver
bylgjan á fætur annarri. Gagnrýni þeirra átti líka sinn þátt í því að
það var tekið mark á þessari bylgju langt út fyrir raðir áhugamanna
um popp og rokk. Hún öðlaðist viðurkenningu í heimi menning-
arinnar, eins og birtist skýrt þegar menningarmálaráðherra Frakk-
lands, Jacques Lang, kom í opinbera heimsókn til Islands og óskaði
sérstaklega eftir því að fá tækifæri til að sjá og heyra Sykurmolana
— sem hann fékk í Duus-húsi í fylgd forsetanna Mitterand og Vig-
dísar.
Poppgagnrýni hefur átt ríkan þátt í því að dægurtónlist hefur
öðlast viðurkenningu sem menning. Frumkvöðlum eins og Benedikt
Viggóssyni tókst að slá því föstu að fjalla ætti af alvöru um gæði,
skemmtanagildi og félagslega skírskotun dægurtónlistar. Síðan
deildu menn um það hvort áherslu bæri að leggja á skemmtanagildi
eða félagslega skírskotun en forsenda beggja viðhorfa var sú að dæg-
urtónlist skipti máli. Það hefur smám saman komið á daginn að í
tónlist ungmenna má skynja hjartslátt menningar þeirra á hverjum
tíma og er lykilframlag hennar til að endurnýja menningu og sam-
félag. Það hefur einnig orðið ljóst að poppgagnrýni getur lært af
gagnrýni í öðrum greinum menningar en hefur um leið sýnt fram á
eigin tilverugrundvöll í því að dægurtónlist er sjálfstæð grein menn-
ingarinnar með eigin gildi og eigin mælikvarða.
Þessa þræði mætti spinna mun lengra en hér skal látið nægja að
svara þeirri spurningu játandi sem borin var upp í heiti þessarar
greinar: Dægurtónlist skiptir máli og poppgagnrýnendur hafa gegnt
mikilvægu hlutverki við að orða og greina framlag hennar.