Bændablaðið - 05.10.2017, Blaðsíða 7

7Bændablaðið | Fimmtudagur 5. október 2017
Bændablaðið kom fyrst út undir merkjum
nýstofnaðra Bændasamtaka Íslands hinn 14.
mars árið 1995. Á blaðið því 22 ára afmæli á
þessu ári. Með þessu blaði núna, 5. október
2017, eru tölublöðin orðin
500.
Auk hins
hefðbundna
Bændablaðs
sem gefið er
út í dagblaða-
formi þá hefur
verið gefið út í
þrígang Tímarit
Bændablaðsins
í tengslum við setningu
Búnaðarþings. Fyrsta tímaritið kom út 1. mars
2015. Var því fylgt eftir með útgáfu nýs blaðs í
tengslum við Búnaðarþing 2016. Í fyrra var ekki
haldið Búnaðarþing vegna breyttra samþykkta
2016 um að halda það framvegis annað hvert
ár. Eru ársfundir Bændasamtakanna haldnir
þess á milli og kom þriðja tímaritið út af því
tilefni í mars 2017. Er nú byrjað að kynda undir
kötlum á ritstjórn Bændablaðsins vegna útgáfu
fjórða árgangs Tímarits Bændablaðsins. Stefnt
er að útgáfu þess við setningu Búnaðarþings
3. mars 2018.
Eins og mörgum er kunnugt á nafn
Bændablaðsins sér þó lengri forsögu. Það var
snemmsumars 1987 að nokkrir bændasynir á
mölinni, með Bjarna Harðarson í fararbroddi,
komu sér saman um að stofna til blaðaút-
gáfu fyrir bændur landsins. Blaðið var nefnt
Bændablaðið en á bak við það stóð félagið
Bændasynir hf. Blað þetta kom út í tæplega 8
ár og skapaði þegar best var 2–3 störf á ritstjórn
sem fyrst var til húsa á Skúlagötu í Reykjavík
en flutti síðar austur að bænum Einarshöfn á
Eyrarbakka. Síðasta árið var blaðið gefið út
af Jóni Daníelssyni á Tannstöðum í Hrútafirði
sem seldi Bændasamtökum Íslands nafnið í
árslok 1994.
Frá því Bændasamtökin keyptu
Bænda blaðið og hófu útgáfu þess 1995 hefur
blaðið dafnað og eflst mjög. Að jafnaði er það
nú gefið út í 32 þúsund eintökum 24 sinnum á
ári og blaðsíðufjöldinn yfirleitt 56 til 64 síður.
Blaðinu er dreift um allt land á ríflega 420
stöðum og hefur auk þess verið sent á öll lög-
býli landsins. Mun það framvegis fylgja með
í aðild bænda að Bændasamtökunum Íslands,
en samkvæmt lögum um félagafrelsi þá eru
bændur á lögbýlum ekki lengur sjálfkrafa aðilar
að samtökunum.
Ekki má gleyma vef Bændablaðsins, bbl.
is. Var honum hleypt af stokkunum árið 2007
og endurnýjuð 2014. Þar er hægt að nálgast
PDF-útgáfu af blaðinu frá árinu 2003 og á
vefsíðunni timarit.is frá upphafi útgáfunnar.
/HKr.
Bændablaðið í stöðugri sókn síðan 1995:
Tölublað númer 500 er komið út
MÆLT AF
MUNNI FRAM
B raghenduforminu hefur ekki verið hossað sérstaklega hér á þessum síðum. Braghendur eru sérlega vel syngjan-
legar, einkum meðal smalamanna í réttum. Helsti
merkisberi braghendunnar sem ég þekki, var
Brynjólfur heitinn Guðmundsson í Núpstúni,
Hrunamannahreppi. Brynjólfur fæddist í Núpstúni
þann 10. apríl 1936, en lést 3. júlí síðastliðinn á
hjúkrunarheimilinu Lundi á Hellu. Allþekktar
eru Svínárnessvísur Brynjólfs, enda lýsa þær
einkar vel hugheimi skáldsins eftir eina dægilega
dvöl á fjöllum. Að Brynjólfi öllum urðu ýmsir
til að minnast þessa einstaka manns. Af mikilli
hógværð orti norðlenskur vísnagerðarmaður
einkar fallegar braghendur í minningu Brynjólfs
í Núpstúni. Af einhverri áður óþekktri hlédrægni
setti sá ekki nafn sitt undir minningarkvæðið
um Brynjólf, en ef grannt er gáð, má vel þekkja
„Höllustaðaheilkenni“ á hugverkinu, enda vísurn-
ar eftir hinn velþekkta vísnasmið Pétur Yngva
Pétursson lækni á Akureyri. Með góðfúslegu
leyfi Péturs birtast hér samrímaðar braghendur
hans ortar eftir Brynjólf látinn:
Burt er kvaddur bragendunnar besti smiður.
Lýkst nú um þig fró og friður,
frómi, prúði skáldaniður.
Orðstír góðan ævinlega upp vel skarstu.
Sómi þinnar sveitar varstu,
söng og gleði með þér barstu.
Bóndann heillar blíðutíð og bjargir kunnar,
öræfanna yndisbrunnar
og unaðsfegurð náttúrunnar.
Oft í fjallferð aldavinir örir mættust.
Settust þá að sumbli og kættust,
sumardraumar þínir rættust.
Gjörhugull í lífsins leik og laus við smjaður.
Fáki beittir frjáls og glaður
fræðasjór og bókamaður.
Ellin grimma allt of snemma önd þig svipti.
Þér í skáldakynið kippti,
kvæðaauður hugsun lyfti.
Gætinn þú að geði varst með glóð og funa,
sýndist kjörum sáttur una.
Svona dreng er gott að muna.
Næsta vísa, einnig eftir Pétur, er ekki síður
en minningarkvæðið, raunsönn lýsing á
flestum hestaferðum Péturs:
Þegar hendist hausinn á
hrokafullur glanni,
dável hjálmur dugir þá
drukknum hestamanni.
Það lifa ekki síður en braghendurnar margar
lausavísur eftir Brynjólf í Núpstúni:
Gleði hlýna glöggt ég finn,
gáska sýnir Blesi.
Nóg skal vínið, vinur minn,
verða í Svínárnesi.
Ef að fjandans ellin köld
að þér vanda setur,
súptu á landa sérhvert kvöld
svo þér standi betur.
Látum svo nokkrar haustvísur Ingólfs Ómars
Ármannssonar fylla þáttinn þetta sinnið:
Kári gnauðar, kólnar tíð
kveður bára í nausti.
Sölna grösin foldar fríð,
finn ég keim af hausti.
Hafa gránað hæstu fjöll
héla völlinn klæðir.
Blómin fallin eru öll
úti kylja næðir.
Frystir óðum, fölnar björk,
fugla hljóð er raustin.
Skrælnar gróður, skógarmörk
skartar rjóð á haustin.
Blöðin híma, æpir eik,
úti gríma næðir.
Mánaskíma blaktir bleik
blöðin hrímið klæðir.
Herðir maldur, heyrast kvein,
hvítu falda tindar.
Lemur aldan unnarstein
emja kaldir vindar.
187
Umsjón:
Árni Geirhjörtur Jónsson
kotabyggð1@gmail.com
LÍF&STARF
Auglýsingasíminn er 563 0300
Netfang bbl@bondi.is
Næsta blað kemur út 31. ágúst
en við mætum til starfa 16. ágúst
SÖFNUN OG
ENDURNÝTING
HEYRÚLLUPLASTS
24
Upplag Bændablaðsins
11.500
Blað nr. 200
Grasmaðkur hefur eytt gróðri um
mestalla Landbrotsafrétt í Skaftárhreppi
langt fram á heiðar. Landið er allt hvítt
yfir að líta nema örfáir mýrarflákar en
þar þrífst grasmaðkur ekki. Allt valllendi
er gersamlega gróðurlaust. Bændur hafa
orðið að fresta því að reka fé á afrétt
vegna þessa því þar er enga beit fyrir það
að hafa eins og sakir standa.
Hilmar Jónsson, bóndi í Þykkvabæ III í
Landbroti, sagði í samtali við Bændablaðið
að vissulega hefðu bændur á þessum slóðum
séð grasmaðk áður eyða gróðri. Hins vegar
væri þetta svo stórt svæði sem hann hefði
lagst á núna að menn hefðu aldrei séð annað
eins og aldrei fyrr séð grasmaðk svona
innarlega. Hér væri um tugi ferkílómetra að
ræða.
,,Þetta er svo ótrúlegt að það líkist helst
náttúruhamförum. Landið er alveg hvítt eins
og um hávetur væri og ekki stingandi strá á
svæðinu.
Sigurgeir Ólafsson, forstöðumaður
plöntueftirlits RALA, segir að grasmaðkur
sé gamalt vandamál í aldanna rás og að á
ákveðnum svæðum á landinu sé alltaf hætta
grasmaðki. Geir Gígja gerði ítarlegar
rannsóknir á grasmaðki um 1950 og voru
niðurstöður hans gefnar út hjá Atvinnudeild
Háskólans. Þar kemur fram að einkum tvö
svæði á landinu séu viðkvæm fyrir
grasmaðki. Það sem hann kallaði svæði
númer eitt er þetta svæði þar sem
maðkurinn herjar nú eða sveitin milli
Mýrdalssands og Skeiðarársands sem kölluð
er Sveitin milli sanda. Hitt svæðið er í
Landssveit. Hins vegar hefur orðið vart við
grasmaðk um allt land.
Sigurgeir segir að með betri ræktun
bænda verði grasmaðkurinn meira vandamál
í úthaga eins og nú er í Landbrotsafrétti en í
túnum. Maðkurinn herjar frá því seinnihluta
maí og til júníloka. Nú er kominn sá tími að
hann fer að púpa sig og þá hættir maðkurinn
að gera skaða. Sigurgeir segir það fara eftir
gróðrinum hve langan tíma hann sé að jafna
sig eftir maðkinn. Hann segist hafa séð tún
jafna sig að mestu á einum mánuði en það
fari eftir tíðarfari og rigning flýti fyrir að
gróðurinn jafni sig.
Grasmaðkur herjar á Landbrotsafrétt
Hagstætt að
flýta sauð-
fjárslátrun
Í ár voraði óvenju snemma og
gróður var mun fyrr á ferðinni en
í meðalári. Svipað gerðist í fyrra
en þó mun þetta vor hafa vinn-
inginn. Þegar svo snemma vorar
er hætt við að grös sölni snemma,
það sýnir reynslan. Próteininni-
hald fer að falla snemma, jafnvel á
miðju sumri. Nú má gera ráð fyrir
líkt og þá að ekki verði mikill
munur á næringargildi gróðurs
eftir hæð yfir sjávarmáli. Sam-
kvæmt mælingum á grasþroska á
nokkrum stöðum á landinu
virðast túngrös þroskast fyrr en
vorið 2003.
Þegar árferði og gróðurfar er
svona og prótein fer að verða tak-
markað í fóðri lambanna um og upp
úr miðju sumri er
hætta á að þau fari
að safna fitu meir
en góðu hófi gegnir
miðað við nútíma
markaðskröfur.
Því er ráðlegt að
flýta sauðfjár-
slátrun í haust til
þess að ekki komi
til verðfellingar
vegna fitu sem getur eytt ávinningi
vegna meiri fallþunga.
Til þess að hægt sé að flýta
slátrun í haust gæti þurft að flýta
göngum og réttum sums staðar á
landinu. Slíkt krefst nokkurs undir-
búnings og því er rétt að fara að
skoða þau mál áður en langt um
líður. Í því sambandi getur þurft að
gera a.m.k. tímabundnar breytingar
á fjallskilasamþykktum, t.d. ef
göngum og réttum er flýtt um viku.
Þá ber að virða sjónarmið ferða-
þjónustunnar í landinu því að í vax-
andi mæli eru skipulagðar ferðir í
réttir og jafnvel göngur líka, bæði
fyrir hópa og einstaklinga. Ekki er
ráð nema í tíma sé tekið. /Ó.R.D.
“Uppbygging nýrrar kennsluað-
stöðu á Hvanneyri fyrir naut-
griparæktina var tímabær og með
sameiginlegri stefnumörkun
Landbúnaðarháskólans og Rann-
sóknastofnunar landbúnaðarins
sköpuðust nýir möguleikar á að
tengja saman allt kennslu og rann-
sóknastarf nautgriparæktarinnar
og tryggja sameiginlegt fræðastarf
í greininni. Með tilkomu þessa
nýja fjóss er möguleiki til þess að
hér geti risið þróunarsetur naut-
griparæktarinnar með náinni
aðkomu atvinnuvegarins og
fræðasamfélagsins. Nautgripa-
ræktin mun um ófyrirsjánlega
framtíð verða öflugasta búgrein
hefðbundinnar búvöruframleiðslu
og mun þurfa á sífellt öflugra
fræðastarfi og stoðþjónustu að
halda,” sagði Magnús B. Jónsson
rektor LBH.
“Þegar þessu verkefni er um það
bil að ljúka er ánægjulegasta tilfinn-
ingin sú hversu mikil samvinna og
samstaða hefur verið milli allra
þeirra sem málið varðar. Undirbún-
ingur var unninn í samstarfi margra
aðila. Fjármögnunin er sameiginleg
ríkisins og Framleiðnisjóðs og síðan
hafa margir aðilar veitt okkur
margháttaðan stuðning við að ljúka
verkinu. Þegar er farið að ræða um
sameiginleg verkefni sem unnin
verða í fjósinu. Það verður því með
mikilli ánægju sem við tökum fjósið
formlega í notkun þann 6. ágúst n.k.
kl. 13.00, en þá munum við hafa
opið hús og kynna nýja fjósið og eru
allir kúabændur og aðrir velunnarar
Landbúnaðarháskólans velkomnir til
þeirrar samverustundar,” sagði
rektor. Sjá líka bls. 21.
Nýtt fjós á Hvanneyri
Nú hillir undir að nýja kennslu-
og rannsóknafjósið á Hvanneyri
verði tekið í notkun
Tímamót hjá
Bændablaðinu
Með útgáfu þessa tölublaðs
hefur Bændablaðið náð
ákveðnum tímamótum, en hér
er á ferð 200. blaðið sem kemur
út frá því að Bændasamtökin
hófu útgáfuna. Tveir starfs-
menn hafa fylgt blaðinu frá
upphafi; þeir Áskell Þórisson,
ritstjóri, og Eiríkur Helgason,
auglýsingastjóri. Blaðamaður er
Sigurdór Sigurdórsson.
31
Málaði eina
mynd á dag
16
Blað númer 200 kom út 6. júlí 2004 og ritstjóri
var Áskell Þórisson.
Blað númer 100 kom út 26. ok
tóber 1999 og
ritstjóri var Áskell Þórisson.
Samkeppniseftirlitið hefur kom ist að þeirri niðurstöðu að Bænda-sam tök Íslands hafi brotið gegn samkeppnislögum með að gerð um sem hafi miðað að því að hækka verð á búvörum. Snýr brotið að búvörum sem ekki lúti opin berri verðlagningu samkvæmt búvöru-lögum, svo sem kjúk ling um, eggj um, grænmeti og svínakjöti. Með ákvörðun Sam keppnis eftir-litsins er BÍ gert að greiða 10 milljónir króna í stjórnvaldssekt og lagt er fyrir samtökin að grípa til aðgerða til þess að koma í veg fyrir að samskonar brot verði endurtekin.
Upphaf málsins má rekja til þess að 7. mars 2008 birtist frétt í Morgunblaðinu undir fyrirsögn-inni „Sátt um hækkanir nauðsyn“. Í fréttinni var fjallað um Bún að-ar þing ársins 2008 sem þá var ný lok ið. Á þinginu hafði komið fram að verðhækkun á matvöru hjá búvöruframleiðendum væri óum flýjanleg. Í kjölfar þessa hóf Samkeppniseftirlitið rannsókn sem lauk með ákvörðun þeirri sem birt var 6. mars síðastliðinn.
Bændasamtökin samtök fyrirtækja samkvæmt SamkeppniseftirlitinuÍ úrskurði Samkeppniseftirlitsins kemur fram að búvörur séu verð-lagðar með tvennum hætti. Annars vegar með opinberri verðlagningu og hins vegar með verðmyndun á samkeppnismarkaði. Verðlagning á kjúklingum, eggjum, grænmeti og svínakjöti sé frjáls og heyrir því að mati Samkeppniseftirlitsins
alfarið undir ákvæði samkeppnis-laga. Framleiðendur þessara búvara séu fyrirtæki og falli því, eins og önnur fyrirtæki, undir bann við samkeppnishamlandi sam-ráði, en slíkt samráð er af hálfu Samkeppniseftirlitsins skilgreint með mjög víðtækum hætti. Metur eftirlitið það svo að sama regla gildi um Bændasamtökin enda séu þau samtök þessara fyrirtækja og samkvæmt 12. gr. samkeppnislaga sé slíkum samtökum bannað að við-hafa samkeppnishamlandi samráð. Í úrskurðinum kemur fram að gögn sem Samkeppniseftirlitið byggir á sýni að á vettvangi Bændasamtakanna hafi átt sér stað umtalsvert verðsamráð. Þannig hafi forsvarsmenn samtakanna meðal annars beitt sér opinberlega fyrir verðhækkunum á búvörum, bæði þeim sem eru opinbert verðlagð-ar og einnig þeim sem lúti frjálsri verðlagningu. Vísað er til þess að Haraldur Benediktsson formaður Bændasamtakanna hafi til að mynda sagt í blaðaviðtali 2. mars 2008 að nauðsynlegt væri að hækka verð. Á Búnaðarþingi 2008 hafi verið samþykkt ályktun sama efnis. Forsvarsmenn Bændasamtakanna hafi jafnframt látið hafa eftir sér í fjölmiðlum að loknu þinginu að umræður þar hafi miðað að því að ná sátt um verðhækkanir. Telur Samkeppniseftirlitið að hér hafi verið um að ræða skýr og alvarleg brot á bannákvæðum samkeppn-islaga.
Í ákvörðun Samkeppniseftir lits-ins er fyrirmælum beint til Bænda-sam takanna um að koma í veg fyrir
að samskonar brot, að mati eftirlits-ins, verði endurtekin. Er lagt fyrir samtökin að grípa til aðgerða sem miði að því að tryggt sé að á vett-vangi þeirra verði ekki fjallað um eða miðlað upplýsingum um verð, verðþróun og önnur viðkvæm sam-keppnisleg málefni með þeim hætti að raskað geti samkeppni í fram-leiðslu og sölu á búvörum sem falli undir ákvæði samkeppnislaga.
Búnaðarþing fellur ekki undir samkeppnislögBændasamtökin hafa allt frá því að málið kom upp haldið því fram að Búnaðarþing og sam-
tök bænda falli ekki undir ákvæði samkeppnislaga með þeim hætti sem Samkeppniseftirlitið byggir á. Fráleitt sé að gera þá kröfu að samkeppnislög gildi um starfsemi Bændasamtaka Íslands eins og hver önnur samtök fyrirtækja, í skilningi Samkeppniseftirlitsins, án tillits til þeirrar sérstöðu sem landbúnaður og þar með Bændasamtökin njóti, meðal annars í löggjöf um land-búnaðarmál. Á Búnaðarþingi 2009 sem lauk síðasta miðvikudag var samstaða meðal þingfulltrúa um að hafna algjörlega þeirri túlkun
10-11
300. tölublað
Bændablaðsins
24
Salmonella
í hrossum
5. tölublað 2009  Fimmtudagur 12. mars  Blað nr. 300  Upplag 19.000
4
Fyrirmyndarbýlið
Seljavellir
sótt heim
Bændablaðið heldur áfram að auka þjónustu sína við lesendur með því að dreifa blaðinu á 11 nýjum stöðum. Þar er um að ræða versl-anir Krónunnar sem eru átta talsins á höfuðborg-arsvæðinu en auk þess á Akranesi, Reyðarfirði og í Vestmannaeyjum. Þar getur fólk nálgast blaðið í þar til gerðum stöndum sem minna á sveitina eins og hún var. Blaðið er nú prentað í 19.000 eintökum og dreift inn á hvert lögbýli, auk þess sem það liggur frammi í flestum þéttbýliskjörnum landsins.
Mýrdalshreppur:
Vegarlagning
um náttúruminjar?
Á fundi skipulagsnefndar Mýr-dals hrepps þann 5. mars sl. var sam þykkt tillaga um færslu þjóð vegar 1 framhjá Vík og í jarðgöng í gegnum Reynisfjall, hjá Reynisfjöru og Dyrhólaósi. Er þessi leið, Lína 3, ein af fimm tillögum sem Vegagerðin hefur unnið að til úrbóta í stað núver-andi vegar og liggur hún m.a. um land á náttúruminjaskrá. Umhverfisstofnun hefur lagst alfarið gegn tillögunni og þá hefur samráðshópur íbúa og hagsmunaaðila í Mýrdal mót-mælt henni harð lega. Guðni Ein-arsson í Þórisholti, einn íbúa Mýrdalshrepps í samráðshópnum, segir að miklar deilur hafi verið um þessi mál innan sveitarfélags-ins. „Samtökin Betri byggð berj-ast af mikilli hörku fyrir þeirri veg línu sem samþykkt var í skipu lagsnefnd. Þeir sem eru á móti eru fyrst og fremst íbúar og eigendur þeirra jarða og fasteigna sem veglínan mun skera og valda tjóni á.“
Kostnaðarsöm vegalagning með óafturkræfum umhverfisárhrifumGuðni telur að tillagan verði of kostnaðarsöm, bæði í umhverf-islegu og fjárhagslegu tilliti. „Um hverfisstofnun og mörg al-mannasamtök hafa mælt eindregið gegn þessari veglínu, og Vegagerð ríkisins telur kostnað verða allt að fimmfaldan samanborið við full-nægjandi endurbót á núverandi þjóðleið. Stór hluti veglínunnar mun verða innan svæðis sem er á náttúruminjaskrá, þvera votlendi og valda miklum óafturkræfum umhverfisáhrifum.“
-smh
Missa bændur stéttarfélag sitt?Samkeppniseftirlitið segir bændur hafa brotið samkeppnislög
Framhald á bls. 2
Blaðauki um BúnaðarþingÍ blaðauka Bændablaðsins er að þessu sinni fjallað um nýafstaðið Búnaðarþing. Mikil eindrægni einkenndi starf þingsins og ljóst má vera að bændur ganga í takt í þeim stóru málum sem hafa komið inn á borð þeirra síðastliðið ár. Fjallað er um afgreiðslu þeirra mála sem komu fyrir þingið og einnig er rætt við þingfulltrúa.
Haraldur formaður í ræðustól. Starfsmenn fundarins eru Aðalsteinn Jónsson, Svana Halldórsdóttir og Sgiurgeir Hreinsson.
mynd | smh
Bændablaðið
í Krónuna
Blað númer 300 kom út 12. mars 2009 og ritstjóri var Þröstur Haraldsson, en hann tók við blaðinu af Áskeli í september 2006. Var hann ritstjóri fram á haust 2010, en Tjörvi Bjarnason ritstýrði blaðinu fram í janúar 2011.
15. tölublað 2013 Fimmtudagur 1. ágúst Blað nr. 400 19. árg. Upplag 30.000
Notkun sýklalyfja í dýrum er
minni hér á landi en víðast hvar
í Evrópu. Þetta kemur fram í
nýlegri skýrslu Landlæknis um
sýklalyfjanotkun og sýklalyfja-
næmi baktería í mönnum og
dýrum árið 2012, sem og í skýrslu
Lyfjastofnunar Evrópu um sölu
sýklalyfja fyrir dýr.
Fram kemur að sýklalyfjanotkun
í dýrum hefur dregist saman um
23% frá árinu 2010, eða um tæpan
fjórðung. Yfir helmingur þeirra
sýklalyfja sem notaður er hér á landi
er úr flokki pensilína. Á sama tíma
hefur notkun breiðvirkra pensilína
aukist nokkuð, sem veldur mönnum
áhyggjum og þarfnast frekari
skoðunar.
Sigurborg Daðadóttir, yfir-
dýralæknir hjá Matvælastofnun,
segir gott að fá samanburð við
önnur lönd hvað sýklalyfjanotkun
í dýrum varðar og gleðilegt sé að
árangur Íslendinga sé góður. „Þetta
sýnir að við erum á réttri leið, það
er vissulega góður árangur að dregið
hefur úr notkun sýklalyfja,“ segir
hún. Sýklalyfjanotkun er áhrifamesti
þátturinn þegar kemur að lyfjaþoli
og röng eða of mikil notkun sýkla-
lyfja eykur hættu á að að upp komi
lyfjaþolnar örverur, útbreiðsla þeirra
er ein stærsta heilbrigðisógn sem
heimurinn stendur frammi fyrir.
Dýrastofnar heilbrigðir og
smitvarnir góðar
Hér á landi eru reglur varðandi
afhendingu og notkun lyfja á lyfjum
fyrir dýr strangar en að auki hefur
innan Dýralæknafélags Íslands verið
unnið eftir lyfjastefnu sem félagið
sett sér fyrir um áratug og hafa
flestir dýralæknar unnið eftir henni.
Góður árangur
er einkum að
mati Sigurborgar
þessum ströngu
reglum og lyfja-
stefnu Dýra lækna-
félagsins að þakka.
Dýrastofnar hér á
landi eru almennt
heilbrigðir og
smitvarnir góðar
og telur hún
það meginskýringuna á því að
sýklalyfjanotkun er minni hér á
landi en víðast annars staðar.
Hér á landi tíðkast það vinnulag
að dýralæknar hefja ávallt
meðhöndlun á veiku búfé, þeir sjá
um sjúkdómsgreiningu og einungis
er veitt undanþága frá þessu þar sem
landfræðilegir staðhættir, veðurfar
eða aðrar ytri aðstæður hindra
dýralækni í að hefja meðferðina.
Niðurstaðan góð
fyrir Íslendinga
Minnkandi sýklalyfjanotkun hér á
landi er gott innlegg í umræðuna að
mati Sigurborgar, en hún bendir á að
bæði Búnaðarþing og búnaðarsamtök
hafi ítrekað sent frá sér ályktanir
um að bændur hafi frjálsari aðgang
að lyfjum, eflaust til að spara sér
kostnað við komu dýralæknis. „Það
hefur verið töluverð pressa frá
bændum og hagsmunasamtökum
þeirra, sem gjarnan vilja að yfirvöld
slaki á kröfum. Ég brýni fyrir
bændum að skoða heildarmyndina
en þessi niðurstaða er verulega góð
fyrir okkur Íslendinga og sýnir að
við stöndum okkur vel, betur en
nágrannaþjóðir okkar, og það er vel,“
segir Sigurborg.
Nánar á bls. 14.
Notkun sýklalyfja á Íslandi hefur dregist saman um tæpan fjórðung síðustu þrjú ár
Minna notað af sýklalyfjum í dýrum
hér á landi en í Evrópu
Sveitamarkaðir í blóma
7 16
Bændablaðið aðgengilegt frá
upphafi á timarit.is
Matreiðslumeistari fer í
sveitina og hittir bændur
20
Þessir vörpulegu grísir, sem heita Maríus og Mía, eru ættaðir frá bænum Brúarlandi á Mýrum en dvelja nú í góðu yfirlæti í Dölunum. Þar eru þeir
„ferðaþjónustugrísir“ í sumar hjá hjónunum Þorgrími og Helgu sem reka Rjómabúið á Erpsstöðum. Þúsundir gesta koma þangað í heimsókn á ári hverju
til að kaupa ís og fleiri mjólkurvörur ásamt því að komast í návígi við dýrin og kynnast því starfi sem unnið er á bænum.
Mynd / Helga Elínborg Guðmundsdóttir
Horfur á
ágætri berjatíð
Útlit er fyrir gott berjasumar þótt
berin séu seinna á ferðinni í ár en
oft áður. „Þetta lítur alveg svakalega
vel út, betur en mörg undanfarin
ár, og ég er hæstánægð,“ segir
Sigurbjörg Snorradóttir á Krossum
í Dalvíkurbyggð, áhugakona um
berjatínslu. Svipaða sögu er að
segja frá öðrum landshlutum, t.d. af
Vesturlandi og um allt Norðurland,
og þá eru góðar líkur á fínni berjatíð
bæði fyrir austan og vestan.
Nánar um berjasprettuna á bls. 8.
Sigurborg
Daðadóttir
Landbúnaðarsaga
Íslands væntanleg
Í haust kemur út ritverkið
Landbúnaðarsaga Íslands hjá
bókaútgáfunni Skruddu. Höfundar
eru þeir dr. Árni Daníel Júlíusson
sagnfræðingur og Jónas Jónsson
heitinn, fyrrum búnaðarmálastjóri.
Verkið hefur verið mörg ár í vinnslu,
en það kemur út í fjórum bindum,
samtals 1.400 blaðsíður ásamt fjölda
mynda, teikninga og korta. Fyrstu
tvö bindin fjalla almennt um sögu
landbúnaðar á Íslandi frá örófi alda
til okkar daga en í tveimur seinni
bindunum eru helstu greinum
landbúnaðarins gerð skil.
Á fjórum síðum í miðju þessa
blaðs birtast nokkur sýnishorn úr
verkinu.
Endurræktaði
tún fyrir tæpar 9
milljónir króna
Á kúabúinu Ketilsstöðum í
Hjaltastaðaþinghá þurfti að
endurrækta 90 hektara af túnum eftir
slæmt kaltjón sem varð í vetur og vor.
Bændurnir Þorsteinn Guðmundsson
og Linda Björk Steingrímsdóttir
segja í viðtali við Bændablaðið að
beinn kostnaður við kaup á olíu,
fræi og áburði hafi verið á bilinu
8-9 milljónir króna sem gera um 100
þúsund á hektarann. Þessi upphæð er
fyrir utan vinnu bóndans og er slit og
afnot af vinnuvélum ekki tekið með
í reikninginn.
Ríksstjórn Íslands ákvað fyrr í
sumar að styrkja bændur um 350
milljónir króna vegna kaltjóna víða
um land. Bændur geta sótt um styrki
á grundvelli úttekta, en upphæðin
nemur 60 þúsund kr. á hektarann.
Nánar um afleiðingar kaltjóna
á bls. 4 og 19.
Blað númer 400 kom út 1. ágúst 2013. Hörður
Kristjánsson tók við ritstjórn blaðsins á
bóndadaginn 2011, en Tjörvi Bjarnason
ritstýrði 15. tölublaði 2013 sem var númer 400.
TÖLUBLAÐ N
ÚMER
1995 – 2017
Blað númer 1. Fyrsta tölublað fyrsta árgangs Bændablaðsins eftir að það komst í eigu Bænda-
samtaka Íslands. Það kom út þriðjudaginn 14. mars 1995. Ritstjóri þess var Áskell Þórisson
starfandi útgáfunefnd, en í henni sátu Gunnar Sæmundsson, sem var formaður, og Hákon Sig-
urgrímsson var varaformaður. Auk þeirra í nefndinni voru Hörður Harðarson, Jónas Jónsson
send í prentsmiðju á rafrænu formi á disklingum, sem voru arftaki
hvert blað sem síðan var ekið með í loftköstum frá Bændahöllinni
í prentsmiðju Morgunblaðsins. Nú fer blaðið tilbúið rafrænt um
ljósleiðara í prentsmiðju Landsprents í Hádegismóum í Reykjavík.