Bændablaðið - 09.06.2016, Blaðsíða 8

8 Bændablaðið | Fimmtudagur 9. júní 2016
Fréttir
Rafbílaeigendur nyðra voru
fyrstir til að hlaða bíla sína í nýju
stöðvunum en í þeim hópi eru
Óskar Þór Vilhjálmsson og Auður
Thorberg Jónasdóttir sem búa í
Eyjafjarðarsveit og sækja vinnu
til Akureyrar, 25 kílómetra leið.
Þau skiptu úr fjórhjóladrifn-
um bensínbíl yfir í Nissan Leaf,
og reyndist hann þeim vel á liðn-
um vetri. Óskar segir á vefsíðu
Akureyrarbæjar, þar sem greint er
frá nýju hraðhleðslustöðvunum,
að bíllinn sé heitur á morgnana, en
eyði vissulega meira rafmagni þegar
frostið er komið í 20 stig. Hann fagn-
ar hraðhleðslustöðvunum og segir
þær auðvelda rafbílaeigendum lífið,
einkum þeim sem fari jafnvel tvisvar
á dag til Akureyrar og í heimsókn-
ir til Dalvíkur og í Svarfaðardal.
Auk þess sem það sé mikill kostur
fyrir veskið að eiga rafbíl skipti
aðrir kostir ekki síður máli, enginn
útblástur sé frá bílunum og þeir séu
hljóðlátir.
Vistorka í rafmagnið
Vistorka er norðlenskt umhverfis-
fyrirtæki sem framleiðir umhverfis-
vænt eldsneyti með sjálfbærri
nýtingu hráefnis sem fellur til á
Eyjafjarðarsvæðinu. Fyrirtækið
framleiðir metan úr sorpi og líf-
dísil úr matarolíu, sem annars færi
til spillis. Með samstarfinu við ON
hefur fyrirtækið nú einnig haslað
sér völl á sviði rafvæðingar sam-
gangna. Vistorka er dótturfyrirtæki
Norðurorku, orku- og veitufyrirtæk-
is Akureyrarbæjar og fleiri sveitar-
félaga við Eyjafjörð.
Dýrmæt reynsla fengist
ON hefur verið í forystu við upp-
byggingu hraðhleðslustöðva fyrir
rafbíla hér á landi.
Rúm tvö ár eru síðan ON opn-
aði fyrstu hraðhleðslustöðvarnar
hér á landi. Páll Erland, fram-
kvæmdastjóri ON, segir dýrmæta
reynslu hafa fengist af rekstri þeirra.
Lagt hafi verið af stað í þetta til-
raunaverkefni fyrir tveimur árum
því félagið vilji sjá Íslendinga nýta
endurnýjanlega orku í stað innflutts
jarðefnaeldsneytis í samgöngum.
Það sé skynsamlegt bæði fyrir vesk-
ið og umhverfið.
/MÞÞ
Hinn 24. maí síðastliðinn bankaði
útigenginn lambhrútur upp á við
fjárhólf hjá lambám á bænum
Hnjúki í Skíðadal. Hann hafði
ekki skilað sér af fjalli síðastliðið
haust.
Jón Þórarinsson, bóndi á Hjúki,
segir að hrúturinn hafi sést síðast
hinn 27. október í haust þegar farið
var í eina af mörgum aukaferðum
fram á afrétt til að kíkja eftir eftir-
legukindum.
„Þá var hann með veturgamalli
móður sinni og einu aukalambi. Þá
voru þau á syðri barmi Gljúfurárgils.
Það er að meiri hluta illfært gljúfur
bæði mönnum og skepnum en þar
rennur affall Gljúfurárjökuls niður.
Hinn 30. október var svo gerður
sérstakur leiðangur af átta mönn-
um fram á afrétt til að handsama
þessar kindur ásamt nokkrum öðrum
sem sést hafði til á öðrum stöðum
á afréttinni.
Þessi hrútur sást þá hvergi og var
hann þess vegna afskrifaður enda
ísing á gilröðunum og áin í klaka-
böndum.“
Eftir að hrúturinn skilaði sér
heim að Hnjúki fóru menn að huga
að því hvar hann hafi getað hafst við
allan þennan tíma. Þá bentu slóðir í
snjó vafalaust til þess að hann hafi
verið í Gljúfurárgili í allan vetur.
„Gilið virðist hafa gefið honum
góða vist eftir holdafari og horna-
hlaupum að dæma en ný hornahlaup
mældust 5 sentímetrar og var hann
einnig að miklum hluta genginn úr
ullinni,“ segir Jón. Samt munu veður
oft hafa verið mjög slæm í vetur þar
sem hrúturinn hafðist við.
Er frá bænum Grund í
Svarfaðardal
Í ljós kom að þessi hrausti úti-
leguhrútur er frá bænum Grund í
Svarfaðardal. Segir Jón í raun undar-
legt að hrúturinn hafi getað hafst
þarna við í allan vetur án þess að
nokkur yrði hans var. Mikil umferð
vélsleðamanna hefur verið með
gljúfurbörmunum í vetur. Auk þess
sem skíðamenn, sem selfluttir eru
á þyrlum á fjöll þar í kring, renna
sér þarna niður. Þá segir hann að
hrúturinn hafi ekki búið við mikla
fjallakyrrð allan þennan tíma því
stöðugt yfirflug er af þyrlum á
svæðinu. Þær hafa haft aðsetur á
Klængshóli og hafa flogið þaðan
með skíðamenn og aðra ferðalanga
m.a. á Gljúfurárjökul og fjöllin
þarna í kring. Þessu flugi fylgir
mikill hávaði. /HKr/JÞ
Útileguhrútur frá Grund í Svarfaðardal bankaði upp á í Skíðadal:
Lifði af harða útivist
í Gljúfurárgili í vetur
Tvær nýjar hraðhleðslustöðvar
í gagnið á Akureyri
Páll Erland, framkvæmdastjóri ON, ásamt Auði, Óskari og dætrum.
Mynd / Þórgnýr Dýrfjörð
Útileguhrúturinn frá Grund skilaði sér heim að Hnjúki í Skíðadal eftir vetr-
ardvöl í Gljúfurárgili. Mynd / Jón Þórarinsson.
Glífósat og Evrópusambandið:
Ágreiningur um undanþágu
Fátt bendir til að áframhaldandi
og tímabundinn sala á plöntu-
eitrinu glífósat verði leyfð í
löndum Evrópusambandsins.
Leyfi til sölu á efninu í löndum
Evrópusambandsins rennur út í
lok þessa mánaðar.
Talsverðar deilur hafa verið
innan Evrópusambandsins undan-
farna mánuði um hvort áfram eigi
að leyfa sölu á plöntueitrinu glífósat
til 15 ára. Efnið er meðal annars
virka efnið í Round up sem mikið
er notað til að eyða gróðri í land-
búnaði í Evrópu og í einkagörðum
hér á landi.
Í atkvæðagreiðslum um leyfið
fram til þessa hefur ekki fengist
meirihluti sem framlengir leyfið eða
veitir undanþágu til áframhaldandi
sölu á efninu í 12 til 18 mánuði eins
og framleiðandinn hefur farið fram
á. Undanþágubeiðnin leggur út frá
að áfram megi selja efnið á sama
tíma og unnið er að rannsóknum á
hvort það geti verið krabbameins-
valdur. /VH
Talsverðar deilur hafa verið innan Evrópusambandsins undanfarna mánuði
um hvort áfram eigi að leyfa sölu á plöntueitrinu glífósat til 15 ára.560 Varmahlíð
453 8888
velaval.is
velaval@velaval.is
Rafgirðingarefni
og hefðbundið.
Tindar, hnífar, dekk og slöngur
fyrir flestar gerðir heyvinnuvéla