Heimsmynd - 01.10.1992, Side 14

4
^ ^ 'fH ^ C %' íl ^ ^ \ ^ J
Hið óborganlega par: Steinunn Ólína og Jóhann í
hlutverkum Elísu ogprófessorsins.
JÓLASMELLUR
ÞJÓÐLEIKHÚSSINS
Henrý og Elísa ganga aftur á fjölum
Þjóðleikhússins Jólaleikrit Þjóðleikhússins
verður að þessu sinni söngleikurinn My Fair
Lady en æfingar hefjast nú í október og áætlað
er að frumsýna á annan í jólum. Leikritið var
áður sýnt í Þjóðleikhúsinu fyrir þrjátíu árum. I
aðalhlutverkum verða Jóhann Sigurðarson
leikari og söngvari og Steinunn Ólína
Þorsteinsdóttir en þau fóru sem kunnugt er
einnig með aðalhlutverkin saman í Söngvaseið
sem Þjóðleikhúsið sýndi fyrir tæplega tveimur
árum í leikstjórn Benedikts Arnasonar.
Guðjón Pedersen
Þríeykið Hafliði Arngrímsson, Guðjón Pedersen og Grétar Reynisson, sem hlaut
Menningarverðlaun DV í fýrra fyrir túlkun sína á Rómeó og Júlíu á fjölum Þjóðleikhússins mun
láta ljós sitt skína í Borgarleikhúsinu í vetur, nú með uppfærslu á leikritinu, Strœtið eftir Jim
Cartwright og er áætlað að frumsýna 8. október í Smíðaverkstæði Þjóðleikhússins. í samtali við
HEIMSMYND sagði Guðjón Pedersen: „í leikritinu fær áhorfandinn að skyggnast inn í líf íbúa
í fátæktarhverfi á Norður-Bretlandi þar sem mikið atvinnuleysi og vonleysi er ríkjandi en höfund-
ur leikritsins, Jim Cartwright, er einmitt alinn upp í Lancashire. Það er sögumaður sem leikinn er
af Ingvari E. Sigurðssyni sem leiðir áhorfandann um skuggaveröld hverfisins og áhorfandinn fær
innsýn í gleði, sorgir og mannlega niðurlægingu þeirra sem þar búa. Leikritið er ekki neinn
félagsmálapakki. Höfundur gæðir persónurnar lífi og gefur þeim öllum von, síðast en ekki síst
dregur hann upp fyndnar hliðar á þessu sérstæða samfélagi og það er ekki síst kímnigáfan sem þarf
að skila sér í uppfærslunni annars hefur okkur mistekist.“
Nú hefúr þetta verk verið sýnt mjög víða við góðar undirtektír. Mega áhorfendur eiga von á að
þið þrír sem hafið skapað ykkur sérstakan leikhússtíl farið nýjar leiðir í þessari uppfærslu?
„I öllum uppfærslum er að sjálfsögðu sterkur samnefnari eða rauður þráður en ég held að verkið
bjóði upp á það að hver fari sínar eigin leiðir þannig að ég held að ég verði að svara þessu játandi."
Nú fjallar þetta leikrit eins og áður er sagt um kreppu, niðurlægingu og vonleysi; er það
valið með hliðsjón af þjóðfélagsástandinu, einskonar tilbrigði við söngleikjastef leikhús-
anna sem einnig hefúr verið kennt við kreppu?
„Þjóðfélagið er að taka gífurlegum breytingum frá því jafna og stöðuga ástandi sem hefur verið
ríkjandi nú til fjöldamargra ára og það kreppir að hjá öllum, ekki síst hjá leikhúsfólki en við erum
ekki undanþegin þeirri staðreynd að það er erfitt að láta enda ná saman. Þá er gaman að hugsa um
fólk sem þekkir kreppu og samdrátt ekki síst ef það fæðist í fátækt. En þetta verk er þó ekki raun-
sæisverk í hefðbundnum skilningi sem er afskaplega þungur í vöfum. Þetta leikrit sýnir skoplegri
hliðina á málinu líka.“
Fegursta sýning veraldar
Þeir sem eiga leið til New York á næstu mánuðum ættu að huga
að sýningu á verkum Henri Matisse sem stendur til 12. janúar,
1993 í Museum of Modern Art. Þarna eru til sýnis yfir 400
verk, þar af 275 málverk, 50 klippimyndir, höggmyndir og
teikningar meistarans en þessi sýning er einstök og fer ekki víðar.
Henri Matisse (1869-1954) er einn af merkustu málurum 20.
aldarinnar og frumkvöðull fauvismans (1905) en Jón Stefánsson
var nemandi hans. Matisse hefur stundum verið nefndur lífs-
nautnamaður nútímamyndlistar. En mikil þversögn þótti
einkenna smáborgaralegt líf hans annars vegar og hina litríku,
stórkostlegu list hins vegar. Listfræðingurinn Flam heldur því
fram að Matisse hafi átt í nánu sambandi við fyrirsætur sínar og
verkin endurspegli djúpar ástríður. Sýningin í MoMA er sú
viðamesta sem haldin hefur verið á verkum Matisse, sem
Newsweek segir að hafi málað á sama hátt og Guð skapaði
blómin.
Hjákona og magnolíublóm, 1924. Náið samband?
HEIMS
14
MYND