Tímarit hjúkrunarfræðinga - 2017, Blaðsíða 24

Halldóra Bjarnadóttir hjúkrunarfræðingur er alsæl nýkomin á eftir-
laun. Hún er langt frá því að vera sest í helgan stein en um þessar
mundir er hún í óða önn að undirbúa opnun gistiheimilis í húsi
þeirra hjóna. Þess á milli undirbýr hún fyrirlestra um kynlíf sem hún
heldur reglulega fyrir hópa með kynningu á unaðstækjum sem hún
sjálf flytur inn og geta áhugasamir kynnt sér vörurnar hennar á
vefsíðu hennar, halldorabjarna.is. Hún hef vanið sig á að grípa tæki-
færin sem henni bjóðast og hún sér því ekki eftir neinu.
24 tímarit hjúkrunarfræðinga • 3. tbl. 93. árg. 2017
Setið fyrir svörum …
Halldóra Bjarnadóttir hjúkrunarfræðingur.
Fullkomin hamingja er? heilbrigð og samheldin fjöl-
skylda. Hvað hræðist þú mest? að keyra yfir óbrúuð vatns-
föll. Fyrirmyndin? jákvæðir, framsýnir frumkvöðlar bæði
karlkyns og kvenkyns og þar á meðal er mamma mín
heitin, helga jónsdóttir. Eftirlætismáltækið? allt er fer-
tugum fært, það sem fertugur getur gerir sextugur betur.
Hver er þinn helsti kostur? Lífsgleði og bjartsýni. Hvað
vildirðu verða þegar þú varst ung? hjúkrunarfræðingur,
flugfreyja og lögfræðingur. Eftirlætismaturinn? ind-
verskur. Hvaða löst áttu erfiðast með að þola í fari ann-
arra? undirferli og óheiðarleika. Hverju ertu stoltust af að
hafa áorkað? að hafa skipulagt og opnað bæklunardeild
fSa og rekið hana fyrstu þrjú árin. að hafa náð í gegn tób-
aksvarnalögunum sem enn eru í gildi meðan ég var
formaður tóbaksvarnanefndar Íslands. Þessi lög breyttu
svo um munaði umhverfi reyklausra einstaklinga og lík-
lega eru þau grunnur að milljarða sparnaði í heilbrigðis-
kerfinu til framtíðar. Eftirminnilegasta ferðalagið? Til
kúbu 2002. Ofmetnasta dyggðin? Dugnaður sem keyrir
alltof marga á vegg. Hver er þinn helsti löstur? Þegar at-
hyglisbresturinn ber mig ofurliði. Hverjum dáist þú mest
að? Barnabörnunum mínum fimm. Eftirlætishöfundur-
inn? jim rohn. Ofnotaðasta orðið eða orðatiltækið? „Snill-
ingur“ sem fólk notar í tíma og ótíma. Mesta eftirsjáin? Ég
hef vanið mig á að grípa tækifærin sem mér bjóðast og sé
því ekki eftir neinu. Eftirlætisleikfangið? hryssan mín hún
Sól glóðafeykisdóttir. Stóra ástin í lífinu? atli minn og
strákarnir mínir tveir, Bjarni og guðlaugur. Hvaða eigin-
leika vildirðu helst hafa? Ég gæti bætt á mig meiri þolin -
mæði. Þitt helsta afrek? Synir mínir, Bjarni og guð -
laugur atlasynir. Eftirlætisdýrið? Íslenski fjárhundurinn
sem ég ræktaði í 35 ár. Hvar vildir þú helst búa? Á Spáni.
Hvað er skemmtilegast? Tína bláber og aðalbláber í fallegu
veðri. Hvað eiginleika metur þú mest í fari vina? Einlægni
og traust. Eftirlætiskvikmyndin? Leyndarmálið. Markmið
í lífinu? fjárhagslegt sjálfstæði og heilbrigði. Að lokum? Ég
er óendanlega þakklát fyrir það að hafa haldið mig við 95
ára regluna þrátt fyrir gylliboð um það hversu miklu hærri
eftirlaun yrðu í a-sjóðnum. Það gaf mér tækifæri til að
ganga út þegar okkur hjúkrunarfræðingum var gróflega
mismunað í samningum. Það var samið við lækna og
settur kjaradómur á okkur. Þetta var ekki gert einu sinni
heldur tvisvar þegar samið var aftur við lækna og fram-
lengdur kjaradómur á okkur. Á þessum tímapunkti tók ég
ákvörðun að ganga út um leið og ég gæti og gerði það 1.
júlí 2017.