Bændablaðið - 05.10.2017, Blaðsíða 14

14 Bændablaðið | Fimmtudagur 5. október 2017
Gröftur Dýrafjarðarganga kominn á fullt skrið:
Verk loks hafið eftir
36 ára undirbúning
Framkvæmdir eru komnar á
fullt við gerð Dýrafjarðarganga
sem koma eiga í stað erfiðs fjall-
vegar um Rafnseyrarheiði á milli
Dýrafjarðar og Arnarfjarðar.
Jón Gunnarsson samgöngu-
ráðherra sprengdi hátíðarsprengingu
Dýrafjarðarganga í gangamunna
Arnarfjarðarmegin með aðstoð
Hreins Haraldssonar vegamálastjóra
þann 14. september síðastliðinn, en
Vestfjarðagöng voru einmitt vígð á
sama degi árið 1996. Verkefnið Eiði-
Þverá á sunnanverðum Vestfjörðum
var líka vígt á sama degi árið 2015.
Hugsanlega verða Dýrafjarðargöng
svo opnuð 14. september 2020.
Verktakarnir Suðurverk og
Metrostav frá Tékklandi vinna
verkið. Samningar við verktaka
hljóða upp á um 9 milljarða króna
og heildarkostnaður verður talsvert
meiri.
Þegar Jón Gunnarsson þrýsti á
hnappinn sem kom sprengingunni af
stað varð honum að orði að nú rynnu
ekki eingöngu öll vötn til Dýrafjarðar
heldur líka fullt af peningum.
Hugmyndin að Dýrafjarðar-
göngum er búin að vera lengi
á teikniborði Vegagerðarinnar.
Var þetta m.a. eitt af fyrstu verk-
um Hreins Haraldssonar, núver-
andi vegamálastjóra, við störf hjá
Vegagerðinni árið 1981, að kanna
aðstæður fyrir Dýrafjarðargöng og
hvar best væri að fara í gegn. Þrjú
ár tekur að klára verkið og því líða
39 ár frá því hann kannaði aðstæður
á svæðinu.
Samkvæmt upplýsingum í
Framkvæmdafréttum Vegagerðar-
innar verður lengd ganganna í bergi
áætluð 5.301 metri, vegskálar 144 m
og 156 m, eða samtals 300 metrar.
Heildarlengd ganga með vegskál-
um er áætluð 5.601 metri og breidd
ganganna verður 8 metrar en þver-
skurðarflatarmál er 53 m2.
Hæð vegskálaenda er 35 m yfir
sjávarmáli (y.s) í Arnarfirði og 67 m
y.s. í Dýrafirði. Gólf í göngum fer
mest í 90 m y.s. í miðjum göngun-
um og er mesti lengdarhalli 1,5%.
Þversnið er samkvæmt norskum
reglum og nefnist T8.
Í göngum verða 10 útskot, þar
af fjögur snúningsútskot. Inni í
göngunum verða fjögur steypt
tæknirými og tvö lítil fjarskiptahús
utan ganga. Göngin verða malbikuð
með steyptum upphækkuðum öxlum.
Nýr vegur verður byggður beggja
vegna gangamunna.
Nýir vegir eru u.þ.b. 3 km
Arnarfjarðarmegin og 4,8 km
Dýrafjarðarmegin, samtals um 7,8
km auk tenginga. Vegurinn verð-
ur 8 m breiður með 7 m akbraut.
Rafmagnsbúnaður og öryggisbún-
aður er fjölþættur, mest af bún-
aðinum er í fjórum tæknirýmum
meðal annars fjórar spennistöðvar.
Símaskápar eru einu skáparnir sem
festir eru á veggi ganga, allir aðrir
rafbúnaðarskápar eru í tæknirýmum.
Loftræsiblásarar, 1 m í þvermál, eru
16 og eru tveir og tveir saman á fjór-
um svæðum við tæknirýmin inni í
göngunum. /HKr.
FRÉTTIR
Kvikmyndahátíðin Reykjavík
International Film Festival, eða
RIFF, hefur verið haldin árlega
frá 2004. Hefur hátíðin markað sér
veglegan sess á alþjóðavísu.
Hátíðin teygir anga sína út fyrir
höfuðborgarsvæðið og að þessu sinni
eru þrjár „RIFF-myndir“ sýndar í
Skjaldborgarbíói á Patreksfirði og í
Sláturhúsinu á Egilsstöðum. Hátíðin
hófst að þessu sinni 28. september
og stendur til 8. október.
Í hópi áhugaverðustu
kvikmyndahátíða heims
Sem dæmi um þá virðingu sem
hátíðin nýtur á alþjóðlega vísu, þá
hefur breska vikublaðið The New
European nýverið gefið út lista yfir
14 evrópskar kvikmyndahátíðir sem
ekki má missa af á árinu 2017. Þar
er RIFF nefnd á meðal stórhátíða
á borð við kvikmyndahátíðina í
Cannes, Feneyjum og Edinborg, auk
10 annarra hátíða.
Til þess að aðskilja sig frá
hátíðum eins og í Cannes og
Berlín var ákveðið að aðalverðlaun
hátíðarinnar yrði Gyllti lundinn sem
gæti aðeins farið til leikstjóra sem
væru að kynna sína fyrstu eða aðra
kvikmynd. Þetta hefur gert það að
verkum að þessi íslenski viðburður
er orðinn að markmiði fyrir
hæfileikafólk sem er að koma nýtt
inn á svið kvikmyndagerðarinnar um
allan heim.
Á lista The New European yfir
þær evrópsku hátíðir sem ekki má
láta framhjá sér fara á árinu 2017 eru:
1. Cannes Film Festival – „Þessi
stóra“
2. Edinburgh International Film
Festival – „Þessi svala“
3. Il Cinema Ritrovato – „Þessi
retro“
4. Karlovy Vary International Film
Festival – „Þessi austræna“
5. Locarno International Film
Festival – „Þessi ferska“
6. Frightfest – „Þessi ógnvekjandi“
7. Venice International Film
Festival – „Þessi virta“
8. Deauville American Film
Festival – „Þessi ameríkulega“
9. Oldenburg International Film
Festival – „Þessi framsækna“
10. San Sebastián International Film
Festival – „Þessi kraftmikla“
11. Reykjavik International Film
Festival – „Þessi unglega“
12. BFI London Film Festival –
„Þessi með bestu myndirnar“
13. Tr ies te In ternat ional
Science+Fiction Film Festival
– „Þessi úr geimnum“
14. Gijon International Film
Festival – „Þessi fyrir krakka“
Sýningar á landsbyggðinni
Á vegum RIFF 2017 verða þrjár
kvikmyndir sýndar á landsbyggð-
inni. Það eru:
Náttúruafl - A Force of Nature
eftir Hayden de Maisoneuve Yates
(ISL, USA 2017). Náttúruafl er
sjálfsíhugun Jóhanns Eyfells, 93
ára íslensks manns sem flutti frá
Flórída til Texas þegar konan hans
dó. Jóhann lýsir þeim öflum sem
mótuðu ungdómsár hans á Íslandi,
landi elds og ísa, og síðar hvern-
ig lífið varð sem listamaður og
kennari í Bandaríkjunum.
Nothingwood - eftir Salim
Shaheen. Salim er afganskur leik-
stjóri og er þetta 111. mynd hans.
Hann hefur tekið með sér sama leik-
arahóp og venjulega þar sem hver
er öðrum furðulegri. Shaheen hefur
verið að gera lággæða Z myndir í
meira en 30 ár. Glamúrfrítt er saga
um mann sem eyðir ævinni í að láta
bernskudraum sinn rætast. Myndin
var tilnefnd til þriggja verðlauna í
Cannes.
Tom of Finland eftir Dome
Karukoski (FIN 2017). Þetta er
sönn saga um hvernig finnski lista-
maðurinn Touko Laaksonen hlaut
alþjóðlega frægð fyrir teikningar
sínar af óþvinguðum, stoltum og
vöðvastæltum hommum. Hann
merkti myndirnar með nafninu
„Tom of Finland“.
Myndirnar urðu vinsælar víða
og settu aukinn kraft í hreyf-
ingu samkynhneigðra. Myndin
vann FIPRESCI verðlaunin í
Gautaborg. Kvikmyndin sem um
ræðir hefur fengið formlega til-
nefningu sem framlag Finnlands
til Óskarsverðlauna. Myndin er ein
burðarmynda á sérstökum finnsk-
um fókus á Alþjóðlegri kvikmynda-
hátíð í Reykjavík í ár.
Alþjóðlega RIFF-hátíðin er líka á landsbyggðinni:
Þrjár kvikmyndir sýndar í Skjaldborgarbíói á
Patreksfirði og í Sláturhúsinu á Egilsstöðum
„Framsýn stéttarfélag lýsir yfir
þungum áhyggjum af þeim mikla
vanda sem steðjar að sauðfjárrækt
á Íslandi, enda ljóst að mikil lækk-
un afurðaverðs til sauðfjárbænda
kemur sér afar illa við greinina og
ýtir undir frekari byggðaröskun
en orðið er.“
Þett kemur fram í ályktun
sem stjórn og trúnaðarmannaráð
Framsýnar samþykkti á dögunum
í tilefni þeirrar stöðu sem sauðfjár-
bændur eru í og félagið hefur veru-
legar áhyggjur af.
Fram kemur að mikil
tekjuskerðing til bænda síðustu ár
geri að verkum að ekkert stendur
eftir til að greiða launakostnað
eftir að framleiðslukostnaður hefur
verið greiddur. Verði boðaðar
verðlækkanir á afurðaverði og
hækkandi sláturkostnaður til
sauðfjárbænda að veruleika í haust
er rekstrargrundvöllur margra
sauðfjárbúa brostinn.
Hrun í greininni snýst ekki
eingöngu um tekjulækkun bænda
„Sauðfjárrækt er ein af grunnstoðum
byggðar í Þingeyjarsýslum líkt og
í flestum öðrum dreifbýlissveitar-
félögum landsins, margir byggja
afkomu sína á sauðfjárrækt, bæði
sem bændur og/eða við önnur afleidd
störf tengd landbúnaði,“ segir enn
fremur í ályktuninni. Bent er á að
hverfi sauðfjárrækt úr sveitum lands-
ins munu fleiri störf fylgja með þar
sem margir hafa afkomu sína af
vinnu við afurðastöðvar og ýmiss
konar þjónustu við bændur, þau
störf munu einnig hverfa. „Hrun í
greininni snýst því ekki eingöngu
um tekjulækkun til bænda heldur er
fjöldi starfa í hættu, samfélagið allt
er undir.“
Framsýn skorar á forystumenn
sauðfjárbænda, sláturleyfishafa
og ráðamenn þjóðarinnar að vinna
markvisst að lausn mála með það
að markmiði að leysa þennan
grafalvarlega vanda sem blasir við
þjóðinni allri. /MÞÞ
Myndir / Haukur Már Hartðarson
-
Nova Zembla - Grensásvegi 50 - 108 Reykjavík
S. 774 7090 - Netfang eggert@brix.is
www.kelfort.is/en - kelfort.is
FRÁBÆRT VERÐ OG GÆÐI!
Stéttarfélagið Framsýn ályktar um vanda sauðfjárbænda:
Hverfi sauðfjárrækt úr sveitum landsins
munu fleiri störf fylgja með
Mynd / Haukur Már Harðarson