Gríma - 01.09.1941, Side 81

FYRIRBURÐIR HARÐINDA
53
Á Þverá á Staðarbyggð var borinn kálfur, sem á
voru hvorki augu né eyru; var heilt skinn yfir
hvorutveggja; rófa eða hali sást enginn.
Á bæ einum á Þelamörk hreytti griðkona kú, sem
komin var að burði. Heyrði hún þá, að kálfurinn
í henni baulaði hátt þrisvar sinnum. Yarð grið-
konan flemtsfull og sagði óttaslegin frá þessum
býsnum.
Á Krossanesi í Kræklingahlíð fæddi kona barn.
Það var með réttri mannssköpun upp að mitti,
en þar fyrir ofan bar það steinbítslíkan og var
með steinbítshaus. Það snörlaði nokkuð í því í
fyrstu, en svo dó það. Héldu sumir, að þetta væri
fyrirboði stórtíðinda, en aðrir héldu, að van-
skapnaður þessi ætti aðrar orsakir. Sumarið áður
hafði kona þessi róið til fiskjar með manni sín-
um og var þá þunguð orðin. Höfðu þau dregið
steinbít, sem var illur viðureignar og hafði bitið
konuna í fótinn, en hún þá orðið mjög hrædd.