Íslenskt mál og almenn málfræði - 01.01.2016, Síða 175

anda, og bauð þar að auki upp á léttar veitingar í samkomusal Þjóð minja -
safnsins. Dagskrá og útdrættir Rask-ráðstefnunnar eru á vef félagsins.
Félagatal
Í mars 2015 voru félagar í Íslenska málfræðifélaginu 266 talsins og hafði
sú tala lítið breyst við lok tímabils. Til viðmiðunar má nefna að þeir voru
394 talsins árið 2007. Þessa fækkun má að einhverju leyti rekja til úrsagna
héraðs- og skólabókasafna eftir hrun en einnig erlendra áskrifenda eftir
að erlenda greiðslufyrirtækið sem hafði millgöngu um greiðslur bóksafna
og félagsmanna erlendis fór á hausinn. 209 meðlimir eru á Facebook-síðu
félagsins en nöfn þeirra hafa ekki verið borin saman við nöfn þeirra sem
greiða áskriftargjald fyrir Íslenskt mál.
Kynningarmál
Sá háttur hefur verið hafður á að formaður hefur sent allar tilkynningar
um málvísindakaffi, fyrirlestra og ráðstefnur til félagsmanna í gegnum
tölvupóstlista félagsins. Þá hefur ritari afritað allar tilkynningar og birt
bæði í fréttakerfi á heimasíðu félagsins og Facebook-síðu þess. Allir
stjórn ar menn eru stjórnendur Facebook-síðunnar en aðeins formaður og
ritari hafa haft aðgang að stjórnkerfi heimasíðunnar, ásamt Bjarka M.
Karls syni. Ekki hefur verið hægt að koma fundargerðum fyrir á heima -
síðunni þar sem heimasíðan virkar ekki sem skyldi. Þá eru tenglar á eldri
fundargerðir óvirkir. Heimasíðukerfið var smíðað af Bjarka og er rekið af
honum. Fundað var með Bjarka við upphaf tímabilsins og ákveðið að
hann tæki heimasíðuna í gegn og færði hana yfir í nýrra vefumsjónarkerfi
og samþykkti stjórnin að félagið greiddi fyrir vefritil og umsýslugjald,
samtals um 13.000 kr. Engar breytingar voru gerðar á heimasíðunni á
tímabilinu. Rætt var um að setja fundargerðir undir Skrár á Facebook-
síðu félagsins eða stofna nýja WordPress-síðu sem ekki þarf að greiða
fyrir. Ákveðið var að leggja það fyrir aðalfund hvert framhaldið yrði.
Stærri atburðir, einkum fyrirlestrar og ráðstefnur, hafa verið kynntir
víðar, s.s. í viðburðadagatali Háskólans, á póstlistum skyldra félaga, á
vefsíðu Árnastofnunar o.fl. og einnig hafa verið sendar fréttatilkynningar
til helstu fjölmiðla. T.d. birtust stuttar fréttir af Rask-ráðstefnunni 2016
bæði í Fréttablaðinu og Morgunblaðinu. Málfræðifélagið aðstoðar af og
til aðra við að kynna sína viðburði og koma til skila tilkynningum sem
ætla má að eigi sérstakt erindi við félagsmenn.
Frá Íslenska málfræðifélaginu 175