Morgunblaðið - 12.12.2019, Síða 76

76 MENNING
MORGUNBLAÐIÐ FIMMTUDAGUR 12. DESEMBER 2019
35 cm verð 139.000,-
50 cm verð 209.000,-
70 cm verð 299.000,-
Atollo
Vico Magistretti 1977
Skeifunni 8 | Sími 588 0640 | casa.is
Þrjú alþjóðleg söngvaskáld halda
tónleika saman í kvöld, 12. desem-
ber, í Kornhlöðunni. Eru það
söngvaskáldin Sandrayati Fay,
Hanna Mía Brekkan og Jelena
Ciric sem kynntust á liðnu hausti í
Reykjavík og eiga rætur að rekja
til margra landa, m.a. Indónesíu,
Serbíu og Svíþjóðar. Konurnar
þrjár uppgötvuðu fljótt að þær
væru allar að vinna að sólóplötum
og fóru að veita hver annarri fé-
lagsskap og hvatningu, eins og
segir í tilkynningu. Þær munu í
kvöld flytja í sameiningu lög sem
þær höfðu áður aðeins unnið að
hver í sínu lagi, eins og segir í til-
kynningu. Sandrayati Fay á ættir
að rekja til Filippseyja, Bandaríkj-
anna og Írlands en ólst upp á
Indónesíu þar sem hún er þekkt
tónlistarkona. Hún kom til Íslands
til að vinna í sinni fyrstu breiðskífu
og mun einnig koma fram í fyrsta
sinn í Hörpu á Þorláksmessu-
tónleikum Bubba Morthens, skv.
tilkynningu. Hanna Mía Brekkan
kemur fram undir listamannsnafn-
inu Mill. Hún fluttist heim til Ís-
lands fyrir þremur árum eftir að
hafa eytt stórum hluta lífs síns í
Svíþjóð. Í júní 2019 lauk hún verk-
efni sínu Song a Day þar sem hún
skrifaði og deildi einu lagi á hverj-
um einasta dagi í heilt ár. Hún
stundar nám í tónsmíðum við
Listaháskóla Íslands. Jelena Ciric
fæddist í Serbíu en hafði búið í
fjórum löndum áður en hún fluttist
til Íslands árið 2016. Hún býr í
Reykjavík þar sem hún kemur
fram með sína eigin tónlist ásamt
því að stýra kórnum og listahópn-
um Kliði. Hún er með meistara-
gráðu í samtímatónlist frá Berklee
College of Music.
Í jólaskapi Söngvaskáldin Hanna Mía, Jelena og Sandrayati koma fram í Kornhlöðunni.
Söngvar frá Svíþjóð, Serbíu og Balí
Tónlist Ástu er full nándarog nærveru.“ Það er þaðfyrsta sem ég hugsa í allrafyrsta skipti sem ég renni
plötunni Sykurbað í heyrnartólum.
Hljóðblöndun og áferð plötunnar
undirstrika það, og við heyrum and-
ardrátt, hvísl og tilfinningaríkan
söng og spilamennsku, rétt eins og
hlustandinn sitji við hlið Ástu í
þægilegum sófa meðan stormurinn
geisar fyrir utan
gluggann. Rödd
hennar hljómar
hátíðlega og það
passar við þá
stemningu sem
finna má í tón-
smíðum hennar
og endurspeglast svo í textunum.
Yrkisefnin virðast svo sem ekkert
sérstök í fyrstu, það er hversdags-
líf, gönguferðir, söknuður, ástar-
sorg, vanlíðan, heimspekilegar
vangaveltur, nokkuð sem margir
listamenn hafa velt fyrir sér áður.
Það er hins vegar nálgun Ástu á
viðfangsefnum sínum sem er öðru-
vísi. Hún lifir sig inn í flutninginn
sem skilar sér í afar tilfinninga-
ríkum söng og gítarleik. Textar
hennar koma aftan að manni. Hún
klökknar. Hún andar. Hún leyfir
sér að vera viðkvæm og það verður
styrkur hennar.
Það er freistandi að líkja Ástu við
kanadíska trúbadorinn Leonard Co-
hen, sem einnig gaf út ljóðrænar
plötur með klassískum gítarleik, en
það væri fullmikil einföldun. Tónlist
og textagerð Ástu eru mun líkari
ástralska tónlistarmanninum Nick
Cave, sem vílar ekki fyrir sér að
mála hættulegar og drungalegar
myndir í sína texta, þar sem alvöru-
tilfinningar eru á ferð þótt sumar
hverjar séu kaldranalegar.
Platan hefst á forspili og „Hugs-
anasund“ er fyrsta eiginlega lagið.
Strax í því finnur maður þessa und-
arlegu blöndu af viðkvæmni og
hörku, sem er einmitt sú sama og
ég hef fundið hjá Cave. Meira að
segja í glaðlegri lögum plötunnar er
eins og heimurinn haldi í sér and-
anum því eitthvað hræðilegt sé um
það bil að fara að gerast. Þessi
dramatík er alls ekki slæm sem slík
og nánast eins og hún sé ákveðið
stílbragð enda helst hún nánast
óslitin út plötuna. „Hjartastrengir“
framkalla fyrstu gæsahúðina og
þær verða nokkrar þar til yfir lýk-
ur. Titillagið er grípandi og skær
röddin þar myndar óvænt mótvægi
við næsta lag, „Dómhildi dýja-
veisu“, þar sem röddin er dýpri og
hættulegri. Lögin taka við, eitt af
öðru, og alltaf held ég að þetta sé
besta lag plötunnar, en svo leynist
eitt sem mér finnst betra. Í dag er
það „Hvít lygi“ og „Tár og hor“, í
gær var það „Segulsvið“ og „Fimm-
mánaðablús“. Það er augljóst á
þessum skrifum að þarna er virki-
lega vel heppnuð plata á ferð og
alvörulúxusvandamál að geta ekki
valið sér uppáhaldslag, því lögin eru
öll svo góð.
Ég man ekki hvenær það var, svo
langt er síðan, að ég varð jafn upp-
numin við að hlusta á frumraun ís-
lensks listamanns, en Sykurbað er
það allra fyrsta sem Ásta Kristín
Pjetursdóttir gefur út. Jú, ég mundi
auðvitað eftir henni úr síðustu Mús-
íktilraunum, þar sem hún landaði
bæði þriðja sætinu og sérstakri við-
urkenningu fyrir íslenska texta-
gerð. Það sem ég vissi hins vegar
ekki þá var að einungis nokkrum
mánuðum síðar myndi hún taka upp
breiðskífu í fullri lengd með frum-
sömdum lögum og textum þar sem
varla er að finna nokkurn veikan
blett. Það besta er þó að platan
bara vex og vex við hverja hlustun.
Hættulegar myndir
Geisladiskur
Ásta – Sykurbað bbbbb
Nýútkominn geisladiskur Ástu Kristínar
Pjetursdóttur, Sykurbað. 15 lög, 59.59
mínútur.
Lög og textar: Ásta Kristín Pjetursdóttir
Söngur og gítar: Ásta Kristín
Hljóðritun: Sigurður Bjóla og Einar
Vilberg
Hljóðblöndun og tónjöfnun: Sigurður
Bjóla
Hljóðritað í Örbylgjustöðinni á Stokks-
eyri og Stúdíó Hljóðverki í Reykjavík, í
ágúst-september 2019
Hönnun umslags: Una Baldvinsdóttir
Ljósmynd framan á umslagi: Helgi
Rúnar Bergsson
RAGNHEIÐUR
EIRÍKSDÓTTIR
TÓNLIST
Ásta Kristín „Ég man ekki hvenær það var […] að ég varð jafn uppnumin
við að hlusta á frumraun íslensks listamanns,“ skrifar gagnrýnandinn.
Hin árlegu bók-
menntaverðlaun
starfsfólks bóka-
verslana voru af-
hent í bókmennta-
þættinum
Kiljunni í Ríkis-
sjónvarpinu í
gærkvöldi. Er
þetta í 20. sinn
sem verðlaunin
eru veitt. Alls bár-
ust atkvæði frá 52 bóksölum. Í fyrsta
sinn í ár voru einnig veitt verðlaun
fyrir bestu bókarkápuna.
Íslensk skáldverk
1. Svínshöfuð eftir Bergþóru
Snæbjörnsdóttur
2. Aðferðir til að lifa af eftir Guðrúnu
Evu Mínervudóttur
3. Korngult hár, grá augu eftir Sjón
Ljóðabækur
1. Okfruman eftir Brynju
Hjálmsdóttur
2. Leðurjakkaveður eftir Fríðu
Ísberg
3. Heimskaut eftir Gerði Kristnýju
Íslenskar ungmennabækur
1. Nornin eftir Hildi Knútsdóttur
2. Villueyjar eftir Ragnhildi Hólm-
geirsdóttur
3. Fjallaverksmiðja Íslands eftir
Kristínu Helgu Gunnarsdóttur
Íslenskar barnabækur
1. Vigdís – Bókin um fyrsta konu-
forsetann eftir Rán Flygenring
2. Kjarval – Málarinn sem fór sínar
eigin leiðir eftir Margréti
Tryggvadóttur
3-4. Rannsóknin á leyndardómum
eyðihússins eftir Snæbjörn
Arngrímsson
3-4. Draumaþjófurinn eftir Gunnar
Helgason
Fræðibækur/Handbækur
1. Um tímann og vatnið eftir Andra
Snæ Magnason
2. Síldarárin 1867-1969 eftir Pál Bald-
vin Baldvinsson
3-4. Lífgrös og leyndir dómar eftir
Ólínu Kjerúlf Þorvarðardóttur
3-4. Listin að vefa eftir Ragnheiði
Björk Þórsdóttur
Ævisögur
1. Jakobína – Saga skálds og konu
eftir Sigríði Kristínu Þorgrímsdóttur
2. Undir fána lýðveldisins eftir
Hallgrím Hallgrímsson
3. Án filters eftir Björgvin Pál
Gústavsson og Sölva Tryggvason
Þýdd skáldverk
1. Glæpur við fæðingu eftir Trevor
Noah
2. Kona í hvarfpunkti eftir Nawal el
Saadawi
3. Hnitmiðuð kínversk-ensk orðabók
fyrir elskendur eftir Xiaolu Guo
Þýddar barnabækur
1. Slæmur pabbi eftir David
Walliams
2. Handbók fyrir ofurhetjur –
Vargarnir koma eftir Elias og Agnes
Vahlund
3. Snjósystirin eftir Maja Lunde
Besta bókarkápan
1. Kærastinn er rjóður eftir Kristínu
Eiríksdóttur sem Halla Sigga hann-
aði
2. Hunangsveiði eftir Soffíu Bjarna-
dóttur sem Helga Gerður Magnús-
dóttir hannaði
3. Eilífðarnón eftir Ástu Fanneyju
Sigurðardóttur sem Luke Allan
hannaði
Svínshöfuð besta íslenska skáldsagan
Bergþóra
Snæbjörnsdóttir
Sýning Bjarna
Sigurbjörns-
sonar og Har-
aldar Karlssonar
verður opnuð í
Galleríi 74,
Laugavegi 74, í
dag kl. 17. Bjarni
sýnir stóru verk-
in „Rót“, „Rof“
og „Los“ ásamt
öðrum minni
verkum. Haraldur sýnir nokkur
brot úr afrakstri undanfarinna
tveggja áratuga, m.a. brot úr ví́d-
eóverkinu „Innviðir heilans“.
Sýna í Galleríi 74
Bjarni
Sigurbjörnsson
Kammerkór
Reykjavíkur og
Kammerkór
Mosfellsbæjar
halda saman jóla-
tónleika í kvöld
kl. 20 í Áskirkju.
Á efnisskránni
eru vinsæl jóla-
lög eftir íslenska
og erlenda höf-
unda og jólalag eftir Sigurð Braga-
son verður frumflutt en hann er
stjórnandi Kammerkórs Reykjavík-
ur. Stjórnandi Kammerkórs Mos-
fellsbæjar er Símon H. Ívarsson.
Tveir kórar saman
Áskirkja