Bændablaðið - 09.06.2016, Blaðsíða 18

18 Bændablaðið | Fimmtudagur 9. júní 2016
Hrossabændur á Íslandi vilja með
fáeinum orðum heiðra minningu
rithöfundarins og hestakonunnar
Ursulu Bruns. Á langri ævi kom
Ursula víða við.
Hún var höfundur 40 barna- og
unglingabóka þar sem sögusviðið var
hestar og hestamennska, þekktastar
eru Heissgeliebte Islandpferde og
bækurnar um Dick og Dally (Dick
und Dally und die Ponys) en þær
voru síðar kvikmyndaðar undir nafn-
inu Immenhof.
Fyrsta myndin var gerð 1955 og
síðan fleiri fram undir 1970. Myndin
frá 1955 nefndist Die Mädels vom
Immenhof og þar skildu smáhestar
leika stórt hlutverk.
Töluverð átök urðu um af hvaða
hrossakyni þeir ættu að vera en
þegar hér er komið sögu var Gunnar
Bjarnason, fyrrverandi hrossarækt-
arráðunautur BÍ og síðan um ára-
tugaskeið ráðunautur um útflutn-
ing hrossa, að berjast fyrir því að
íslenski hesturinn næði fótfestu í
Evrópu og mynda þannig markað
fyrir hross frá Íslandi. Gunnar fékk
aldeilis öflugan liðsmann þar sem
Ursula Bruns var og í sameiningu
fengu þau því framgengt að íslensk
hross urðu fyrir valinu í myndina
sem skipti miklu á þeim tíma.
Ursula Bruns hreifst af íslenska
hestinum, hún var ein af fyrstu
meginlandsbúunum sem náði tökum
á töltreið, hún ferðaðist víða um
heim til að kynna sér tölthesta af
ýmsum kynjum en íslenska hestinn
hafði hún efstan á blaði. Hann var
hennar eftirlæti. Ursula stundaði
hestamennsku, tók þátt í félagsstarfi
hestamanna og gaf út tímaritið Pony
Post frá 1958 til 1968 en það var að
hluta til málgagn eigenda íslenskra
hesta í Þýskalandi sem fór ört fjölg-
andi á þessu tímabili. Um 1970 lauk
þessu samstarfi en Ursula hóf þá
útgáfu hins víðkunna og mikið lesna
tímarits Frezeit im Sattel sem kom
út frá 1969 til 2008.
Á margt fleira mætti minnast frá
lífshlaupi þessarar mikilhæfu konu
sem Gunnar Bjarnason lýsir svo að
hafi verið gáfuð kona og ákaflega
einbeittur persónuleiki. Það sem
snertir íslenska hestinn verður þó
látið nægja hér en Ursula og Gunnar
áttu langt samstarf hestinum okkar til
vegsauka og sennilega hefur ekkert
verið eins mikilvægt á þessum tíma
fyrir útbreiðslu íslenska hestsins
og einmitt það. Enda segir Gunnar
sjálfur að ólíklegt sé að nokkur
útlendingur hafi lagt eins mikið af
mörkum í því starfi og Ursula Bruns.
Það er jafnframt órækur vottur
um þá virðingu og viðurkenningu
sem Ursula Bruns naut að leiðarlok-
um að andláts hennar og lífshlaups
var getið í Der Spiegel og þar er full-
yrt að enginn hafi mótað jafnmikið
frístundahestamennsku eftirstríðsár-
anna í Þýskalandi og Ursula Bruns
og á því sést best hver gæfa það var
að hún skyldi hrífast af íslenska
hestinum.
Blessuð sé minning Ursulu Bruns.
Minningarorð frá Félagi hrossabænda:
Hestakonan Ursula Bruns
−1. september 1922–22. apríl 2016
HROSS&HESTAMENNSKA
Askalind 4, Kópavogi
Sími 564 1864
www.vetrarsol.is
Á bænum Hvammi í Ölfusi er hestastóðið mjög litskrúðugt, fallegt og
skemmtilegt. Á meðal hesta þar er þessi skvísa sem heitir Esja og er hún
hest og brúnskjóttan breiðblesóttan svo eitthvað sé nefnt. Mynd / MHH
Ursula og íslenskir hestar í Þýskalandi.
Ursula Bruns.
PALMSE VAGNAR
Palmse PT 700 malarvagn
Burðargeta 7 tonn
Kr. 976,000,- án vsk.
Palmse PT5750 vélaflutningavagn
Burðargeta 16 tonn
kr. 1.980.000.- án vsk.
Akureyri · Sími 465 1332
www.buvis.is
10
ÁRA
2006-2016
Palmse rúlluvagn
Burðargeta: 12 tonn
Kr. 1.590.000.- án vsk.
AFMÆLISTIL
BOÐ
Kr. 1.395.000
.- án vsk.
Palmse PT150 sturtuvagn
13 tonna burðargeta. Takmarkað magn.