Tímarit hjúkrunarfræðinga - 2017, Blaðsíða 13

„það á engin fagstétt hugmyndafræði núvitundar“
tímarit hjúkrunarfræðinga • 3. tbl. 93. árg. 2017 13
áhættumat þyrfti að eiga sér stað. Sem dæmi má nefna að ef einstaklingur hefði orðið
fyrir miklum sálrænum áföllum gæti núvitundarmeðferð haft neikvæð áhrif á líðan
viðkomandi og jafnvel í versta falli orsakað geðrof.
Gott verkfæri í verkfæratöskuna
Í lokin leiddi gísli þátttakendur í tvær núvitundarhugleiðslur og studdist við eigin
myndbandsupptökur. allur hópurinn ásamt gísla sat með lokuð augun og beindi
sjónum inn á við að morgni fimmtudagsins 28. september á annarri hæð hótel nor-
dica. Það var líkt og tíminn stæði í stað, viðstaddir nutu augnabliksins og fundu á eigin
núvitundarvöðva að þarna væri komið gott verkfæri í verkfæratöskuna sem hægt er
að grípa til til að takast á við streitu og kulnun og efla eigin stjórnrót. En iðkendur
uppskera eins og þeir sá. Eftir því sem núvitund er iðkuð reglulegar því hjálplegri reyn-
ist hún.
Erindi gísla var gagnlegt, skemmtilegt og valdeflandi. Sá hjúkrunarfræðingur, sem
þetta ritar, þekkir vel til núvitundar sem meðferðar fyrir skjólstæðinga og nýtir sér
hana einnig daglega. gísli efldi bæði kjark og hugmyndir þátttakenda um fagmennsku
hjúkrunar þegar hann sýndi fram á að hugmyndafræði er ekki eign neinna ákveðinna
fagstétta. Við hjúkrunarfræðingar getum og eigum að nýta okkur núvitund, bæði í
meðferðarlegum tilgangi fyrir skjólstæðinga okkar og til að styrkja okkar eigin stjórn-
rót, sporna við kulnun og streitu.
Heimildir
kristofersson, g.k. (2012). The effects of mindfulness based intervention on impulsivity, symptoms of de-
pression, anxiety, experinces and quality of life of persons suffering from substance use disorders and
traumatic brain injury. Doktorsritgerð. Minneapolis, Minnesota: university of Minnesota.
Sandemose, a. (1933). En flyktning krysser sitt spor. Ósló: aschehoug.
Núvitund gerir hjúkrunarfræðingum einnig kleift að vera meira til
staðar — vera hér og nú í augnablikinu — og það leiðir til þess að
skjólstæðingar þeirra, aðstandendur og samstarfsfólk finna sterkar
fyrir nærveru þeirra. Hjúkrunarfræðingarnir eru nær þeim af því
þeir gefa sér tíma til að vera viðstaddir.