Bændablaðið - 09.06.2016, Blaðsíða 38

38
Glódís Rún Sigurðardóttir náði
þeim einstaka árangri að sigra
barnaflokk á síðastliðnum þremur
Landsmótum á hesti sínum Kamban
frá Húsavík. Hún var aðeins 9 ára
þegar hún sigraði fyrst árið 2011 í
Skagafirði, hún kom svo sterk til
leiks í Reykjavík árið 2012 og varði
titilinn örugglega. Sætasti sigurinn
var þó eflaust árið 2014 enda fylgdi
annarri titilvörninni mikil spenna.
„Ég setti mikla pressu á sjálfa mig
að ná þessum þriðja titli, enda var
það í eina skiptið sem ég fór að
gráta þegar úrslitin lágu fyrir,“ segir
Glódís Rún, sem í dag er 14 ára.
Hún telur titlana hafa haft mikil
áhrif á sig. „Titlarnir hafa aukið
sjálfstraustið mitt og kennt mér að
það sé hægt að stefna á sigur og ná
þeim markmiðum,“ segir hún.
Nú tekst Glódís Rún á við nýjar
áskoranir því unglingaflokkurinn setur
aðrar kröfur á keppendur. Hestakonan
hefur líka átt hestaskipti við bróður
sinn og ætlar að tefla fram tveimur
hrossum á úrtökumóti hjá hesta-
mannafélaginu Ljúfi. „Ég mun
mæta með systkini sem heita Tinni
og Töru-Glóð frá Kjartansstöðum.
Við erum að stíga okkar fyrstu skref
á keppnisbrautinni. Ég hef verið með
Tinna í þjálfun í eitt ár en er nýbyrjuð
með Töru-Glóð, sem hefur verið í
þjálfun hjá bróður mínum, Arnari
Bjarka. Hann hefur hins vegar fengið
Kamban að láni og stefnir með hann
í töltkeppnina.“
Glódís Rún segist spennt að prufa
nýja hesta á keppnisbrautinni. „Maður
lærir alltaf svo mikið á því. Þótt það
sé alltaf gott að stefna á sigur þá vil
ég bara gera mitt besta í þetta sinn, nú
þegar pressan er minni.“ /GHP
Nýjar áskoranir
Skagafjörður skartaði sínu fegursta á Landsmóti á Hólum 1966:
Litið til fortíðar
Landsmót hestamanna var haldið
að Hólum í Hjaltadal fyrir fimm-
tíu árum. Fjölmiðlar voru nokkuð
iðnir við að birta fregnir af mótinu
sem þótti takast með ágætum.
„Fátt kætir augað meira en að sjá
glatt og prúðbúið hestafólk á gæð-
ingum sínum og ekki spillir þegar
ein fegursta sveit landsins skartar
sínu bezta í sól og blíðu,“ segir í
Mánudagsblaðinu þann 25. júlí 1966.
Talið var að milli 4.000–5.000 gest-
ir hafi verið staddir á Hólum fyrir
fimmtíu árum þegar Landsmót hesta-
manna fór fram. Þá munu hafa verið
um 2.000 hross á svæðinu, en margir
hátíðargesta riðu á mót. Sagt var frá
því að lengst að hafi komið hópur
Austfirðinga, ferðin þeirra tók þá sex
daga. Einar G.E. Sæmundsen, formað-
ur Landssambands hestamanna, hafði
það á orði í setningarræðu sinni að
hverfa þyrfti langt aftur í aldir til að ná
samjöfnuði ríðandi manna á Hólastað.
Litrík tjaldborg var sett upp sem ásamt
hestum og mönnum settu sterkan svip
á Hólastað.
Keppnin reyndist líka hin mesta
skemmtun. Mesta spennan mynd-
aðist kringum kappreiðarnar, þá
einkum 800 m stökk þar sem fram
komu landsþekktir hlaupagarpar en
Þytur frá Hlíðarbergi fór með sigur
af hólmi. Ölvaldur frá Sólheimatungu
sigraði í 300 m stökki og Hrollur
frá Laugarnesi í 250 metra skeiði.
Í keppni góðhesta sigraði Blær frá
Langholtskoti en afrekaði að sigra enn
fremur á Landsmóti fjórum árum síðar.
Veðrið var lengst af hátíðar mjög
gott árið 1966, en síðasta mótsdaginn
gerði úrhellisrigningu og hvassviðri og
fuku þá tjöld. Mánudagsblaðið gerði
eins konar úttekt að mótinu loknu og
segir þar að hátíðin hafi verið hesta-
fólki til sóma. Blaðamanni þótti eftir-
tektarvert hve knapar voru smekklega
klæddir og þótti það setja skemmti-
legan blæ á reiðmennskuna. Hins
vegar var sett út á okurverð á veiting-
um í sölutjöldum og strætóferðum auk
þess sem drykkjulæti væru hátíðinni
til vansa, einkum nærvera svokallaðra
hnakkróna sem lýst er sem ofurölv-
uðum Reykvíkingum sem uppfullir
voru af óverðskuldaðri mikilmennsku.
Í myndasafni Söguseturs íslenska
hestsins má finna tugir mynda frá
Landsmóti frá Hólum og sýna þær
veðurblíðu og fjölmenni innan um
fallegt umhverfi Hólastaðar. /GHP
Glódís og Töru-Glóð eru að stíga sín
fyrstu skref í keppni.
Mánudagur 27. júní Þriðjudagur 28. júní
Aðalvöllur Kynbótavöllur Aðalvöllur Kynbótavöllur
09:00
Forkeppni B flokkur
gæðinga
09:00 Dómar 7v hryssur 08:30
Forkeppni
A flokkur gæðinga
08:30 Dómar 5v hryssur
12:30 Hlé 12:00 Hlé 13:00 Hlé 12:00 Hlé
13:30 Forkeppni barnaflokkur 13:00 Dómar 6v hryssur 14:00
Forkeppni
unglingaflokkur
13:00 Dómar 5v hryssur
16:45 Hlé 15:30 Hlé 17:00 Hlé 15:20 Hlé
17:30
Forkeppni
ungmennaflokkur
16:00 Dómar 6v hryssur 18:00
Milliriðill
B flokkur gæðinga
15:30 Dómar 4v hryssur
19:00 Hlé 17:45 Hlé 21:00 Dagskrárlok 17:00 Hlé
19:30
Forkeppni ungmenna-
flokkur
18:00 Dómar 6v hryssur 17:20 Dómar 4v hryssur
21:30 Dagskrárlok 18:50 Dómar 5v hryssur 18:20 Hlé
19:30 Dagskrárlok 18:30 Dómar 4v hryssur
19:20 Dagskrárlok
Miðvikudagur 29. júní Fimmtudagur 30. júní
Aðalvöllur Kynbótavöllur Aðalvöllur Kynbótavöllur
09:00 Milliriðill barnaflokkur 08:30 Dómar 4v hestar 09:00
Milliriðill unglinga-
flokkur
08:30
Yfirlit 7v og eldri
og 6v hryssur
12:00 Hlé 11:00 Dómar 5v hestar 12:00 Hlé 11:00 Hlé
13:00 Milliriðill ungmenni 12:00 Hlé 15:00 B-úrslit börn 11:30 Yfirlit hryssur 5v
16:00 Hlé 13:00 Dómar 5v hestar 15:45 B-úrslit ungmenni 13:30 Hlé
16:30
Milliriðill
A flokkur gæðinga
15:20 Hlé 16:30
Skeið 150m,
250m fyrri sprettir
14:00 Yfirlit hryssur 4v
20:00 Tölt 15:45 Dómar 6v hestar 17:30 Hlé 15:10 Dagskrárlok
22:00 Dagskrárlok 18:30 Hlé 18:30 B-úrslit B flokkur
19:00 Dómar 6v hestar 19:45 Mótssetning
20:00 Dómar 7v hestar 21:00 B-úrslit tölt
21:30 Dagskrárlok 21:30 Dagskrárlok
Föstudagur 1. júlí Laugardagur 2. júlí
Aðalvöllur Aðalvöllur
10:00 B-úrslit unglinga 10:00 A-úrslit unglingar
10:45 Yfirlit stóðhestar 10:45 A-úrslit ungmenni
15:00 Hlé 11:30 A-úrslit börn
15:30 Verðlaun hryssur 12:15 Hlé
17:00
Skeið 150 m, 250 m seinni
sprettir, verðl.
13:00 Verðlaun stóðhestar
18:00 Hlé 14:15
Afkvæmahestar
1v. og hv.
19:00 Ræktunarbú 16:15
Úrvalssýning
kynbótahrossa
20:00 B-úrslit Aflokkur gæðinga 17:00 Skeið 100 m
20:45
Afhjúpun minningarsteins
/ afhending á kennslu-
stofum
18:00 Hlé
21:00 A-úrslit tölt 19:00
A-úrslit
B flokkur gæðinga
21:30 Dagskrárlok 19:45 Sleipnisbikarinn
Sunnudagur 3. júlí 20:15
Ræktunarbú - sigurv.
símakosn. og ræktu-
narbú ársins
Aðalvöllur 20:35 Heiðursviðurkenningar
Fjölbreyttir hestatengdir viðburðir. 20:50
A-úrslit
A flokkur gæðinga
21:40 Dagskrárlok
Landsmót hestamanna – dagskrárdrög
Sólin skein á fjölmenna áhorfendabrekku á Hólum. Hrossið í forgrunni er
Sigurður Ólafsson í Lauganesi. Myndir/ Sögusetur íslenska hestsins - Einar E. Gíslason.
verðlaunagripurinn Glettubikarinn er einmitt nefndur eftir henni. Eigandi
hennar, Sigurður Ólafsson, heldur í hryssuna, Erling heldur í Hroll og Inga
Valfríður Einarsdóttir í Gulu-Glettu.
Spuni mun ekki verja titilinn
Það fylgir því spennuþrungin eft-
irvænting þegar hátt dæmdir stóð-
hestar koma fram í keppni. Þar fá
þeir að sanna gæðingskosti sína, en
lítið feilspor getur haft mikil áhrif
á eftirspurn og notkun ræktunar-
gripanna.
Það fylgdust flestir áhugasamir
hestamenn með framgöngu hæst
dæmda kynbótahross heims árið
2014. Og sigur hans Spuna frá
Vesturkoti í A-flokki gæðinga á
Landsmóti 2014 er mönnum enn
í fersku minni, ekki síst Þórarins
Ragnarssonar, knapa stóðhestsins.
„Ég er fyrst og fremst ofboðslega
þakklátur að hafa fengið að upplifa
þetta. Það er nú ekki víst að ég eigi
nokkurn tímann eftir að ná slíkum
árangri aftur,“ segir Þórarinn en þeir
Spuni luku keppni með 9,30 sem
reiknast sem hæsta einkunn sem
gefin hefur verið í úrslitum A-flokks
gæðinga.
Spuni mun ekki mæta á Landsmót
til að verja titil sinn, en ef árangur
afkvæma hans á kynbótabrautinni
uppfyllir lágmörk til afkvæma-
verðlauna mun hann koma fram til
verðlaunaveitingar. Þórarinn teflir
hins vegar bróður hans, Sæmundi
frá Vesturkoti, fram í A-flokki gæð-
inga eftir að hafa tryggt sér sæti á
úrtökumóti Spretts um liðna helgi.
Þá hefur hann enn fremur tryggt sér
þáttökurétt í B-flokki með tvo gæð-
inga, þá Silfurtopp frá Vesturkoti og
Hring frá Gunnarsstöðum. Þá sýnir
Þórarinn, sem starfar sem tamninga-
maður í Vesturkoti, nokkur hross á
kynbótasýningum í ár sem gætu átt
aðgang að Landsmóti.
Þórarinn hefur því óneitanlega
góða tilfinningu fyrir Landsmótinu
á Hólum. „Ég var í námi á Hólum í
þrjú ár og veit að staðurinn er bæði
skemmtilegur og fallegur. Ég hef fulla
trú á að þetta verði skemmtilegt sveita-
mót, það er gaman að halda hátíðina
innan um fallega íslenska náttúru í stað
þess að horfa á næstu blokk,“ segir
hann. /GHP
Þórarinn Ragnarsson mun m.a. koma
fram á Hring frá Gunnarsstöðum.