Tímarit hjúkrunarfræðinga - 2017, Blaðsíða 56
Kynning á Sóltúni
fyrsti höfundur þessara greinar er djákni. hann gegndi því starfi á Sóltúni frá árinu
2002 til ársins 2017. Í upphafi voru djáknarnir á Sóltúni þrír í 50% starfi hver. frá 2005
var höfundur eini djákninn í 100% starfi.
Á Sóltúni er mikil áhersla lögð á að veita góða fjölskyldu- og líknarhjúkrun með
virkum stuðningi við íbúa og aðstandendur. heildræn hjúkrun felur í sér að tekið sé
tillit til líkamlegra, sálfélagslegra og andlegra þarfa, gildismats, trúarþarfar og menn-
ingar.
Í hugmyndafræði Sóltúns er umhyggja fyrir íbúunum í öndvegi og sjálfræði sérhvers
einstaklings er virt í allri umönnun. hversdagsverkin og samvera eru verkefnin á
hverju sambýli og lögð er áhersla á þátttöku íbúa og aðstandenda þeirra eftir getu, vilja
og óskum hvers og eins. Starf heimilisins grundvallast á hugmyndum sem tryggja
íbúum bestu þjónustu sem í boði er. Markmiðið er að hjúkrun og önnur þjónusta sé
veitt á faglegan og ábyrgan hátt en einnig að auka og viðhalda sjálfsbjargargetu íbúanna
og getu þeirra til að laga sig að breyttum aðstæðum. Öryggi íbúa og vellíðan er í for-
gangi ásamt því að viðhalda sjálfsmynd þeirra og sjálfsvirðingu þrátt fyrir hrakandi
heilsu og færnitap. hjúkrunin byggist á hjúkrunarfræðikenningum, reynslu og þeirri
umgjörð sem innri og ytri aðstæður setja heimilinu (Sóltún, 2017).
Sóltúnshugmyndafræðin byggist meðal annars á kenningum hjúkrunarfræðing-
anna florence nightingale, Dorotheu Orem og systur Callistu roy og hjúkrunarheim-
spekingsins Merry Scheel. jafnframt styðst heimilið við kenningar Toms kitwood,
sem er sérstaklega miðuð að þörfum fólks með heilabilun, og lífsneistakenningu jane
Verity um gleðina í daglega lífinu (Sóltún, 2017).
jón jóhannsson og júlíana sigurveig guðjónsdóttir
56 tímarit hjúkrunarfræðinga • 3. tbl. 93. árg. 2017
Í hugmyndafræði Sóltúns er umhyggja fyrir íbúunum í öndvegi og
sjálfræði sérhvers einstaklings er virt í allri umönnun. Hversdags-
verkin og samvera eru verkefnin á hverju sambýli og lögð er áhersla
á þátttöku íbúa og aðstandenda þeirra eftir getu, vilja og óskum
hvers og eins.