Ljósmæðrablaðið - 01.07.2011, Blaðsíða 63

63júlí 2011 • Ljósmæðrablaðið
þessari og er það einlæg von okkar sem
tókum þátt að þetta samstarf muni halda
sem lengst og styrkir fáist til að halda ráð-
stefnur af þessu tagi og þær fái að þróast og
vera árlegur viðburður.
Eftir hádegi vorum við formlega útskrif-
aðar af skólastjóranum Inese Bunga sem
færði hverri og einni útskriftarskjal ásamt
mjólkursúkkulaði og óskaði okkur góðrar
heimferðar. Sælar og glaðar örkuðum við út
í góða veðrið ásamt Ólöfu Ástu, Helgu og
Önnu Siggu. Trítlað var um gamla bæinn og
kíkt í búðir og sölubása. Um kvöldið fengum
við okkur svo hið langþráða sushi sem
okkur hafði dreymt um alla ferðina. Ekki
urðum við fyrir vonbrigðum þar frekar enn
á öðrum veitingastöðum sem við prufuðum
í þessari ferð. Við nutum kvöldstundarinnar
því heimferðin var eldsnemma að morgni og
býsna löng. Allar erum við reynslunni ríkari
og þakklátar fyrir að hafa fengið þetta frá-
bæra tækifæri til að kynnast ljósmæðrum og
nemum í nágrannaríkjum okkar og hlustað
á áhugaverð erindi sem styrkja okkur í leik
og starfi en auk þess höfum við enn betur
lært að meta þá aðstöðu sem við búum við
hér á landi.
Nemar á fyrsta ári í ljósmóðurfræði veturinn
2010-2011
Edda Sveinsdóttir
Jóna Björk Indriðadóttir
Signý Dóra Harðardóttir
velja réttan lækni og borga undir borðið en
það var gjarnan þannig með flesta sjúkra-
þjónustu í Eystrasaltslöndunum. Til dæmis
gastu fengið þjónustu ljósmóður gegnum
alla fæðinguna fyrir ákveðið verð en ef þú
hefur ekki efni á því þá hittir þú bara ljós-
móður á 2. stigi fæðingarinnar.
Um kvöldið var okkur boðið í heljar-
innar partý í skólanum. Virkilega flott og vel
undirbúið með alls kyns leikjum og sprelli.
Til dæmis fórum víð í býsna hressilegan
og skemmtilegan „actionary“ leik þar sem
okkur var skipt í hópa og ein úr hópnum átti
að leika ýmis ljósmæðrahugtök. Skemmti-
legast var að fylgjast með Helle Juel Johan-
sen, danskri ljósmóður sem starfar í Nuuk
í Grænlandi, leika Apgar 0! Dásamlegt
kvöld þar sem ný vináttubönd voru tryggð
og mættu allir brosandi í morgunmat að
morgni föstudags.
Síðasta daginn flutti Eva Persson frá
Lundi erindi um þátttöku feðra í barneignar-
ferlinu og kynnti aðferðir til meta umönnun
við þá. Hún sagði okkur frá einstaklega góðu
foreldrafríi sem eru 480 dagar sem skiptast
jafnt milli beggja foreldra en annað þeirra
getur nýtt sér allan tíma umfram fyrstu 60
dagana.
Við ráðstefnuslitin kom fram almenna
ánægja meðal allra þátttakenda. Almennt
fannst bæði nemum og ljósmæðrum dag-
skráin hafa lærdómsríkt gildi og að þessi
reynsla væri eflandi og að samstarf ljós-
mæðra á Norður- og Eystrasaltslöndum væri
mjög mikilvægt. Þótt námsumhverfið og
kröfurnar séu mismunandi lærum við allar
eitthvað nýtt og áhugavert á ráðstefnu sem
annalegar og búnar tækjum sem flest voru
orðin nokkuð gömul og slitin. Húsnæðið var
þó að einhverju leiti í enduruppbyggingu
sem enn hafði ekki náð inn á fæðingastof-
urnar. Þó mátti sjá þar nýleg og hugguleg
fæðingarúm en stoðir voru ávallt á þeim og
yfirleitt notaðar í fæðingum. Spítalinn stát-
aði sig af notalegum fjölskylduherbergjum
sem voru mjög vinsæl og fyrir þau þurfti að
borga sérstakt gjald. Hins vegar var hægt að
liggja sængurlegu án kostnaðar á þriggja
manna stofum. Hver fjölskylduherbergja-
gangur saman stóð af 26 herbergjum og ein
ljósmóðir ásamt einum hjúkrunarfræðingi
voru á vakt í sólarhring í senn.
Á fjórða ráðstefnudegi var umræða um
fóstureyðingar og flutti Britt-Marie Halldén
frá Svíþjóð tvö erindi sem byggja á doktors-
rannsókn hennar, annars vegar um upplifun
ungra kvenna og karla af fóstureyðingum
snemma á meðgöngu og hins vegar um
reynslu ljósmæðra í umönnun unglings-
stúlkna sem fara í fóstureyðingu. Mjög
áhugaverðir fyrirlestrar og feykilega góðar
umræður í hópunum þar sem tíðni fóstur-
eyðinga ásamt lögum um fóstureyðingar í
mismunandi löndum voru rædd. Það kom
okkur Íslendingunum á óvart að við erum
langt frá því að vera þar fremst í flokki eins
og fjölmiðlum er tíðrætt um en við vorum
með þriðju lægstu tíðnina af Norðurlöndun-
um og Eystrasaltsþjóðunum en Færeyingar
eru með lang lægstu tíðnina. Þar í landi eru
fóstureyðingar ólöglegar nema ef um fóstur-
galla er að ræða. Fulltrúi Færeyinga sagði
okkur þó að feður færu gjarnan með dætur
sínar til Danmerkur í fóstureyðingu en lík-
lega skekkir það tölfræðina á einhvern hátt.
Í Lettlandi er hægt að koma inn af götunni
og óska eftir fóstureyðingu en fyrir hana
þarf að greiða um 15.000 krónur. Í Litháen
getur þú fengið fóstureyðingu með því að
Slakað á í góða veðrinu.
Anna Sigga og Edda í góðum gír.