Læknablaðið - feb. 2020, Blaðsíða 45

LÆKNAblaðið 2020/106 97
vil biðla til Læknaráðs að leggja fleiri lóð
á þær vogarskálar en færri á þær að tala
spítalann niður.“
Ráðherra kallaði eftir þessari sam-
stöðu í kjölfar fyrirspurnar Ragnars Freys
Ingvarssonar, sérfræðings í gigtar- og lyf-
lækningum, um aðgerðir vegna neyðará-
standsins á bráðamóttökunni og þá skelf-
ingarflækju sem blasti þar við á hverjum
degi og hafi blasað við liðið ár?
Ragnar brást við þessum orðum ráð-
herrans með því að segja að hann teldi
brot á læknaeiði að benda ekki á það
ástand sem blasti við. Hann gæti ekki
gert að því að svekkjandi væri að heyra
að ástandið sé slæmt. „Það er þannig.“
Um 400 læknar starfi á Landspítala. Hún
þyrfti ekki annað en að kalla eftir góðum
ráðum. „En það væri líka gott ef einstaka
sinnum væri á okkur hlustað,“ sagði
hann. Klappaði meirihluti fundarins eftir
orð Ragnars.
Í stríði við starfsmenn
Björn Rúnar Lúðvíksson, formaður pró-
fessoraráðs Landspítala, tók undir orð
Ragnars og benti á að staða Landspítala
hafi aldrei verið jafn alvarleg.
„Ég talaði um fyrir þremur árum síðan
að mér fyndist spítalinn vera að missa
kúrsinn á góð og öflug mið og stefna á
strönd. Útlínur klettanna hafa aldrei verið
skýrari. Þetta er ekki þægileg aðstaða að
vinna í eða setja sjúklinga okkar í,“ sagði
hann. Læknar hafi komið með margvís-
lega tillögur við löggjöfina og skipuritið
sem ekki hafi verið hlustað á.
„Ég get ekki verið sammála því að
við séum ekki að koma með uppbyggi-
legar athugasemdir. Staðreyndin er sú
að útgjöld til heilbrigðismála hafa aldrei
verið eins lítið hlutfall af vergri lands-
framleiðslu og er í dag 8,3%. Það var 8,7%
þegar þú tókst við,“ sagði hann við ráð-
herrann. Þá sé ógnarstjórn á spítalanum.
„Menn eru komnir með bakið að
veggnum,“ sagði Björn Rúnar. „Búið er
að lýsa yfir stríði á hendur læknum og
hjúkrunarfólki á stofnun sem á fyrst og
fremst að standa vörð um lækningar og
hjúkrun. Þetta er alvarlegt. Ég vil benda
þér og ríkisstjórninni á að það er alvar-
legt ástand á Landspítala og þið verðið
að bæta í. Þetta snýst um fjármagn.“
Læknablaðið tók stöðuna á þeim Ragnari
og Birni eftir fundinn, sjá viðtal við þá á
bls. 88-90.
Svandís lagði áherslu á að hún væri
ekki að óska eftir ályktununum til að
styðja ráðuneytið. Hún væri að biðja um
jákvæðan slagkraft sem hægt væri að
ná saman um. „Ég tek alvarlega þegar
Læknaráð bendir á ástandið og þegar
verið er að tala um alvarlegt ástand og
neyðarástand.“

Heilbrigðisstofnun Vesturlands (HVE) óskar eftir að ráða í stöðu yfirlæknis
heilsugæslusviðs á Snæfellsnesi. Á Snæfellsnesi eru þrjár starfsstöðvar, þ.e. í
Grundarfirði, Ólafsvík og Stykkishólmi. Um nýja stöðu yfirlæknis starfsstöðvanna
þriggja er um að ræða og þarf viðkomandi að vera leiðandi í þróun og þverfaglegri
samvinnu á svæðinu.

Hæfnikröfur
 Íslenskt lækningaleyfi og
sérfræðiviðurkenning í heimilislækningum
 Starfsreynsla á sviði stjórnunar er kostur
 Frumkvæði, sjálfstæði og skipulagshæfni
 Leiðtogahæfileikar, lipurð og áreiðanleiki í
samskiptum.
 Góð íslenskukunnátta og almenn
tölvukunnátta

Helstu verkefni og ábyrgð
 Skipuleggur og samræmir læknisþjónustu
 Ber ábyrgð á starfsemi
heilsugæslustöðvanna
 Sinnir samskiptum við sjúklinga,
aðstandendur og annað
heilbrigðisstarfsfólk
 Hefur fjárhagslega ábyrgð skv.
rekstraráætlunum og sinnir skráningu og
skýrslugerð

Sótt er um á hve.is undir laus störf eða á starfatorg.is. Umsókn skal fylgja starfsferilskrá, staðfestar
upplýsingar um læknismenntun og afrit af opinberu starfsleyfi.

Nánari upplýsingar veitir Þórir Bergmundsson, thorir.bergmundsson@hve.is, 432-1310.
Eða Linda Kristjánsdóttir, linda.kristjansdottir@hve.is , 432-1430

Yfirlæknir heilsugæslusviðs
Snæfellsnesi

VIRÐING – TRAUST - FAGMENNSKA