Tímarit Máls og menningar - 01.09.2010, Blaðsíða 30

P é t u r H . Á r m a n n s s o n o g S i l j a Tr a u s t a d ó t t i r
30 TMM 2010 · 3
Kristjánsson (1885–1952) nam ungur trésmíði á Akureyri og stundaði
nám við Den kongelige norske Kunst­ og Håndverkskole í Osló á
árunum 1910–1912. Árið 1914 hlaut hann styrk frá Alþingi til þess
að leiðbeina bændum um húsagerð, einkum byggingu bæjarhúsa úr
steinsteypu. Hann var forstöðumaður Teiknistofu landbúnaðarins á
árunum 1930–1937 og eftir það starfsmaður Búnaðarbanka Íslands.
Jóhann teiknaði fjölda steinsteyptra húsa í sveitum landsins á árunum
1914–1940. Meðal kunnustu verka hans eru aðalbygging Héraðsskólans
að Laugum í Reykjadal, S­Þingeyjarsýslu (1923), Húsmæðraskólinn
á Hallormsstað (1929) og Skálatún í Mosfellsbæ (um 1947). Öll eru
þessi hús með þremur burstum, en þannig var einmitt sú tillaga að
Skriðuklausturshúsinu sem varðveist hefur í bréfasafni Gunnars Gunn­
arssonar. Mögulega hafa tengsl Gunnars við ábúendur á Hallormsstað
valdið því að hann leitaði til Jóhanns með ráðgjöf, enda höfðu fáir
aðrir meiri reynslu af því að byggja steinhús í sveit á Íslandi. Varðveist
hafa tvær útlitsteikningar Jóhanns af íbúðarhúsi á Skriðuklaustri með
þremur burstum, sem samkvæmt bréfum Gunnars virðast ekki hafa
borist honum fyrr en nokkru eftir áramótin 1938–1939.19
Um þetta leyti fékk Fritz Höger staðfest að byggingaráform Gunnars
Útlitsteikning Jóhanns Fr. Kristjánssonar af íbúðarhúsi á Skriðuklaustri.